Welchen Film oder welche Serie hast du gerade gesehen?

[The Sheep]

Ich han Kino dihei. Captain Jack Sparrow for the win!

Nei hesch nöd

han ich wohl

[Vyse]

Shit, das Setup isch huere Scheff

[zeromeier]

Gsed us wie sone mittelalterlichi theaterufführig

[agestuffer]

Sorry... Han grad gmeint siig es Chasperlitheater..

[The Sheep]

dr Ruum isch in erschter Linie Wohnzimmer und Museum. Drum hanis Heimkino uf alt gmacht. An de Schmuddelkinos vo de 80er orientiert. Die womer us ehemalige Theaterbühnene gmacht het. Mir isch wichtig gseh, dass dr motorisierti Vorhang umd Ecke chann fahre. Das het aber e relativ grossi Tiefi vom ganze Korpus bedingt. Und dä Platz hinter dr Linwand hani durch Ibau vonere chleine Whiskybar gnutzt.
Die ganzi Alag wird elektronisch gstürt, mit Chnöpf unterm Clubtisch, in der mitti vom Wohnzimmer.

[Avenger]

Schmuddelkinos. Immer geil.

[meyerli]

28 Years Later
Für mich en schlechte Zombiefilm wo mit de erste beide nöd würkli was z tue het, user das Zombies vor chömed.

[Vyse]

@Schaf, huere cools Zimmer, wär jetz definitv nöd soo miis aber hät mega Charakter, ganz bsunders au mit däm Fänster, wo ahn es mittelalterlichs Gebäude erinnered. Wänn mal miis Alphüüsli han, muen mier au paar Flinte zuelegge.

[agestuffer]

Jetzt bini baff... Krasses Zimmer mann.. Reschpeggt Bro

[The Sheep]

28 Years Later (7.5/10)

hanen ganz ok gfunde. Han de erscht aber scho so lang nüm gseh, und der zweit glaubs gar nit. Da hani keini allzu bestimmte Erwartige gha.
Das mit de Alphas het mehr anes Game als ane Film ernneret, hets aber no spannend gmacht. Und die Hippie-Yoga Kampfgruppe gege Schluss isch scho sehr speziell gseh

[meyerli]

28 Years Later (7.5/10)

hanen ganz ok gfunde. Han de erscht aber scho so lang nüm gseh, und der zweit glaubs gar nit. Da hani keini allzu bestimmte Erwartige gha.
Das mit de Alphas het mehr anes Game als ane Film ernneret, hets aber no spannend gmacht. Und die Hippie-Yoga Kampfgruppe gege Schluss isch scho sehr speziell gseh

Die am Schluss hend mi chli ad New Kids Turbo erinneret

[The Sheep]

Danny Boyle unchained.... Has Gfühl gha das isch ellei sini Idee gseh. Ich mein, sone absurdi Truppe hets in 11 Staffle Walking Dead nit gä

[mastercello]

... vonere chleine Whiskybar gnutzt.

...Betonung uf "chleine" ....

Mega Chris...dis Kino met de ganze Einrichtung!

[The Sheep]

es freut mi zghöre dass i offebar nit der einzig bin, wo mim spezielle Irichtigsstil öbbis abgwinne chann. Merci euch

Back to topic:
Het öbber vo euch scho dr William Tell Film gseh? Taugt de öbbis?

[zeromeier]

Ich mach en 85" is Wohnzimmer, wäg dem isches immer no lang keis Kino. I am sorry

[Vyse]

Back to topic:
Het öbber vo euch scho dr William Tell Film gseh? Taugt de öbbis?

Han en nöd chönne fertig luege und das passiert relativ sälte.

Öpper dä Film scho gseh? Gseht no witzig uus

Quelle

[The Sheep]

De hani sit Ewigkeite ufem Server, aber bisher nonig gluegt.

[Doraemon]

Vo de Rutger Hauer B-Filme fingi das eine vo de bessere. E Prise Alien & Predator und e Schuss Endzit und bitz Bluet ergäbe e solide bis guete SF-Action/Horrorfilm. Im Verglich zum hütige Schrott sowieso.

[The Sheep]

Alien Earth (erschti zwei Folge) 8/10