Hobo with a Shotgun -> wasmer chan sägä isch daser tatsächlich vo denä Film vom "New Grindhouse" wo ich bis jetzt gseh han am ehnschtä nid de Geischt probiert i en neui Zit z bringä, sondern tatsächlich i derä Zit z blibä. Agfangä bi de Farbä, und em rustikal ghaltänä Vorspann, bis hi zu de Effekt, de Story (man nehme irgenden, am beschtä Sozialkritisch aghuchtä, Grund zum Bluet, Fätzä, Action und Spektaktel z bütä (das god jo bi de Actionfilm bis i diä hütigi Zit witer, z.B. The Island oder District 9, nur dasmer hüt Bluet, Fätzä und Spektakel chan strichä und dur CGI ersetzä), und de Comic Element (wo au wiä us 80er/früä 90er Comics sind)). Letschteres chund näbed de Phantasievollere Teil vor allem bi de Bösewicht z trägä. Leider isches allerdings für mich wiä so oft i genau denä Comics... ehnder chli so, dasmer mol nid so gnau list und luegt, und echli schnäller bläteret. Problem: Bimene Film god das natürlich nid. Also eigentlich alles rächt guet kopiert. Was aber natürlich nur für Lüt passt wo das wo kapiert wordä isch au würklich passt. Drum für mich nur halbwägs überzügend.
Heckler -> E Dokumentation i dem i erschter Linie Comedians aber au paar (anderi) Schauspieler, Filmemacher oder Sportler säged dass sie Heckler und witergfasst eigentlich au Kritiker verdammti Arschlöcher finded.
I de beschtä Moment Luschtig oder Spannend (und i de Grundbotschaft, dass diä Lüt tatsächlich au Gfühl händ, und ne de ganzi Quatsch zimlich nöch go chan durchus verständlich und au mol guet zum gseh). I de schlächtischtä allerdings irgendwiä chli problematisch und trurig... meh getrautmer sich fascht nid drüber zsägä, suscht ischmer au einä vo denä Idiotä wo nid schanlled dass sie diä sind wo mached, undmer als Konsument d Schnorrä z hebä hed
