Bildschirm - PRAISE BLACK JESUS

[Supersonic]

Ich wott mir wieder mal zwei neui Bildschirm leiste. Am liebste 27 Zoll und sie sötted es guets Priisleistigsverhältnis ha. Ich schaff ide Videobearbeitig, bruuche aber kein Referenzmonitor oder so. Hett öpper empfehlige?

[Xinobrax2]

Ich chander keis bestimmts Modell empfele, aber je nach dem wievilt wotsch usgeh lohnt sichs ev. au mal d 28'' Monitore azluege. Dete findsch mehrheitlich 4K Modell. Für Videospiel und Multimedia sind die super. Wennt teilwis au mit 4K Vides arbeitisch sowiso. Ev. isches im Moment chli overkill, aber chasches ja au als 1080p Monitore bruche und de Rechner spöter narüschte. Uf jede Fall hesch mit dene Dinger für di nögschte paar Jahr usgsorgt.

[Gurgelhals]

Was verstahsch under "guets Priis/Leischtigsverhältnis"? Monitor i dem Grössebereich gitt's zwüschet 300.- und 2000.- i jenschte verschiedene Usfüehrige und Standards und au underhalb vo de Referenzklass gitt's grossi Underschied, drum sött me scho chli gnauer wüsse, was me vo so eme Teil effektiv will und wieviel me bereit isch z'zahle. Je nach dem zeigt sich dänn under Umständ, dass es Modell mit eme billige TN-Panel bereits langet, will's für de Isatzweck kei Rolle spielt ... oder ebe genau nöd

Die wichtigschte Frage sind de Paneltyp (grob gseit: TN, IPS oder PVA) sowie d'Uflösig vom Panel (1920x1080, 2560x1440 oder sogar 3840x2160). Im Fall vo de Uflösig spielt dänn au no d'Frag mit dri, öb du de PC zum game bruchsch. I dem Fall söttsch vor em Chauf no überlege, öb dini Grafikcharte d'Paneluflösig au packt: Für 2560x1440 brucht's scho öppis rächt potents, 3840x2160 chasch hingäge notfalls au ohni Qualitätsverluscht mit 1920x1080 astüüre, drum langet da wiederum & ironischerwiis öppis mittelklassigs (zmindescht i de reine Theorie. Öb me i de Praxis dänn tatsächlich es unverblurrts Bild überchunnt, wänn me s'Panel mit exakt de halbe native Uflösig astüüred, da druf würd ich also dänn glich nöd welle wette). Wänn die paar wesentliche Pünkt mal klar sind, chan me d'Uswahl dänn uf es meh oder weniger überschaubars Spektrum a Möglichkeite ischränke.

[Supersonic]

Maximal 800 Stutz, IPS Panel wege de Farbechtheit und er sött Höheverstellbar sii.

Ich han momentan de is Aug gfasst:
https://www.digitec.ch/de/s1/product/as ... tor-360532" onclick="window.open(this.href);return false;

Mues aber säge das am Xino sin 4K Hiiwiis mich grad is grüble bracht hett. Leider sind die Dinger aber alli no i de erste Generation, darum wirdi momentan wohl no druff verzichte. Hardwaremässig wär es Dualscreen Setup mit 4K aber durchuus möglich. De hetti bis jetzt am gschiidste gfunde wegem IPS-Panel, die andere hend fasch all es PN Panel, zumindest i dere Priisklass:
https://www.digitec.ch/de/s1/product/de ... or-2470556" onclick="window.open(this.href);return false;

[TypeJ]

genau de asus han ich!
super grät...aber ich bin kein profi...

[Gurgelhals]

Maximal 800 Stutz, IPS Panel wege de Farbechtheit und er sött Höheverstellbar sii.

I däre Priisklass händ susch die vo Dell no en guete Ruef. Luegsch susch mal da, die teschted üsserscht gründlich: http://www.prad.de" onclick="window.open(this.href);return false;

De vo dir gnännti Asus isch im Fabrikzuestand offebar nöd würklich guet kalibriert (vo wäge Farbechtheit), aber ich nime a, du häsch eis vo dene Kalibrierigsgrätli, dänn spielt's eh kei Rolle.

