Und die einzige Lösige defür sind digitali Kontrollzertifikat oder Freiheitsberaubig? Wie wärs mit anderne Strategieä? Logistisch wärs wohl nöd ganz eifach aber mier fallt z.B. es Intensivuusbildigsprogramm zu temporäre Pflägefachchräft spezifisch nur für Corona-Patiänte ii, wo extrem guet zahllt wäred als Ahreiz, wo dänn in temporäre Erwiiterigsbaute i dä Nöchi vo Spitäler würed zum Iisatz cho (die Erwiiterige hättet natürli scho lang müesse uufbaut worde si).
Inere Kriese svereinte Potential vo allne Ghirn uusevor zlah isch es Versüümnis und tumm. Es isch unwahrschiinlich, dass es Gremium wie d"Task-Force" und dä Bundesrat immer zu dä bessere Ahsätz chonnt, wie mit dä aktuelle, gesellschaftliche Würklichkeit umzgah isch als die vereint Dänkcharft vo dä gesamte Bevölkerig. Wie me die Dänkchraft zämmebringt, wär es anders Thema. Hüüfigi Talkshows zw. Bundesrat und Bevölkerig, es staatlich moderierts Forum, wo Lüüt ernstahfti Vorschläg mached, wo vom Bundesrat mitberücksichtigt würed werde usw.