Suech de Name vom ne Game um 2000

[turntablism]

...ja, weiss nüm vill vo dem Spiel. Habs glaub nur agspillt gha aber bin vo de Grafik begeistert gsi.
Es isch öppe ums Jahr 2000 gsi. Weiss nöd mal obs uf Windows oder Konsole gsi isch.

Mer hät irgend en Captain vom ne Spaceship gspillt. Also glaub müse es Rumschiff umeflüge. Aber nöd im Weltall, sondern uf irgend ere Welt. Geili Grafik gsi, wie Ferie. Bisch übers Wasser und schöni Landschafte gfloge. Ich has nur churz gspillt gha und weiss würkli nümm vill. Hesch glaub zersch müse s Rumschiff richtig beherrsche lerne und vo irgend wem bisch instruiert worde.

Es isch nöd Arcade mässig gsi, eher Sci-fi / PC Game mit 3d Grafik.

[Marco_in_motion]

Dark Orbit?

Quelle

[turntablism]

Ciao Marco !
Nö, leider nöd. Es isch nöd so dark gsi, eher erfrischend, wie gseid ferien mässig.
Aso vo afang ah bisch über Wasser gflüüget.
Eher so firstperson sicht oder so. ?
Häsch glaub würkli en instruktor gha wo gschnurred het wie s ship stüürsch, bediensch, schüssisch etc.

[Buccaneer]

Viellich:

Hostile Waters: Antaeus Rising vo 2001

Gib meh details:
- Cockpit-View oder Usseasicht?
- Hetts Kämpf gha, oder meh Erkundig?
- Hesch s Schiff sälber gstüred oder isch es meh en Sim gsi
- Stürsch nur s Schiff oder hesch au chönne umelatsche etc.
- Gib meh Infos, de chani mal ChatGpt füettere.

Outcast chunnt mir no in Sinn. Aber det isch nid viel mit flüge...
Colony Wars evenutell? Aber dete heds glaubs viel Schneelevel etc gha.

[turntablism]

Keis vo dene wod seisch, leider.

Ich ha wahrschinli nur en Bruchteil vom ganze Spiel gspillt. Es hät glaub cockpit- und usseahsicht view gha.
Ich würd jetzt mal säge zersch chli erkundige und denn au kämpf. S schiff hesch sicher selber gstüüret.
Es hät so Hügel gha und Wasser. Irgendswenn bisch zu de Basis gfloge und hesch müse lande. Basis isch am Bode gsi und nöd i de Luft.

Chönnt no schwierig werde..

[Buccaneer]

Zwenig Infos... gib meh!
Spielsch s Rumschiff? Oder chasch au umelatsch? Was chan mer i de Basis mache? etc. pp.

Sust chan i dir nid hälfe

[turntablism]

Colony Wars definitiv nöd - das isch ja meh space shooter mässig.

aber Hostile Waters - definitiv so grafik, eifach mit em ruumschiff
gseht fascht gliich us:

umelatsche, mag mi eigentli nöd dra erinnere.

[agestuffer]

Star Fox. Haha

[turntablism]

Star Fox. Haha

Loider nid. Isch glaub würkli es PC Game oder OG Xbox gsi.

[Jones]

Frontier Elite?

[Buccaneer]

There we go: Battle Engine Aquila

[Buccaneer]

Yager (2003)

[Buccaneer]

Was gitts eigentli z gwünne, wenn mer s Rätsel für dich löst? Was hesch im Agebot?

[Master(G)]

There we go: Battle Engine Aquila

wow, grad es nostalgie flashback becho. das chönts no si.
hani au gspielt!

Quelle

[turntablism]

Yager (2003)
Was gitts eigentli z gwünne, wenn mer s Rätsel für dich löst? Was hesch im Agebot?

THIS IS IT !!!!

Was wotsch ? hesch en Wunsch ?
chan der e Fläsche Rotwii schicke wenn wotsch.

[Buccaneer]

Yager (2003)
Was gitts eigentli z gwünne, wenn mer s Rätsel für dich löst? Was hesch im Agebot?

THIS IS IT !!!!

Was wotsch ? hesch en Wunsch ?
chan der e Fläsche Rotwii schicke wenn wotsch.

Ha Wii nid gärn!
Aber Weed defür oder Schnapps.

Haha nei, bruche nüt. Hilfe gärn. Bin sozäge en guete Samariter.
Viel Spass uf em Nostalgietrip, wenn das wieder mal zocksch.

[turntablism]

Aso en Dr.Feelgood dörf, dir natürli nöd gäh.
En selber gmachte Quittenschnaps hätti no

Jedefalls nomal Danke !