[resuscitation]

Die wirsch ja sicher au vo Ziit zu Ziit kalibriere müesse?

[Supersonic]

Danke für de Link Gurgelhals. Ich duen mal det umestöbere. Ja kalibriere mues mer ab und an. Für das gits ä Color Spyder woni Zuegriff druff han.

[Acid]

Ich han grad de LG 21:9 kauft... Hedmer au no rächt viel Flächi mit nur eim Bildschirm.

Allerdings isch de überhaupt nid verstellbar, wemeren nid an en extra Halterig macht, und eigentlich hed Dell und au no en andere Hersteller (AOC glaub.. De chönt jetzt erhältlich sii) s glichä Panel imene sicherlich flexiblere ghüüs wlä bringä, und sind sicher au billiger, wemer kei mac. Hed chamer uf d Thunderbolt jo au verzichtä.

[resuscitation]

... Ja kalibriere mues mer ab und an. Für das gits ä Color Spyder woni Zuegriff druff han.

Ja, dä han ich au.. Spyder 4 Pro.. aber interessant isch, das die Kalibrierige immer chli underschiedlichi Resultat lieferet.. aber ich schaffe eh nöd mit Normliecht, also isch es au egal

[Supersonic]

S'Warte hett sich glohnt. Ich han jetzt zwei vo dene Biester:
http://www.tomshardware.com/reviews/hp- ... ,3927.html" onclick="window.open(this.href);return false;

Sie sind so wunder schön

De Kolleg hett mal bi de HP gschafft und ich han Mitarbeiterpriise becho

[TypeJ]

sehr geil und tür
qualität hed sin pries

[Supersonic]

sehr geil und tür
qualität hed sin pries

Isch wohl so aber für Postproduktion isches ebe eigentlich günstig. Sie gsehnd fantastisch uus aber ich han grad es rechts Gschiss mit de Displayports.

Ich schaff immer no mitem PC wo du mir verchauft häsch. Das heisst ich han zwei Gainward GTX 580 3072MB Charte drin und jedi Charte hett jewiils ein DisplayPort, ein HDMI und zwei DVI's. Mini Bildschirm chönnd nume über HDMI oder DisplayPort aagschlosse werde. Logisch wotti DisplayPort. Aber wenn ich beidi Bildschirm über de Displayport aastecke chumi nume Schwarze Screen über und de Kompi macht kein Wank meh. Au nöd wenni no en dritte Bildschirm dra han. Triiber sind aktuell usw. Ich brings nume zum laufe wenni beidi Bildschirm a die gliich Charte aastecke, eine über Displayport, eine über HDMI. Nume bringt er über HDMI nume 1080p in 60Hz ane. 2560 x 1440 bi 60Hz wär eigentlich die Nativ Uuflösig, aber die schafft er nume bi 24Hz was natürli völlig unbruuchbar isch. Ich bin gester stundelang dra gsi und bin nöd wiiter cho. Stattdesse hetts mer de Triiber verbesed und ich han zerst mal nume Black Screen gha, au über DVI ufeme alte Monitor. Weiss gar nöd genau wie aber ich hans denn gschafft über de DVI Monitor wieder alles herzstelle, nume hani halt immerno nume 1080p ufem einte Monitor und bi 27" isch das gruusig.

Ich han denkt dasi vilicht ide BIOS no öppis iestelle chönnt, jetzt chunnt aber de geilst. Die zeigts mir nöd über Displayport oder HDMI ah. Ich mues immer de DVI Monitor aahenke. Nume blöd das mis Wireless Keyboard plötzlich nüm z'funktioniere schiint bevor Windows gstartet isch obwohl ich mitem gliiche Modell vor öppe ere Wuche id BIOS inecho bin.

So Züüg isch eifach nume Hass. Hett vilicht öpper ä Idee, oder weiss öpper öb die beide Charte eifach zwenig Power hend zum zwei Mal 2560 x 1440 bi 60Hz aaz'zeige? Ich hans Internet abgsuecht, ich find aber nüüt womer hilft -.-

@Michi
Weisch du vilicht no was für es Keyboard du ine bout häsch. Es staht nöd uuf de Platine und es gaht no en Moment bisi es kablets Keyboard han. Vilicht häschs ja no ufere Quittig oder so


Ich wär froh um jedi Hilf!

