The Thing (es PREQUEL!!)

[Master(G)]

Trailer: http://www.imdb.com/video/imdb/vi2985204761/



eine vo mine favorite movies of all times!
hoffentlich wirds guet!

[Tatsujin]

s remake vom beschte remake eve. glaubs also nöd das es besser chan werde.

[zwirrlibatz]

es isch keis REMAKE!

[Tatsujin]

welles meinsch etz?

[Master(G)]

moll, aber glaub es remake vom 51er movie... also spielts vor em carpenter thing...evtl. chnüpft de schluss ja am carpenter ah. wär no geil...

[zwirrlibatz]

es isch en art es remake vom 51er au wenns det nöd norweger gsi sind. de neu da spielt 3 täg vor em carpenter sim und d'wahrschiinlichkeit dass es zämechnüpft isch aso nöd völlig chlii. au wenn ich nöd glaub dass d'heldin da konsequänterwiis stirbt.

ihr wüssed nöd grad viel über eui absolut beschtliebschte favorite films wo gitts.

[Acid]

Ähmm

Mer nännt das Prequel.
Remake sölls nid si, weder vom Carpenter und ich glaub zimlich scho gar nid vom 51er. de Carpenter isch es Remake von 51, au wenn ussert em Umfeld, de Titel und de Idee vom Userirdischä alles andersch und alles öpä 5003948773 mol besser isch. (im 51er isches jo meh oder weniger ä Pflanzä wo chli dur d Station watschlet. Nüd vo Thrill und nüt d wo Psycho).

Und de neu brucht niemert, bini zimlich devo überzügt sits en Akündet händ, und je meh ich devo ghör, desto meh. De Carpenter hed alles gmacht wasmer dezuä cha machä, es Prequel macht kei Sinn, will ich wüst nid wases anders chönt si als eifach s glichä ufere anderä Station (wo d Lüt logischer wiis nid Norwegisch reded, wills en änglischä Film isch (also chli akzent oder so) und wo logischerwis im Gägäsatz zum Carpenter sim natürlich en Frau mues drin vor cho für Sexytime.

De Trailer isch au für d Füchs irgendwiä. gsehd zimlich langwilig us:


Quelle

[turntablism]

ja, ich find au "the thing" vom carpenter eine vo de beschte horror film wos je häts gits

[The Sheep]

Wieder en geniale Film wo keis Remake brucht. Het mi grad hässig gmacht wonis gescht uf imdb entdeckt han.

[Tatsujin]

ES ISCH JA GAR KEIS REMAKE. LIESS DOCH WAS DE ZWIRRLER SCHRIIBT

[zwirrlibatz]

Ähmm

Mer nännt das Prequel.
Remake sölls nid si, weder vom Carpenter und ich glaub zimlich scho gar nid vom 51er. de Carpenter isch es Remake von 51, au wenn ussert em Umfeld, de Titel und de Idee vom Userirdischä alles andersch und alles öpä 5003948773 mol besser isch. (im 51er isches jo meh oder weniger ä Pflanzä wo chli dur d Station watschlet. Nüd vo Thrill und nüt d wo Psycho).

"en art es remake vom 51er" (wo übrigens sehr schlächt isch, nur dass das au no xeit isch) han ich gschriebe wägem ziitschtrang. wie die findets au da s'schiff und dä usserirdischals erschti. em carpenter sine isch demfall zu beidne s'sequel.

Und de neu brucht niemert, bini zimlich devo überzügt sits en Akündet händ, und je meh ich devo ghör, desto meh. De Carpenter hed alles gmacht wasmer dezuä cha machä, es Prequel macht kei Sinn, will ich wüst nid wases anders chönt si als eifach s glichä ufere anderä Station (wo d Lüt logischer wiis nid Norwegisch reded, wills en änglischä Film isch (also chli akzent oder so) und wo logischerwis im Gägäsatz zum Carpenter sim natürlich en Frau mues drin vor cho für Sexytime.

nanana, me muess nöd jedesmal bi jedem remakepresequel grad instinktiv uf abwehrstellig schalte. es isch für die möglich qualität egal wie guet oder schlächt es original oder vorlag oder demfall e erschti neuverfilmig etc mal gsi isch. de 51er isch mies aber em carpenter sine isch ja nöd deswäge super.
d'frau isch vilech wäg sexytime drin, vilech hett sich aber au sit langem wiederemal öpper gfrööget werum en lead immer en ma sii muess? und wenn e frau im cast isch, ghört sie demfall eifach i d'näberolle für de sexytime? hallo ripley.

