Space Invaders s'erste Game mit eigener Logik?

[Supersonic]

Da ich ja grad recht intensiv über Games am recherchiere gsi bin, bin ich über die obestehendi Theorie gstosse.

S'erste wükliche Videogame isch ja Tennis for 2 gsi wo denn in ähnlicher Form uufem Odyssey und ufem Atari erschiine isch. Denebed hetts en Huufe Simulatione geh aber no kei Games wo ihri eigeti Welt mit eigene Regle kreiert hett. Logo hends im Pong d'Gschwindigkeit so iegstellt, dass de Ball so flüügt, dass mer en guet zruggspiele chan aber schlussendlich isches immer no vereifachts Tennis. Spacewar! hett ä Ruumschiffschlacht uustreit wos i dere Form natürli nöd geh hett und au nonig git aber mer hett uus Sciencefiction Stories aagnoh da mer so umeflüüge chönnt und mer hett das versuecht nahzstelle.

Aber Space Invaders schiint s'erste Spiel z'sii wo d'Eigeschafte vom Medium aagluegt hett und uufgrund vo dene es Game gmacht hend und nöd uufgrund vo öppis bereits bestehendem. Uus dem Grund isches eigentlich s'erste "wahre" Video Game.

Kenned ihr Biispiil wo vor Space Invaders gsi sind oder hender en Iewand degege? Würd mi interessiere!

[Uriel]

Au wenn dini Beobachtige sich söttet als korrekt erwiise, wil ich dennoch druf Hiiwise, dass dr Usdruck «wahrs Videogame» dich vermuetlich zum Ziel vo seelezerrissendem Spott und Hohn macht.
Es isch ungefähr so, als öb du im Physikunterricht dr Energiebegriff ufgrifsch und aafahsch vo «gueter» und «schlechter» Energie ds rede.

Öb dasjenige, wo es Videospiel zum ne «wahre» Videospiel macht, tatsächlich us dine Kriterie hervorgaht isch mir nüd ganz klar. Chönnt me nüd säge, dass es Brettspiel we «Warhammer» dini Kriterie au erfüllt aber trotzdem sicher nüd als «wahrs» Videospiel gelte würd.

Wer denn en Ego Shooter we Call of Duty kes wahrs Videospiel, wills probiert e Chriegssimulation ds sii? Ich würd säge, ja, will nur will CoD probiert, chrieg ds simuliere, heisst das nüd, dass es ihm au glingt.

Nur wil Pong probiert, sich an Tennis ds orientiere, heisst das nüd dass Pong e Tennissimulation isch. Im Gegeteil. In Pong sind d Eigeschafte vom Medium extrem dütlich hervorträtte, wills (falls me der Vergiich zum Tennis macht) extremi verchürzige und änderige zum «ursprüngliche» Tennis git.

Nuchmal ohni dini Beobachtig welle ds entwerte: Wie wers damit: ds gsee, was für Eigeschafte es Spiel het, dadurch dass es es Videospiel isch, statt dass me wahri gege falschi Videospiel ustuscht?

[Supersonic]

Pardon für das blöd uusgwählte Adjektiv. Eifacher uusdruckt isch Space Invaders s'erste Spiel gsi wo uuschlüüslich uuf em Medium vom Videospiel erlebbar gsi isch. Ali andere Spielidee wo vorher ume gsi sind sind Umsetzige vo bestehende Sache gsi. Ich gsehn dini Aasicht devo, dass Pong nöd s'gliiche wie Tischtennis isch scho. Mer chans ufem Sofa spiele vorem Fernseh und das machts an und für sich zumene video game. Aber Space Invaders isch uuschliesslich i dere Form machbar gsi und hett nöd uuf bestehende Sache basiert. Spacewar! hett uuf Science Fiction basiert. Space Invaders isch (vermuetlich) so entstande wisch usecho isch, wil mer sich überleit hett was mer mit dem Medium alles chan mache und nöd, wie alli andere vorher das gmacht hend, wie mer chan anderi Sache uf dem Medium umsetze.

