GELD TOPIC / Investoretopic / Gambling

[calanda]

BTC isch eh rächt abhängig vom SP500 worde und dä gseht uus, als ob er churzfrischtig imene Retrace wär, was ja guet isch, entsprächend retraced au dä Bitcoin. Ich vermuete starch, dass beid dä Priis fortsetzte werdet aber wänn genau, kei Ahnig. Je nachdäm, wie starch dä SP500 sinkt, halt ichs durchuus für möglich, dass BTC im Extremfall sogar gschwind under 100K sinkt, wänn dä Priis dänn länger under 100K wär, dänn wär das für mich es besorgniserregends Zeiche. Ich gahne mal starch devo uus, dass dä Priis sich sDaily Fair Value Gap zw. 104700 und 103500 hollt (evtl. is 4H FvG um 102500) und dänn sött chehre.

was denksch über eth?

[Vyse]

Han ich gar nöd uuf em Radar. Ich bin chuum no im Investment-Game, han Tesla und Bitcoin als langfristigs Investment. Ich trade eigentlich nur no Tagesbewegige vom Märt (hauptsächlich Gold, Nasdaq, SP500, Bitcoin). Ob uuf- oder abwärts isch mier gliich, solang ich en guete Trade chann uusmache.
ETH schiint im aktuelle Zyklusabschnitt aber rächt z dominiere, glaubs dä ETF-Inflow isch au zimli starch.

[thaeye]

google muess chrome nöd verchaufe aber defür dörfet sie kei exklusiv deals (wie mit apple) meh igeh, wo google als fixi startssuechi definiert.

isch positiv für google, unsicherheit mal weg. drum isch sie au "underbewertet" gsi ggü de andere vo de big tech player. eigentlich en easy play gsi für jede und ersichtlich.

[calanda]

Und huet hop oder flop am 4i?

[thaeye]

isch 15.30 und isch september, de statistisch schlechtischt monet im jahr. jetzt rat mal.

[Vyse]

So bitz intuitiv hani dä Iidruck, da braut sich grad rächt öppis in Uufwärtsrichtig zämme. Hätt dä Bitcoin gärn no uuf knapp under 105K gseh (chonnt evtl. ja no) aber irgendwie würkt dä Märt, als ober eifach will uusbräche. SP500 neus Höch, wahrschiinli Ahfangs nächscht Woche Retrace in Decisional (ca. 6430) und dänn Abflug, we'll see.

[thaeye]

gestr Nebius explodiert und hüt oracle, AI isch na nöd verbiiii

[thaeye]

Quelle

karp bim all in event

[Vyse]

Was ich irgendwie bitz schräg finde und nöd so rächt iiordne chann, isch die Diskrepanz zw. Bitcoin-Dominance und dä Bitcoin-Marktstruktur bzw. em Priisverhalte.

BTC.D gheit heftig und schiint fortdsetze, währenddem dä Bitcon-Priis moderat konsolidiert, stabil würkt und uusgseht, als ob er uusbräche wür.

Rein logisch betrachtet: Falls dä Uusbruch vom Bitcoin ächt und kein Fakeout isch, währenddem aber BTC.D sich im Tüüf befindet, müesst doch das es extrems Uufwärtspotential ha für dä Bitcoin-Priis, da, falls Bitcoin tatsächlich uusbräche wür TROTZ tüüfem BTC.D, müesst dä Bitcoin-Priis ja dRagete mache, wänn dänn irgendwänn no zuesätzlich BTC.D ahfah wür stiige. Sältsam.

weischwasimeine

[thaeye]

tesla uf de überholspur siit es paar täg, d optimus videos schiiinet guet azchoh und uuserdem isch de elon na bim all in podcast au uftrete und haet es interview geh.

[Vyse]

Joa, has gseiht, Tesla hebe.
Dä Mainstream gwünnt NIE und Mainstream isch immer no Tesla und Musk hate, was eher es Iichaufs- als es Uustiigssignal isch (voruusgsetzt, dass dBude fundamental öppis uuf em Chaschte hät). Jede Dahärgloffeni hätt irgend e Meinig über Tesla: dChinese mached besseri eAutis, Musk säg en Fascho, blahblah...

[thaeye]

nie vom mainstream beirre lah, das macht chohle. die meiste wott "meinig" vorgebet, waend nöd das du meh geld machsch.

[thaeye]

und ja de elon haet au na fett ineghebt selber mit tesla aktie.

alphabet (google) au so es biespiel, jede haet die abgschriebe und jetzt flüügt d aktie plötzlich, OH NEI CHATGPT vernichtet google blablablalba....

[Vyse]

Mahnt zur Vorsicht. Tönt chli hässig und sehr verbisse aber hät paar sehr gueti Pünkt (zur Makrosituation, hät nöd viel spezifisch mit Bitcoin ztue). Hät scho nöd ganz unrächt, scho möglich, dass mier eus scho im Blow-off-Top Beriich befindet.


Quelle

[thaeye]

söll nur choh die superkorrektur oder marktcrash oder doomsday. ich bin parat.

[calanda]

söll nur choh die superkorrektur oder marktcrash oder doomsday. ich bin parat.

Hesch viel back up cash und krypto fuer so en fall?

[thaeye]

cash management ghört au zumene guete depot. wenns höch isch, weniger chaufe, wenns tüüf isch, zueschlah. cashateil momentan bi 20%. bin also immer na guet investiert, han aber na chli ersatzmunition.

gestr übrigens 1 leitzinssenkig siit dezember 24. gset so uus als ob na 2 wiiteri werdet choh bis endi jahr. crash also na verschobe.

china regierig haet ihrne techfirmene widrmal verbote gwüssi nvidia chips z chaufe. das isch de grund für -2.6% gestr.