[The Sheep]

ES ISCH JA GAR KEIS REMAKE. LIESS DOCH WAS DE ZWIRRLER SCHRIIBT

es isch furzegal ob d´Story genau glich isch oder nid. Es zielt klar druf ab die gliche elemänt wo de carpenter verwändet het namol zbringe. lueg de trailer! oder mit de wort vo eim vo de comments uf imdb: "All the people saying this isn't a remake: it's a remake. It's the same scenario, same location, same mood, identical set. It's a remake."

[zwirrlibatz]

gitt halt lüüt die händ kei ahnig was es remake isch.

[The Sheep]

gitt halt lüüt die händ kei ahnig was es remake isch.

und es git söttigi wo sich jede scheiss als öppis neus adreie lönd

[agestuffer]

Diskussion isch sooooo sinnlos.. De Film brucht weder es Remake, es Prequel, no was au immer... Isch guet wies isch

agestuffer

[The Sheep]

leider chunnt no so einiges an derigem fark uf uns zue:

Logan´s Run (2012)
An American Werewolf in London (2014)
The Birds (2013)
Poltergeist (2013)
Suspiria (2012)
Pet Semetary (2013)
The Stand (2012)

[zwirrlibatz]

und es git söttigi wo sich jede scheiss als öppis neus adreie lönd

für mich isch das nöd dr punkt. es isch furzegal öb remake oder öppis neus oder nöd, mir langts wenn en film guet isch.
i dem fall da wird klar gseit dass me d'gschehnis vom norwegische lager verzellt. das wo sich sowieso jede fröögt wenn er em carpenter sine luegt. aber nei, isch remake, isch problem, isch mühühühühüüü. ich verstah die haltig halt nöd.

zbsp gitts lüüt die bhauptet ernschthaft de soderbergh hett em tarkovsky sin solaris gremaket und er sig ersch no schlechter. oder de jackson de king kong. dass bi literaturvorlage no wiiteri aschpäkt drzue chöme wird gern vergässe. aber offebar isch es eh jedem für alli jahrtuusige verbote, en film vomne buech zmache wenn schomal öpper hett.

dass me film wie en Suspiria, wo uf klar konsequänt persönlichi stil vo reschissöre baued, will neumache, find ich als erschts au strub. aber wer weiss wele originell kreative chopf das uf sini eiget art mache wird. drum eifach mal abwarte statt immer vo vornherein umemöögge. wenns eim nöd passt, nöd luege.

und grad no öppis, d'erinnerig schmeichlet de liebgwordne kultfilm wo me mit siebni gseh hett sowieso jensiits vo jedem verhältnis. i 50 jahr simer alli tot und hoffentlich werde film wo's wert sind wiiterhin guet gremaket für die nöchschte generatione. me muess sich nöd immer soooo wichtig näh.

[Acid]

nanana, me muess nöd jedesmal bi jedem remakepresequel grad instinktiv uf abwehrstellig schalte. es isch für die möglich qualität egal wie guet oder schlächt es original oder vorlag oder demfall e erschti neuverfilmig etc mal gsi isch. de 51er isch mies aber em carpenter sine isch ja nöd deswäge super.
d'frau isch vilech wäg sexytime drin, vilech hett sich aber au sit langem wiederemal öpper gfrööget werum en lead immer en ma sii muess? und wenn e frau im cast isch, ghört sie demfall eifach i d'näberolle für de sexytime? hallo ripley.

Das mach ich au überhaupt nid. Wenni s Gfühl han dassmer e Gschicht nomol andersch chönt zeigä, dasmer neus dezuä bringä chan, oder dasses us irgendeme andere Grund Sinn macht, oder zumindescht toll chönt si, nomol en Film zu irgendöpisem zmachä, hani nid prinzipiell es Problem demit.
I dem Fall isches aber ebä miner Meinig no nid so, de Carpenter hed das Szenario gno, und d Essenz us dem ganzä heder i ne Film verpackt. Drum isch de au so unglaublich guet, Konzentration (unter anderem durs käs ablänkends Umfäld, und sicher sehr bewusst kei Sexytime). D Gschicht isch nid öpis wo viel hergid, au bim Carpenter nid. Es got um e anderi Ebeni, und diä heder Usgreizt.
Wemer öpis andersch will machä, denn wird das sofort verdünnt, und verlürt a dem wos so guet macht. Wemer s glich will machä, denn wirds im beschtä Fall s Glichä. Das isch aber nid nötig.

Ich gseh absolut kei Asatz wiämer so öpis chönt agoh, dases würklich guet chund.

Und sitmer immer meh drüber weiss, unds jetzt au no e Trailer git, chanimer öpä Vorstellä was de Asatz gsie isch... und mit dem chani halt nüt afangä.

