Doraemon hat geschrieben: ↑14 Okt 2022 09:34
I ha nüt würkli weltwit seltnigs, aber sicher öpis wo in westleche Länder nid vili Lüt hei, wüu sie nüt dermit chöi afa. Das wär mini Mahjong Spiel Sammlig inkl. diverse Mahjong Controller, u. a. für NES oder Neo Geo. Und e Doraemon Sammlig het sicher o nid grad mänge hie.
sonen mahjong controller wär au no was witzigs. aber d mahjong games sind äuä huere tüür ufem neogeo
Dasch genau dä Controller woni ha. Teils gits d games für NGCD no günstig, aber AES & MVS si selte. Ha nur 1 uf AES und der Rest uf CD. Uf MVS häti se schono gern, inkl. eme Panel füre Automat.
so züüg wie de mahjong-controller oder densha-go stuff findi äbe geil. das esch för mech "true collectors value"... ned die tüürscht sonderedition vo irgend eme shizzle game oder super-duper-mintigs gschmeus. Ech finds geil, wenns Lüüt do inä giht, wo en SPLEAN händ, ihres eignigä spezielle Nerd-Ding. Amen!
turntablism hat geschrieben: ↑15 Okt 2022 08:58
Wür au gern mal mahjong spile, ha aber kei ahnig.
Isch das schwirig zum lerne und gitts irgendswo e dütschi ahleitig zums lerne ?
Easy to learn, difficult to master. Muesch mau google nach Riichi Mahjong Anleitung und de fingsch sicher gueti Beschribige. Riichi Mahjong isch das wo i 99% vo de Videogames gspielt wird. Ig ha mers selber bibracht mit Games und Lesen, aber "gmeisteret" hanis ersch bim richtige Spile in Hong Kong. Das isch immer es Highlight dert wed aus Usländer i Mahjong Parlor geisch und när sogar no gwinnsch
Leider hets ke Platz oder Tisch bi Freakers, alles vou mit Automate höchstens im Summer dusse, oder müesse mau e Spezialsession mache. Müesse aber no öper afixe dass mer ds 4. si