S: alts Rollbrett (aka Skateboard)

[sirarthur]

Sali, suche es alts Rollbrett (aka Skateboard), so fetti alti, wies i de 80/90er geh hett, häsch eis umelige und bruchsch nümme? Ich wott mal wieder chli umkurve und mit dene moderne Dinger machts nöd so viel Spass. Mach doch es Aghebot, am beschte mit Fötli...Merci...

[turntablism]

achtung es het di fette alte und di ganz dünne (banane) gäh

[Marco_in_motion]

Hät mal ganz ä geili Doku im TV gäh, wo zeiged worde isch wiä das ganze ahgfange hät als Surfboard ersatz, huere Gil isches gsi:)

[sirarthur]

sali, ha gschribe es fetts alts, die schmale sind eher no 70er gsi glaubs, ich mein eher so Powell Peralta, Santa Cruz, H-Street, Blockhead, Alva etc.

[geosnow]

du weisch scho, dass die fette orignale boards us de 80 90 es heide geld choschtet. also meiniges meh als so es paar videospieli. chaufsch dir lieber es replica board.

http://www.ebay.com/itm/Vintage-1983-Or ... 460575a2f5" onclick="window.open(this.href);return false;

[sirarthur]

ui fuck, isch ja anderscht, ok demfall...luäg i mal uf ebay....

[geosnow]

achse und redlis hanni dihei es paar alti. d redlis sind aber nöd so gross. chani dir günschtig gäh.

[sirarthur]

sali, sinds aber so Breiti Achse wo uf sones alts Brett würde gho? dänn würdi mer eifach es Replika Brett chaufe...han also inträssä....

[geosnow]

hmm, sind nöd die breitischte achse. chasches ja mal aluege.

[sirarthur]

wend mal Ziit häsch chasch ja mal messä, die meischte Bretter wo ni so gschnell uf ebay agluägt han, sind so zwüsched 23-25 cm breit, aso müsstet d'Achse au öpe so breit sii.

[geosnow]

ok, chani mache

[geosnow]

sind nur 20cm breit. also zchli.

[sirarthur]

ok, merci für's luäge...

[Tatsujin]

die "noiere" boards (doublekicks), also so ab ca. 1994 ufwärts sind viel besser als alles was es vorher jeh zum fahre geh het.

[geosnow]

so isch es!

[Shadow]

aight. han au no paar alti boards im chäller.

tony hawk, rosskopp, peralta und no was... lol huere viel wert dä scheiss, aber bhalte mis züg vu damals.

[turntablism]

gitts de noway (ich glaub er het so gheisse) a de rotwandstrass denn nümm
oder de beachmountain und denn hets doch grad nomal en skatelade am staffacher gäh ?
willsch es paar airs und handplants mache ich han amigs id hose gschisse vo de grosse halfpipe uf em hönggerberg, glaubs vo ganz obe bini eimal abegsaust und han mit em arsch bremset und s`skate isch uf de andere siite wider id luft gschpikt und grad em kolleg uf de grind

edit: uf em flomi chönntsch au no go luege dört hani au scho diä alte fette gseh, diä mit em riisige bremsklotz am tail

[turntablism]

guckst du hier, 2 für 2 franke
http://www.ricardo.ch/kaufen/sports/fun ... 683887950/" onclick="window.open(this.href);return false;

[Tatsujin]

de arther het sicher son es migro-board gha früener, wo mer chum vom fleck isch cho, und bereits achsebruch bim üeber de trottoirrand fahre

[emP]

ig hanes Santa Cruz Dresen (das hani immerno, bi sogar dä "summer" scho druf gstande) leider findi kes Bild im Netz (schibis falsch?).
Hani selber verdient mit 12i oder so. isch also recht tür gsi damals.

[geosnow]

http://mobbskates.homestead.com/files/OS2/Mvc-007s.jpg" onclick="window.open(this.href);return false;

eric dressen

[evo]

[sirarthur]

ok, wenn öper mir öppis verchaufe will, dänn chan er's ja da inne schribä...

[geosnow]

ja was wotsch denn?

[sirarthur]

ebe sones alts Board oder au nur passendi Achse und Wheels, dänn chauf i sones Replika Board...