Call of Duty mag ä Chriegs "Simulation" sii aber es beinhaltet so viel Funktione und Erfahrige wo nur dur s'Medium vo Videospiel chönnd vermittlet werde dases längstens als Videospiel durechunnt. Isch aber au scho inere viel fortgschrittenere Ziit.

[Tatsujin]

Was isch den z.b. de grossi unterschied vo computer space (71) zu space invaders (78), bez. dim eiget kreirte kriterium?

[Supersonic]

Was isch den z.b. de grossi unterschied vo computer space (71) zu space invaders (78), bez. dim eiget kreirte kriterium?

Das frög ich vor allem eu. Ich bin mir nöd sicher bi dene beide Spiel. Spacewar hett nämli tatsächlich au scho s'Medium für sich gnutzt, was mir klar worde isch nachdem ich chli meh über s'Game glese han. De klari Unterschied isch natürlich das Space Invaders kommerziell vertriebe worde isch und unter anderem defür gsorgt hett das die japanisch Kavallerie über d'Welt zieht.

[Herr Rossi]

Dini Frag chasch ja aber selber beantworte. Space Invaders ischs sicher nid.

[Supersonic]

Dini Frag chasch ja aber selber beantworte. Space Invaders ischs sicher nid.

Jein, wie mit de Definition vo Videospiel ischs au da chli ä Aasichtssach. Für einigi isches bestimmt Pong, für anderi Spacewar! und für anderi Tennis for Two. Darum hani das Topic eigentlich uufgmacht.

[TypeJ]

wolfenstein 3d isch s'erschte gsi, nimm das als wahrs videogame

[Supersonic]

wolfenstein 3d isch s'erschte gsi, nimm das als wahrs videogame

Ehre wem Ehre gebührt, Wolfenstein wird sin Platz finde ide Doku aber bestimmt nöd als ersts Videospiel

[Herr Rossi]

Dini Frag chasch ja aber selber beantworte. Space Invaders ischs sicher nid.

Jein, wie mit de Definition vo Videospiel ischs au da chli ä Aasichtssach.

denn nimm doch dini asicht

[Master(G)]

[Supersonic]

Dini Frag chasch ja aber selber beantworte. Space Invaders ischs sicher nid.

Jein, wie mit de Definition vo Videospiel ischs au da chli ä Aasichtssach.

denn nimm doch dini asicht

Mich würd aber eigentlich interessiere was ihr denked. Das isch es "FORUM" Mann. Chli diskutiere wär memal no interessant.

[Tatsujin]

Was isch den z.b. de grossi unterschied vo computer space (71) zu space invaders (78), bez. dim eiget kreirte kriterium?

Das frög ich vor allem eu. Ich bin mir nöd sicher bi dene beide Spiel. Spacewar hett nämli tatsächlich au scho s'Medium für sich gnutzt, was mir klar worde isch nachdem ich chli meh über s'Game glese han. De klari Unterschied isch natürlich das Space Invaders kommerziell vertriebe worde isch und unter anderem defür gsorgt hett das die japanisch Kavallerie über d'Welt zieht.

Computer space ebe nöd = Space war!

de computer space isch eigentlich de erscht kommerziell vertriebenig spielhalleautomat, designed vom damals zueküenftige Atari founder nolan bushnell us em 1971.

es spielt zwar im weltrum (im gägesatz zum invaders wo uf de erde spielt), mer muess aber au gege UFOs (AKA sehr wohl usserirdischi wäse) aaträtte.

also eigentlich genau ds gliiche nur ca. 7 jahr früehner


dasch überigens de chaschte. hesch sicher au scho mal wos gseh


1 & 2P version.

