E3 2014 aka Microsoft Conf

[BrainBug]

Termine:

Microsoft Conf: Mo 9. Juni 2014 - 18:30 Uhr (Mitteleurozeit)
Electronic Arts Conf: Mo 9. Juni 2014 - 22:00 Uhr
Ubisoft Conf: Di 10. Juni 2014 - 0:00 Uhr
Sony Conf: Di 10. Juni 2014 - 3:00 Uhr
Nintendo Stream: Di 10. Juni 2014 - ?? Uhr

edit:

[abyss]

Kinect? Always on?

[Gurgelhals]

lolnintendo

[Xinobrax2]

lolnintendo

wird ussert denne pokken, art academy und rubinsaphirsmaragd remakes wohl chum was guets ha.

Quelle

[Bejita]

Quelle

[mr.raw]

ich glaub Nintendo wird dr Cube Adapter mit Smash Bros extremschtens hype...denn de Zelda Fighter. Es paar Perlene uff Virtual Console... vieli Indie Games. 1 oder 2 überraschige (evt ResiEvil...dängges nid...oder es Cube Game wo sehr beliebt gsi (Rogue Squadron, Eternal Darkness) isch...). Evt. Oddworld und e "fortsetzig" und de 3DS wird mit viel fettem züügs gstopft. Als schluss vom Stream es Bild voneme Metroid oder Zelda Game in HD uff en WiiU.

[zwirrlibatz]

ich freu mich uf d'MS komferänz. die wird no luschtiger als die letscht.

[Xinobrax2]

Wird au neuji Hardware akündigt? Handheld, HMD...susch irgendwas? Di neu Konsolegeneration isch sowas vo lame...da chönd au gueti Spiel nüt me dra endere...

[PlanetHarrieR]

Die Buchse fürs Hirn

[Herr Rossi]

da chönd au gueti Spiel nüt me dra endere...

findi äbe nid, vilicht liits a dine erwartige?

[Xinobrax2]

da chönd au gueti Spiel nüt me dra endere...

findi äbe nid, vilicht liits a dine erwartige?

Nene, mini Erwartige sind nid psunders hoch und s isch nid so, dases für di aktuell Generation kei gueti Spiel git. De Punkt isch eher de, dases au für d Wii, PS3 und 360 no öpe 100 gueti Spiel git woni nonig gspillt han. Die gits alli zumne Bruchteil vom ursprüngliche Priis und technisch sinds de aktuellste Titel mengisch nid mal unterlege. Darum...wayne...was mir chli fehlt, isch de Sprung zwüschet de Generatione....und a dem chönd au d Spiel nid vil endere...

[abyss]

?

Eigentlech findi jedes Spiel isch technisch überlege uf Next Gen. Siehe Mario Kart, Nedd for Speed Rivals, Battlerfielder, usw.

Aber 1 stimmt scho, gitt no viel guets uf de alte Chischtene. Leider gluschtets mi aber nüme…

[Xinobrax2]

Ja guet...Mario Kart...Nintendo isch nomal es Kapitel für sich....d Wii U isch di erscht HD Konsole vo Nintendo. D Wii isch gegenüber em Cube au nur n Sprung gsi wegem neue Controller, das het chli Schwung id Landschaft bracht. Aber bi Sony und MS...naja...es NFS Rivals oder s Schlachtfeld hetted au uf de "alte Konsole" chöne ufgmotzt werde mitere neue Grafikengine. D Hardware isch nonig bis ad Grenze usgreizt worde.

Klar gits Unterschied...vor allem i de Details wie Wasser, Spieglige, Shader allgemein usw..aber s isch nüm so de mindbloweing Effekt wie früener....vo PS uf PS2, vo de PS2 zur PS3.....det hesch uf ein Blick chöne sege weles das s neue isch...wennt das bi de neue Spili wotsch mache muesch Filmli parallel laufe la und uf jedes Tröpfli achte....

"Hesch gseh, d Träne unter em linke Aug spieglet d Explosion"....mega....

[abyss]

NBA 2k14 hani no vergesse. Bi zfride mit next Gen. Endlech schön liislegi Konsole. Und dr Soundtechnisch hetts sechs ou verbesserd find.Denke dr Unterschid wird ou nüme so viel grösser mit jedere neue Konsole. SNES zu N64 isch z.B. sehr geil gsi, wägem 3D. Und die Spili werde sicher ou gäng tüürer zum Entwickle. Chame gloub nid weltbewegens erwarte. Was mi aber erstunt, das Gameprise gsunke si. Das überrascht mi scho.

Und...… Forza Horizon 2 chunnt!!!

http://www.gamepro.de/xbox/spiele/xbox- ... 56395.html" onclick="window.open(this.href);return false;

[Xinobrax2]

S wird glaubs scho nomal es paar Sprüng gä....bi Fotorealismus simer ja no lang nid...aber eh, s gat vorwärts....für mich fehlt im Moment eifach no de Reiz vo dene neue Maschine. Mal luege, ob d E3 irgendwas dra chan endere Ich hoffe imerna uf d HMDs

[abyss]

Bi scho nume froh, hani nüme sone Föhn als Konsole.

Was halt no chlei suckt, si die ganze Installatione. Wosch mou eis zocke, muesch besser scho 3 Std. vorher ischalte. Chönnt ja no es Mörder update ineschneie.

Pfreu mi uf d E3.

[thaeye]

also d ps4 tönt au recht, sicherlich nömm so luut wie die alte aber doch sie tönt au.

[Xinobrax2]

Dass d Lutstärchi vom Lüfter nach 7 Jahr Entwicklig de gröscht Fortschritt isch seit eigentlich alles...aber das chan sich ja no endere...

[thaeye]

ich finds die Generation jetzt würkli au nah nöd de brüller. bisher eidütig de chlinsti sprung i Sache Technik. das wird jetzt so wiitergah zum de märt nah chli melke und den crashts den mal.

[abyss]

also d ps4 tönt au recht, sicherlich nömm so luut wie die alte aber doch sie tönt au.

Ha d One gmeint.

[Gurgelhals]

ich finds die Generation jetzt würkli au nah nöd de brüller. bisher eidütig de chlinsti sprung i Sache Technik. das wird jetzt so wiitergah zum de märt nah chli melke und den crashts den mal.

Isch de point of diminishing return. In Omgjapan isch de Heimkonsolemärt faktisch scho crasht, de wüchentlichi PS4-Absatz hätt sich det inzwüsche uf em Niveau vom WiiU ipendlet

[PlanetHarrieR]

Na ja, Japan ist in Punkto Konsolen eh komisch. Die spielen freiwillig fast nur auf Handhelds.

[evo]

handhelds sind auch massiv geil

[Bejita]

Ig weiss ig bi dr ewig Sony fanboy, aber i gloube die sieche wärde huere viu zeige ar E3, die si huere lang ruhig gsi, und hei nid wie MS scho ihres ganze pulver verschosse, die hei ja i dä staate Chinos gmietet für d Fans dermit si d E3 chöi ga luege ( Gratis )

[Xinobrax2]

Ig weiss ig bi dr ewig Sony fanboy, aber i gloube die sieche wärde huere viu zeige ar E3, die si huere lang ruhig gsi, und hei nid wie MS scho ihres ganze pulver verschosse, die hei ja i dä staate Chinos gmietet für d Fans dermit si d E3 chöi ga luege ( Gratis )

Project Morpheus
Das Ding macht d PS4 für mich interessant...wenn sis guet integriered und nid nur als irgend es Gadged vertribed chents was werde.