[resuscitation]

Interessant.. isch sogar no billiger als min Wunsch-EIZO

[Xinobrax2]

Für de Priis het ich mir 4 Low-End 4K Monitore gholt

[Supersonic]

Die chamer nonig bruuche, zumindest nöd bi dem wo ich mach Speziell würd denn bi mir vermuetlich nöd mal ein Monitor laufe :HASS:

[Xinobrax2]

Schoso...d Überleggig debi wär eher, das ich i 3 - 5 Jahr so oder so wider en neue Monitor müesst chaufe. Weni jetzt en HD Monitor chaufe muenen ersetzte will sich 4K früener oder spöter eifach duresetzt. Weni jetzt en 4K Monitor chaufe muenen ersetze will sich längerfristig sicher mal irgend en neue Standard bi de Überträgig etabliert. Praktisch gseh würd ich drum im Moment gar nid ersch sovil Geld für Monitore usgeh. Da du aber eh demit muesch arbeite isches wider was anders...

Ich arbeite zwar au demit, aber verfäschti Farbe sind keis Problem. Me Pixel hingege wäred super...
Im moment hani z.B. 3 HD Monitore...nur eine devo het schöni Farbe...drum machi Texture usw. det druf. Modelliere tueni am liebste über mehreri Monitore und s Endresultat betrachti denn wider uf dem mit de richtige Farbe. Solangi ein Screen mit guete Farbe han isch alles ok. Zum Film bearbeite wärs aber scho zimlich nervig...

[Supersonic]

Ich han hüt Nami im Nvidia Supportforum posted und en Typ hett mis Problem inere Minute glöst. Unfassbar! Gester bis am 5i am Morge dra ghockt wils mi so hässig gmacht hett, olololol! Ich han müese ä eigeni Uuflösig erstelle im Nvidia Control Panel, was ich gester au scho probiert han. Uus unerfindliche Gründ mues mer s'zweite Display aber uuf 55 Hz istelle und nöd uuf 60Hz. Ich weiss zwar nöd woher mer so öppis wüsse sött und warum dases jetzt funktioniert, aber wayne. Es funktioniert!!!

Ich weiss scho was du meinsch, de UHD Trend isch ja ide Filmbranche aktueller denn je, ich han au scho zwei Mal mit 2K Footage müese schaffe und mini eigeni Kamera chan ja demnächst au 4K uufneh. Aber s'Ding isch, dass das im Internet no kein Mensch interessiert und darum wirds meiste immer no uuf 1080p abe konvertiert. Isch qualitativ aber immer no besser. Und s'andere isch halt eifach das ich vorher ebe au Güselmonitore gha han was d'Farbe aagaht und bim Grading isch das eifach nöd bruuchbar. Das gilt auf für 4K wo abgseh devo no bi vielne Programm nonig unterstützt wird. Und mit de lupe Text lese schiesst mi ah. Isch jetzt scho bi 2560x1440 huere chlii

[Xinobrax2]

Joa, ich gange mal devo us, dass sich die Problem mit de Ziit vo selber werded löse. Btw, wenns z chli isch eifach mal d DPI ufeschrube...

[TypeJ]

keyboard ibaut??? wie meinsch das maru? lol

[Supersonic]

keyboard ibaut??? wie meinsch das maru? lol

Lol, Mainboard natürli

D'Bildschirm funktioniered natürli jetzt perfekt, aber d'BIOS würdi trotzdem gern mal update und de Displayport oder HDMI als prioritäre Output definiere. Würdsch mer en Gfalle mache wennd es alts Email chönntsch usefische =)

Hüt übrigens s'erste Grading druff gmacht
D'Farbe sind fantastisch!

[TypeJ]

LOOOL
seg mer wenn en mir abkauft hesch, denn suechi mal im digitec mini alte rechnige use
i ha circa 37836864864864 mainboards kauft det ide letschte 5 jahr

[Uriel]

ODEr me installier CPUZ

[TypeJ]

ODEr me installier CPUZ

ja wahr!
mach das maru, de siesches sofort

isch es asus oder es asrock..zu 99%

[Supersonic]

Thanks, so hanis chönne usefinde. Danke!