Welchen Film oder welche Serie hast du gerade gesehen?

[The Sheep]

For All Mankind [Season 3] (9/10)

Stabil gueti Stafle gseh. Bis uf de Nordkoreaner. De Sideplot hani bim beschte Wille nit ärnscht chönne nä

[The Sheep]

Glorious (7/10)

En WTF Film, woni nit weiss wie ich en söll iordne. Es goht ume Gottheit wo usere Lovecraft Story entsprunge si chönnt, wo sich absurderwis hinterme "glory hole " inere öffentliche Raschtplatztoilette niederglo het. De Wes, Protagonischt vo dere Gschicht het e wildi Nacht mit Enttüschig und Rachegfühl zu sinere Ex, und Konsumation vo sehr viel Alkohol hinter sich, und begibt sich am nächschte morge zum kotze in die besagti öffentlichi Toilette. De räscht muess mer sich aluege, oder au nit. Ich bin jedefalls fascht einehalb Stund lang hin und härgrisse gseh, ob und worum ich mir das atue, und bevor ich mich entschiede han, isch die abschtrusi Gschicht au scho wieder fertig gse.

[Vyse]

Predators, 2010
Hät me meh chönne druus uuseholle aber ganz im Spirit vom Orginal, insofern ok.

[The Sheep]

House of the Dragon [erschti Folg] (8/10)

Hetmer guet gfalle. Het voll de Westeros Vibe.

[Mr Burzel]

Super, kanni empfehle

[Vyse]

Happy! Season 1, ganz underhaltsam gsi.

[siralos]

the sandman. 1- 8 4/10

die erscht paar folg sind nid übel, danach wirds sehr zämehanglos, da irgendwie jedi episode in sich gschlosse isch und die neui näbechars o nie mehr i de nöscht folg vor chöme.

dr sandman sälber bsitzt öpe genau 1 gsichts usdruck, eventuel muesses so sii, kenne comics nid.

[Master(G)]

sandman hani au gluegt. er isch top im vergliich zum comic. klar, au da händs bitz was woke-mässigs müesse ine heble. paar männlichi charaktere sind jetzt wiiblich (constantine, devil, librarian, etc.) aber im grosse und ganze isches sehr nöch am comic. grad de sandman selber isch sone usdruckslose emo-typ im comic. passt scho.

had d'serie au guet gfunde. mir hett de aspekt guet gfalle, dass es ab de hälfti abgschlossni gschichte sind.

bonusepisode 11 isch au cool gsi.

7/10

[Unseen]

Top Gun Maverick, absolut perfekt. Troum gsi geschter Obig in UHD-Quali. 10G/10G

[Reinforced]

Ex Machina 8/10

shit isch de guet

[Master(G)]

jup, hett mir au sehr guet gfalle! wird mal en klassiker dänki!

[siralos]

samaritan 5/10

nid ganz so übel, liidet aber chli am budget da und gschicht isch chli klaubet vo the crow.


nope 6/10

ha chli düre zappet und dann de letscht 3te glueget. schouschpieler sind relativ guet, story isch so chli naja gsi.


the sandman 9+10

i has immer no gaggi gfunde mit de in sich gschlossnigi episode. story mit dr wirbel isch okey gsi und vo de idee her no guet, aber am sandman sini schwöschter und die tueflischi brien isch minere meinig nach a fail.
episode 11 hani useglah.....het mir zu sehr nach matrix animation usgseh oder death love and robots.

[thaeye]

samaritan

übelsti scheisse, cgi stallone als jung isch unglaublich schlecht was füren scheiss plot, was füren scheiss film.

[The Sheep]

Nope (5/10)

Erchlärts UFO Phänomen mol es bitz andersch, was eigentlich no interessant wär. Aber de Plot isch beschtefalls mittelmässig, und de unsäglich schlächti Schnitt macht e zweistündigi Zitverschwändig drus. Und au die wiblichi Hauptdarstellere mit ihrem hysterisch arrogante Dauergequassel ischmer schnäll ufe Sack gange. En Film zum vergässe.

[The Sheep]

Fall (8.5/10)

Survivalfilm in der Tradition vo Open Water oder Frozen (2010).
Han also nit allzuviel Realismus erwartet, aber er isch trotzdäm huere spannend gseh.