[damian]

Uus dem Grund isches eigentlich s'erste "wahre" Video Game

S'erste Videogame mit KI, sägs eso. Es Videospiel brucht nöd per definition ä KI... Pong nöd als Videogame z'bezeichne wär denn scho chli gwagt...

[Tatsujin]

Uus dem Grund isches eigentlich s'erste "wahre" Video Game

S'erste Videogame mit KI, sägs eso. Es Videospiel brucht nöd per definition ä KI... Pong nöd als Videogame z'bezeichne wär denn scho chli gwagt...

verstahn doch erscht mal wie ers gnau meint

[zwirrlibatz]

Aber Space Invaders schiint s'erste Spiel z'sii wo d'Eigeschafte vom Medium aagluegt hett und uufgrund vo dene es Game gmacht hend und nöd uufgrund vo öppis bereits bestehendem. Uus dem Grund isches eigentlich s'erste "wahre" Video Game.

du hesch dini frag mit emne sehr guete argumänt scho beantwortet, au will d'kriterie sälber vorgäh hesch. en intressante gedanke, aber me chan nüme viel diskutiere. usser inwiefern "bereits bestehendes" relevant isch.

[Herr Rossi]

für mich gits au kei grund mini meinig kund ztue, drum hani das obe gschribe. d rahmebedingige gisch ja sozäge vor, das interpretiert jede aber chli andersch.
vilicht muesch zersch im klare drüber sii, was du gnau wotsch wüsse?

[Supersonic]

@Tatsu
Thx! Vom Computer Space wird i vielne Timelines gar nöd gredet!

@Hanf
Pong isch ganz sicher es Videogame, ich würd nie öppis anders behaupte.

@Zwirrli
Ich bin inzwüsche nüme sicher, Spacewar! schiint doch au scho Videogame-Element drin gha. Das mit de KI isch wiederum wieder interessant.

@Rossi
Ich weiss was ich gern vo eu wüsse würd und zwar eui Meinig zum Thema. Wenn du dich dem enthalte wottsch isch das voll ok aber interessiere würds mi trotzdem.

Vilicht klappts miteme Rephrase: Weles isch für eu s'erste Videospiel gsi wo s'Medium euere Meinig nah als eigene Kanal benutzt hett und nöd bestehends für de Fernseh portiert hettt?

[feeshlee]

s'erschte, wo däne kriterie entspricht, isch offebar gnännt worde. wiiteri sehr früehni biispil wäred dänn no puck-man, pengo und ähnliches. tetris is dänn au mal gli cho.

[Sephi]

Vilicht klappts miteme Rephrase: Weles isch für eu s'erste Videospiel gsi wo s'Medium euere Meinig nah als eigene Kanal benutzt hett und nöd bestehends für de Fernseh portiert hettt?

Also zersch zum Space Invaders. I gseh nid genau werum das weniger Adaption söll si als zum Bispil es Tennis for Two. D' Idee dass Usserirdischi d Ärde agriife und d Mönsche sech verteidige isch ja alles angere als nöi gsi denn. Und der Nishikado het sech ja schiins vo Wärch i allne mügleche andere Medie lo inspiriere debii. Also ähnlech wie bi dim Spacewar Bispil.

Aber allgemein gsehni der Sinn vor Frog nid ganz bzw. gseh nonid wieme die Frog überhaupt cha beantworte - Je nach Adaptionsbegriff (wenn dich für die theoretischi Debatte drum interessiersch würd der als Istieg Linda Hutcheon: A Theory of Adaption empfähle) sind wohl fasch alli Videospiel im einte oder andere Sinn Adaption. Genauso wies alli Filme und Büecher gwüssermasse sind. Das wo bi dire Frog glaub mitschwingt isch d Frog derno obs jetz e mediali Eigeschaft git wo Videospieli einzigartig mache bzw. ganz klar vo andere Medie abgränze. Die intuitivi Antwort druf wär wohl für vil Lüt: INTERAKTIVITÄT! Aber das stimmt zimlech sicher nid - Film und Literatur si in vilerlei Hinsicht äbefalls interaktiv, eifach uf anderi Art.