[thaeye]

zinssenkige hüt igschenkt, guete tag, alles sehr gruen. morn isch hexesabbat widrmal, chönt volatil werde.

september bisher gar nöd soübel...

[Vyse]

Fuck yes!

Han mi mal am Propfirm-Konzept uusprobiert. Einersiits hani mier wälle under Bewiis stelle, dass ichs au under sehr stränge Trading-Regle schaffe und anderersiits Ischs eigentli scho e gueti Sach, da du nöd diis eigene Kapital tradisch und somit keis Risiko häsch, was rächt crazy isch.
Du chasch en 500K Account trade ohni jeglichem Risiko, klar, strängi Regle muesch iihalte, wo dPropfirm vor Verlüscht bewahrt.

Isch bitz en Chrampf gsi dTrading-Challenge zbestah. Drüü Mal extrem nöch drah gsi und jedes Mal en tumme Fähler gmacht. sErscht Mal e Drawdown-Regle nöd wahrgnoh, szweit Mal mega guet fürschi cho und dänn nöd realisiert, dassi e Position offe gha han wo id NY-Session während dä Bank-Holiday überegange isch und ha somit dPosition nöd chönne schlüsse vor dä 11i am Abig (was gäg e wiiteri Regle verstosst). Dritt Versuech voll tilted. Viert Versuech ischs dänn gsi

Klar, schlussändlich willsch diis eigene Kapital trade aber wänn härt profitabel mit Prop-Firms bisch, dänn weisch, dass definitiv ready bisch, au diis eigene Kapital z trade.

Während dä Challenge-Phase zahlsch e monatlichi Gebühr und dä Profit wod machsch chasch nöd abhebe (Demo-Account). Nach dä Challenge zahlsch KEI Gebühre meh, defür gisch 10% vo dim Profit ab. Nöd grad wenig defür, wie gseht, treihsch keis Risiko.

[thaeye]

nvidia hüt widrmal es ATH gmacht.

[Vyse]

bzgl. Nvidia würi mal plump behaupte: Ahgebot - Nachfrag.

Nöd, dassi das gross verfolge aber so bitz intuitiv würi behaupte, dass dä KI-Bedarf erst am Ahfang staht und nonig mal richtig etabliert isch i dä verschiedenschte Wirtschaftssegmänt wältwiit. Die wo mit KI richtig cholle erwirtschaftet, sind miine Meinig na die absolute Vorriiter, wänn mal die gross, träg Masse au uufspringt, gahts erst richtig los. Ich bin nöd so übrzüügt vom ganze Gerede, dass dKI-Blase nächschtens platzt.

Energiesektor chönnt au interessant werde für Investitione, dä Energiebedarf vo Bitcoin wird bald mickrig uusgseh, vergliche mit däm für all die kommende KI-Modäll.

[Vyse]

Ich han zu dä Daytrader überegwächsled, spiele sLäbe offebar uuf ultrahard Mode.

sZiel isch, mit em Funded-Account zwei Monätslöhn ertrade und dänn wird dKündigung iigreicht.
Für dEvaluation hani 3700 in sächs Tag gmacht, isch also es realistischs Ziel.

Position-Trade gib ich nöd uuf aber hey, es lauft guet.
P&L für hüt:

[zeromeier]

Daytrading crypto scheiss oder aktie? Bi aktie müsstisch ja erheblichi Summe schiebe, demit das lohnt?

[Vyse]

So um 400 - 500 Stutz am Tag isch rächt guet zerreiche, alles drüber isch tiptop. Chasch ja sälber uusrächne, was das im Monät uusmacht.
Aktuell trade ich en chliine 50K Account, mache mal zwei Mönet mit däm wiiter und holle mier dänn en zweite. Mit 100K bisch dänn rächt guet underwägs.

sInstrumänt isch egal, am beschte das, wo zum Tradingstil passt, obwohl vieles im Grosse und Ganze sich ähnlich bewegt, sind gwüssi Charakteristike i dänne Bewegige underschiedlich. Ich mag Nasdaq am liebschte und Gold i dä London-Session (aktuell Micro oder Mini Contracts), NY-Session isch hüüfig huere aggro aber wänns guet plansch, wie ich hüt, dänn chasch rächt schöni Bewegige trade.
Bitcoin isch übrigens mittlerwiile rächt "zahm" zum trade, finde Gold mittlerwiile viel sprunghafter und unberächebarer (zumindescht fürs Daytrading).

Optimalerwiis häsch diin Trade innerhalb vonäre halb Stund bis. max. 2h abgschlosse und chasch diich anderne Sache widme. Hütig Trade isch knapp e Stund gsi. 1700$ innere Stund findi no easy.

Ganz Tag ahm Bildschirm ahpflockt si, isch übrigens e total falschi Vorstellig vo Vielne, da sgröschte Volume sowieso nur i bestimmte Ziitabschnitt in Märt flüsst und innerhalb dänne Ziitabschnitt gits nomal, chliineri Abschnitt, uuf die dich hauptsächlich chasch konzentriere und die duured ca. 2h pro Session. London-Session z.B. ab 9:30 bis 11:30 oder NY ab 15:30 - 17:45 (jenachdäm machts Sinn, sich scho vorhär z positioniere).

[thaeye]

shutdown i de usa vo de regierig, eigetnlich bisher immer en guete dip gsi zum chaufe