Cyberpunk 2077

[LuiStyle]

Ich kan Cyberpunk nöd starte uf dä Switch

[LuiStyle]

Im Dock laufts nöd, nur im Handheld Modus

[Master(G)]

Bildschirmistellige vo TV und Konsole checke, irgendwas passt da wohl ned.
Hz-Zahl ? Uflösig ? check mal alles...

[LuiStyle]

Bildschirmistellige vo TV und Konsole checke, irgendwas passt da wohl ned.
Hz-Zahl ? Uflösig ? check mal alles...

Häsch recht gah! Hät weg dä Istellig bim Switch gläge, han glaub öpis z‘viel veränderet gah

Danke für dä Tipp!

[Master(G)]

freut mi

strange beast, das cyberpunk... 576p, 900p, 1080p, DLSS Upscaling, VRR. es isch nüm wie früener!


da übrigens no mis review vode switch 2 version:
https://www.thegnet.org/post/the-g-net- ... n-switch-2

[evo]

I bi hart süchtig grrrrrrr

[zeromeier]

Han neu agfange, damals nur 14h gspielt. Nomad. Bis jetzt rächt super. Was hed sich alles verändert sit v1.6 oder so zu 2. Irgendwas?

Mal luege obi dasmal dra bliib. Letscht mal hani glaub zviel waffe gha und nöd gwüsst weli bruche /was demit mache.

[Vyse]

Das mit dä Inventarverwaltig isch rächt blöd, verlüürsch schnäll dä Überblick.

Grundsätzlich chasch all Waffe, wo en wiise, grüene oder violete Status händ, verchaufe (viellicht grad nöd am Ahfang vom Game). orangi und ikonischi natürli bhalte.

Die riesig Ahzahl ah Waffe dient halt eifach dä Abwächslig und dä Spezialisierig, wo diim Charakter gisch. Wänn starch uuf Smartwaffe levelisch, dänn bhaltisch natürli hauptsächlich Smartguns. Wänn Perks uuf Pistolle verwändisch, dänn machts Sinn, hauptsächlich die Im Inventar zfüehre usw.

Aber ja, sUussortiere vom Grümpel hät wenig Underhaltigswert.

[Master(G)]

Was hed sich alles verändert sit v1.6 oder so zu 2. Irgendwas?

da empfiehl ich dir min testbricht, wo ich alles, was neu und besser isch, unter dlupe nimme:
https://www.thegnet.org/post/the-g-net- ... om-liberty



und da no details, was vo 2.0 uf 2.2 no alles neu cho isch:
https://www.thegnet.org/post/neues-cybe ... esserungen

[zeromeier]

Was für Gheimnis bringt de Update 2.2? Han beid gläse btw, update chaufi aber na nöd, spiel zersch mal s hauptspiel, völlig ok oder?

Übrigens chund ja no patch 2.3 jetzt denn, äigentli söti warte mit Spiele

[Master(G)]

en neui Quest "Balatro" wär eis vo dene Gheimniss... neui in-game Ads wär die weniger spannender ander variante.

Phantom Liberty DLC muesch der uf fäll gäh. isch fantastisch! aber es isch en gueti idee, erstmal de main-quest zmache.

Übrigens chund ja no patch 2.3 jetzt denn, äigentli söti warte mit Spiele

true! bi gspannt was chunt, mer munklet nomal en chline DLC...

[evo]

Ha die non lethal mods immernoni gfunde lol, aber s problem anderst glöst: t cyberpsychos uf 5% abekloppe und denn mit dr baseballkeule eins gää

Shit de eint wo sich unsichtbar macht und diversisti katanas füert isch no hart gsi

[Master(G)]

Ha die non lethal mods immernoni gfunde lol, aber s problem anderst glöst: t cyberpsychos uf 5% abekloppe und denn mit dr baseballkeule eins gää

Shit de eint wo sich unsichtbar macht und diversisti katanas füert isch no hart gsi

mini-spoiler: de hillbilly ufem land usse i sim mech-exo isch au no heftig. tipp: chasch vo hine aschliche und ihm sini schlüch dureschniide!

[Vyse]

Ich han da rächt en Bug (weiss nöd, ob dä scho behobe isch) aber ab eme gwüsse Punkt han ich dCyberpsychos nümm chönne usser Gfächt setze ohni sie umzlegge, egal, ob ich jetzt en non-lethal Mod i dä Knarre gha han oder mit non-lethal Granate und sogar non-lethal Waffe driigfätzt han. Bitz nervig.

[evo]

bugs hets schono es paar, trotz 2.21

par ummezuckendi objekt oder gegner wo fliege und autos wo in dr lust spawne. aber scho sälte. eimol ischs spiel no komplett abgstürzt

ei bug het mer aber e sidequest verunmöglicht, s einzige wo mi chli ufgreggt het.

[Master(G)]

Hey chooms,
We initially hoped to put Update 2.3 in your hands on June 26. However, we'll need some more time to make sure we're happy with it - we're aiming for a scope similar to Update 2.2. We'll update you further as soon as we can!
We appreciate your patience!

[zeromeier]

Also chunds nie? Was sölls überhaupt beinhalte?

[Master(G)]

Also chunds nie? Was sölls überhaupt beinhalte?

es chunt ganz sicher.

was es beinhaltet will die ganz wält wüsse

[Zoran]

Hans jetzt au no kauft und es isch top ... eifach uf mim LG 8K hani müesse HDMI Ultra Color abstelle und somit häts kei HDR.

[Master(G)]

Hans jetzt au no kauft und es isch top ... eifach uf mim LG 8K hani müesse HDMI Ultra Color abstelle und somit häts kei HDR.

und wieso hesch das müesse??

spielsch aber ned öppe uf de switch 2 ?

[evo]

ich spiels uf dr switch und es isch geil. aber jaz biz pausiert. has chly übertribe an pfingste und t täg druuf.
letscht mission und de DLC mussi no mache, suscht bi de näbequests akribisch ufgruumt.

[Master(G)]

das stimmt vollkomme!

Nur; Switch 2 hett bitz HDR problem äbe... und wenns uf de PS5 Pro, Xbox Series oder grad am PC spiele chasch, isches natürli schono bitz geiler als uf de Switch 2. No offense!

[evo]

isches natürli schono bitz geiler als uf de Switch 2

und ich glaub das au sofort.
nur isch mi pc scho 5 jährig und scho dert eher e mittelklasse maschine gsi und die andere konsole bsitzi nid.
ha eifach no chli meh fuetter fürd switch welle und do mir dr technisch aspekt bi videogames ganz allgemein nit wichtig isch hets wunderbar für mi funktioniert uf dr switch.

[evo]

wenn dr eldr ring öppe imne ähnliche verhältnis uf dr switch2 lauft wie cyberpunkt denn machi das filicht au

[Zoran]

Hans uf de XBOX aber nonig duregspielt, aber weg de positive Reviews han mers no digital uf de Switch 2 gholt und dänn isch so en error cho, falsches Format ufem TV.