Also evtl. hilfts es Medium meh als Teil vomene Kontinuum vo Medie z'gseh, bzw. jedes Medium verarbeitet zwangsläufig immer Iflüss us andere Medie (derzue: Bolter & Grusin: Remediation).

Aber zum nomol uf dini Frog zrugg z cho: I würd vereifachend säge s allererschte Videospiel wo du historisch chasch usfindig mache isch glichzitig "s'erste Videospiel gsi wo s'Medium als eigene Kanal benutzt hett". Obs öppis adaptiert het oder nöd isch da nid usschlaggebend, will au wenn es Tennis for Two uf Tennis als Sportart basiert, wird die Sportart i sonere abstrahierte Form präsentiert dass s resultierende Videospiel für sich sälber spricht.

Als ergänzends Bispil: Nur will Godfather en Adaption isch, isches deswäge nöd weniger Film oder gar weniger "reine" Film, was au immer das bedütet..

[Supersonic]

Ich han vo Aafang ah schlecht uusgwählti phrase benutzt. Everything is a Remix, selbstverständlich isches au ä Adaption uus Science Fiction.
Was du schriibsch isch sehr interessant und ich bin an und für sich mit dir ieverstande.

De Sinn vo dere Frag da ine isch gsi, dass ich während minere Recherche über mehreri Meinige gstolperet bin wo festleged, dass für sie Space Invaders de eigentlichi Prototyp für das gsi isch wo nachher cho isch. Mich hett interessiert was ihr dezue meined.

Dini Buechtipps schriib ich mir alli uuf für kommendi Episode. Da ich endi de Monet die erst fertig ha mues für mini Bachelorarbet wirdi mi aber erst spöter chönne ielese. Wenn die erst Episode einigermasse funzt wotti das Projekt nämli i minere Freiziit wiiterzieh!

[Sephi]

Da ich endi de Monet die erst fertig ha mues für mini Bachelorarbet wirdi mi aber erst spöter chönne ielese. Wenn die erst Episode einigermasse funzt wotti das Projekt nämli i minere Freiziit wiiterzieh!

Fröie mi sehr uf die erschti Episode Das Ding stellsch ja denn online nimich ah?

[Supersonic]

Da ich endi de Monet die erst fertig ha mues für mini Bachelorarbet wirdi mi aber erst spöter chönne ielese. Wenn die erst Episode einigermasse funzt wotti das Projekt nämli i minere Freiziit wiiterzieh!

Fröie mi sehr uf die erschti Episode Das Ding stellsch ja denn online nimich ah?

http://www.youtube.com/watch?v=Fz47F8wt6eM#t=0m02s" onclick="window.open(this.href);return false;

[Tatsujin]

Zum space invader wuerdi eifach saege,
dases ds erschte gradlinige im klassische stiil uf 2D sprite basierende arcade
shoot'em up isch gsi.
Vo dem her ja, es isch SEHR waegwiisend fuer zuekuenftigi produktione i dem genre gsi.

Galaxian, phoenix, galaga, caplus, bosconian, xevious etc.

Xevious isch wohl den de noechscht innovations milestone im genre gsi.
aechte interaktive hintergrund, luft und bode waffe, am spieler selbschtaapassende schwierigkeitsgrad,
ertschti metaloid sprites, background music (?)

[feeshlee]

es git viel spieli, wo so guet wie gar kei adaption, vo irgendwas sind. hauptsächlich puzzle-spili häts paar, wo so no nirgendwo je existiert händ. zum biispiil pac man: dänke nöd, dass das je innere andere form usserhalb vom medium existiert hät.
oder dass spieli wo muesch flächi ufdecke, idem dä chreis schlüssisch, bevor öppis id linie fahrt, wo du ziehsch (oft gseh bi arcades mit ziel en nackti frau ufzdecke).