Im letschte viertel woni gfunde han, dass sie jetzt es bitz übertriebe, wil so usduurend isch au de sportlchschti Freeclimber nit, chunnt en raffinierte twist, wo en komplette handlingsstrang als Halluzination voder Protagonischtin ufdeckt, mit ebe genau dere Erchlärig dass das nit bsunders realistisch wäri wenn sie das wirklich so erläbt hätti. Und damit heter am kritische Zueschauer uf ei Schlag de Wind us de Segel gno. haha

[The Sheep]

Rings of Power [die erschte 2 Folge] (3.5/10)

[Kretinou]

Rings of Power [die erschte 2 Folge] (3.5/10)

[siralos]

the fight club. 10/10

immer no öpis vom beschte wo je het gä.


fall 6/10

gar nid mal so übel, darsteller sind aber chli amateurhaft gsi.
i frage mir aber immer no, warum si nid so zu zwöit oder einzeln, wie die baumfäller, abegseilet händ, das wäri doch möglech gsi?

[The Sheep]

du meinsch so wie die coconut tree climber? Das hani mi in der tat au gfrogt.
Uf Tik-Tok würd das öppe so usgseh: "Secret climbing techniques, natives don't want you to know". Aber nit jede Ami het halt Tik-Tok ^^

[siralos]

ja genau so.

und freecllimber hei ja eh so supr moves und ideene, vor allem hei sii immer das wiise zueg am finger.(das hei sie nie brucht)

das mit dem seili ume mascht binde isch o chli fail gsi, warum nid ume podescht, da würdi sie grad 1 meter derzue gwinne.

naja dr film isch spannend und unterhaltsam gsi, da sött mer nid zviil nach logik gah.

[Vyse]

Severance uuhuere guet / 10
Eini vo dä beschte Serieä siit langem. Han scho dänkt, ich häg auch chli adhs entwickled, will ich mängisch binere Serie zmitzt innere Folg churz mal öppis anders mache und spöter fortsetze usw. Stellt sich uus, dass dSerieä/Film eifach Scheisse worde sind.
Hät mi bannt vo dä erste Folg bis zur letschte, leider gahts no en Ewigkeit bis zur nächschte Staffle.

[Marco_in_motion]

Thor Love & Thunder: schlächtiste Marvel, händ e verschissnigi Möngel-Comedy druus gmacht, sogar d'Musig isch schlächt gwählt und au d'Kostüm sind scheisse. Sovill wo nöd zämmepasst, nöd ineghört. Eifach schaad /10

[siralos]

ja de neu thor isch grouehaft....a voellige witzfigur hei sii usem ehrehafte thor gmacht.
ds ganze woke zueg verpeschtet grad film induschtrie.

[siralos]

cobra kai season 5

supr staffle gsi. die asiatischi kueh het mir abr chli ufgregt und zum glück hei sii diesmal nid zviel vo de chlini goofe drii gnoh.

mal luege obs no a 6ti staffle gibt

[The Sheep]

1883 [Serie] (8.8/10)

10 stündigi Prequel Miniserie zu Yellowstone. Scho d'Idee, e Prequel zmache wo nit eifach verzellt was unmittelbar vor Yellowstone passiert isch, sondern e Western wo 150 Johr früener spielt, und zeigt wied Vorfahre vom John Dutton sich als Siedler vo Texas us dure Weschte gschlage händ, und worum sie schliesslich in Montana sässhaft worde sind, wo sie die us Yellowstone bekannti Dutton Ranch gründet händ, findi mega.

Guete Lueg gseh. Gege Schluss ischsmer bitz zu pathetisch worde mit dere Liebesgschicht zwische der Elsa und däm Comanche. Aber ok. Dennoch guet gseh. Au s'Finale. Witeri Prequels sind in Arbeit. Findi an und für sich nit nötig, aber zumindescht s'nächschte, wo bereits im Dezämber söll erschine, isch wieder en eigeständigi Gschicht, wo zwische 1883 und Yellowstone spielt, nämlich 1923. Worum nit. wirdi bestimmt driluege.