[zwirrlibatz]

ich bin da i vielem einig mit dir aber:

Wemer öpis andersch will machä, denn wird das sofort verdünnt, und verlürt a dem wos so guet macht. Wemer s glich will machä, denn wirds im beschtä Fall s Glichä. Das isch aber nid nötig.

das isch viel z'pauschal dogmatisch und s'gäb sicher tuusig gägebiischpiel.

zu dem film jetz da: da gang ich halt (aber äxtra) naiv dran ane. ich wird de film eh luege, drum muess ich jetz noni alles im detail wüsse drüber. isch vielech au besser so zum "objektiv" bliebe. es langt dass ich weiss dass er s'vorhergehende im andere lager verzellt. aso keis remake und demfall chan er sich freiheite für unvorhersehbars näh. wenn er trotzdäm fark sii wird, ja he nu. ich wirds überläbe.

ich bin sehr gspannt uf de Logan's Run remake. eine vo de vielne 70er scifis wo ich gliebt han. aber ich wirf mich doch da nöd händeringend läbensmüed schützend vornedrah. AAAAAAAAAAAAAAAH GRAD ÖPPIS GSEH! NEUS TOPIC NEUS TOPIC!

[Acid]

das isch viel z'pauschal dogmatisch und s'gäb sicher tuusig gägebiischpiel.

Wenn du so tuesch als hett ich en Ussaag wo ich explizit zu eim Projekt gseit han uf alli bezogä, denn ischs nid so wit hergholt dassi wahrschindlich z Pauschal wird

Nomol, mini Ussagä i dem Thread (bis uf diä erschtä zwei Sätz i mim vorherigä Post, wo jo genau das hettet söllä klarstellä, do du komischerwis scho min erschtä Post uf alles anderä Bezogä hesch) sind bis jetzt alli uf das Projekt bezogä gsie. Werum dass du das auf Teufel komm raus als Pauschali Ussag zum Thema Remake allgemein verschtoh willsch, isch mir ehrlichgseit echli es Rätsel.

[Tatsujin]

leider chunnt no so einiges an derigem fark uf uns zue:

Logan´s Run (2012)
An American Werewolf in London (2014)
The Birds (2013)
Poltergeist (2013)
Suspiria (2012)
Pet Semetary (2013)
The Stand (2012)

lol, würkli erbärmlich. kei ideä händs meh.

[zwirrlibatz]

das isch viel z'pauschal dogmatisch und s'gäb sicher tuusig gägebiischpiel.

Wenn du so tuesch als hett ich en Ussaag wo ich explizit zu eim Projekt gseit han uf alli bezogä, denn ischs nid so wit hergholt dassi wahrschindlich z Pauschal wird

Nomol, mini Ussagä i dem Thread (bis uf diä erschtä zwei Sätz i mim vorherigä Post, wo jo genau das hettet söllä klarstellä, do du komischerwis scho min erschtä Post uf alles anderä Bezogä hesch) sind bis jetzt alli uf das Projekt bezogä gsie. Werum dass du das auf Teufel komm raus als Pauschali Ussag zum Thema Remake allgemein verschtoh willsch, isch mir ehrlichgseit echli es Rätsel.

Ich han din "Wemer öpis andersch will machä, denn..." Satz scho als wiitergrichteti Ussag verstande, nöd nur zu dem Film da. Auf Teufel komm raus han ich gar nüt sondern nur de Gedanke wiitergspunne de Diskussion wäge.

[Moff]

da händer es guets remake vo the thing

Quelle

[h4xX0r]

This movie's gonna rock! They're using the same puppetry & monster suit effects as the old one, & only a handful of CGI (the same CGI used in District 9).

[Master(G)]

Like most, when I heard they were going to remake John Carpenter's The Thing, I got worried. Then I heard the interesting news that it was going to be a prequel, focusing on the Norwegian's story that was alluded to in the first film. I became very curious to see what they would do with it. If you've seen the original movie, you know for a fact there is only ONE way this movie can end. And there are also several key moments that needed to occur in order to keep in tune with the continuity.

Well you know what? Not a single beat was missed. From the red axe in the wall to the two faced creature burned in the snow to even the dog running from the helicopter. IT'S ALL THERE. And it's amazing. This prequel kept the spirit of the original film and a lot of themes while even embellishing and complimenting them. It was excellent. I have never been more pleased by a prequel or even a sequel for that matter.

And I honestly think it's harder to make a prequel, because you have stricter guidelines. But this movie shines as a perfect example of what a proper prequel should look like. Nothing was over looked and every important detail was accounted for. And as people have already stated, the epilogue, mixed with the Carpenter theme is not only awesome, its chilling.

There is nothing wrong with this prequel film and no true Carpenter fan should find a reason to complain. It in no way detracts from the first movie at all.