Nintendo fails

[Mastler(P)]

was sind eui gröschte nintendo fails (jetz mal neb dem cdi/sony debakel) und findet ihr au, dass si früehner eine geile siech firma gsi sind, aber hüt vill vo ihrem ruef ihbüesst händ?


Quelle


Quelle vom chibi robo hani vorher nie was ghört.

[agestuffer]

was sind eui gröschte nintendo fails (jetz mal neb dem cdi/sony debakel) und findet ihr au, dass si früehner eine geile siech firma gsi sind, aber hüt vill vo ihrem ruef ihbüesst händ?
vom chibi robo hani vorher nie was ghört.

Gott isch das langwilligi Scheiss.... Sorry, nach 2 Minutä muesse hörä luegä.. MastlerP - wotschmer ja nid sägä das Du 2 Stund de müll gluegt hesch
agestuffer

[Mastler(P)]

aso, di 2t hälfti vom 2te video hani scho gluegt. bi dä erschte einiges skipped.

aber es gaht mer ja eher um eui meinig. was chunt der als erschts bim begriff nintendo fail in sinn?

[Herr Rossi]

Star Fox Zero hed mi hert troffe. Screw you Myamoto!

Ufs Red Steel hami au extrem gfreut, hert verkackt trotz prädestinierter Hardware. Ja, Isch Ubisoft, chund mer aber trotzdem grad i Sinn bi Nintendo fails.

S Leveldesign vo Skyward Sword isch sone herte fail dases bis hüt s einzige Game us de Zelda Reihe isch woni nie fertig gschpilt ha.

[Mastler(P)]

scho zersch gmeint du redsch vom starfox ufm cube, wo eich zersch es anders game gsi isch. was isch denn so schlimm am zero?

und red steel, isch das nöd en lunch titel gsi oder sehr frühe usecho? isch scho chli enttüschend gsi, aber als komplette fail han ichs nöd grad in erinnerig. au wenn ichs nöd durre gmacht han..obwohl.. ich has glaub nöd sehr lang gspill.. oder isch es es sehr churzes spiel?

[sirarthur]

was heisst frühner? Vo wellere Ziit redsch du? Klar SNES sinds irgendwie einzigartig gsii, isch aber au en chlinere Markt gsii, de N64 hätt au nöd nur Lorbere becho am Afahng (Nebelmaschine etc.), GC hätt damals eher als fail gwürkt, us hüttiger Sicht hätts aber es paar vo de beschte Titel us de säbe Generation. Klar Wii U isch complete Fail, defür händs mit 3DS und jetzt em Switch wieder ufgholt. Bin kein Fanboy, aber ich find NIntendo ergänzt de Markt sehr guet. Dezue isch guet wänns Sony oder MS gittt, aber beidi bruchts nöd und für mich dänn eher Playstation.

[Herr Rossi]

scho zersch gmeint du redsch vom starfox ufm cube, wo eich zersch es anders game gsi isch. was isch denn so schlimm am zero?

und red steel, isch das nöd en lunch titel gsi oder sehr frühe usecho? isch scho chli enttüschend gsi, aber als komplette fail han ichs nöd grad in erinnerig. au wenn ichs nöd durre gmacht han..obwohl.. ich has glaub nöd sehr lang gspill.. oder isch es es sehr churzes spiel?

Bi Zero hends d Stürig so übel verkackt. Das isch es Element wos eigentlich immer im Griff hend.

Red Steel isch en Launch Titel gsii, sogar Wii Sports isch super spielbar gsii mit de Wiimote, Red Steel isch wie en Herzoperation mit 2 brochne Handglenk.

[geosnow]

Eigentlich alles am wiimote isch güsel gxi.

[Mastler(P)]

ah was, isch doch voll geil gsi damals mit somne input chönne spille. sogar für mich und ich ha scho jahre vorher mit em plastik schwert vom ne alte dragon quest game vorm tv umegfuchtled.

[Herr Rossi]

Wiimote isch geil, Resi 4 und Twilight Princess, Wario Wäre und und und

[geosnow]

Weisses nöd, hani Resi 4 und TP uf em NGC gspielt. Sind glaubs au primär für das System entwickelt worde. Chasch mich aber gern ufkläre.

Als au PC Gamer isch mer das Gfuchtle viel zu ungenau gxi im Verglich zude Muus und Tasta Stürig.

[Herr Rossi]

Ich mues dich nid ufkläre, die beide Games sind ufem cube fantastisch, gwünned für mich persönlich eifach no chli meh mit de Stürig uf de Wii. Isch Gschmackssach und hed nüt mit PC Gamer pro order kontra ztue.

[geosnow]

de gröscht Fail isch eigentlich s video signal vom Wii gxi. gxeht us wiä RF NES.


bim NGC hani wenigstens das türe Kabel vo Nintendo gah.

[Marco_in_motion]

früehner eine geile siech firma gsi sind, aber hüt vill vo ihrem ruef ihbüesst händ?

Ja sehr und endlich seits mal eine. Entgäge allne andere find ich de Switch total scheisse, ha mir im November eine kauft, eigentlich nur wäge Battleaxe und Aleste collection.
Ha dänn no paar anderi Games däzuekauft und am meiste hani Mariokart online gspillt aber das gaht ja au nümme will Nintendo online eifach understi scheisse isch.

Was mich extrem ufregt sind Sache wiä d'Ergonomie vo dem teil wändt Handheld spillsch, liiht eifach echt verschisse i de Händ, de Lag vo de Joycons. HD Rumble scheiss wo nirgends implementiert isch (nur bi 1-2 switch) Joycons sind en Bruch, wer hät scho so chliini Händ?
Verchratzisch dir de Desplay wänn en is Dock inehblisch und nöd ufpassisch. De Kickstand hineuse isch en Witz, bi de chlinnste Berüehrig gheit de switch um.
s'Grät hät en Nvidia Tegra drin - volli Hardwarepower chasch aber nur via CFW unlocke und fast alles im E-Shop wo nöd vo nintendo isch, gseht uus wiä so Handy games.

[Mastler(P)]

ha mir im November eine kauft, eigentlich nur wäge Battleaxe und Aleste collection.

was für en grund.

Joycons sind en Bruch, wer hät scho so chliini Händ?

ehm, japse und lüht bis 1.70m wahrschinli?

De Kickstand hineuse isch en Witz, bi de chlinnste Berüehrig gheit de switch um.
s'Grät hät en Nvidia Tegra drin - volli Hardwarepower chasch aber nur via CFW unlocke und fast alles im E-Shop wo nöd vo nintendo isch, gseht uus wiä so Handy games.

auweia.
ich ha kei switch, aber demfall sind third party games oft billig wenns nöd grad vo renommierte hersteller sind, wie ufm wii?

[geosnow]

Also Nintendo isch immer glich gxi: e reini Geldmaschine für Anleger.

Chli wiä Roche, Exxon Mobile, Nestle, Pfizer, Apple, Microsoft. Weg all denne Firmene chömme eusi hoche Sozialusgabe leisten.

[onion]

mi gröst n-fail: skyward sword.

grafik 2/10
fön 3/10

was füre bruch.

[geosnow]

mi gröst n-fail: skyward sword.

grafik 2/10
fön 3/10

was füre bruch.

han mich au niä traut, Skyward zspiele. Da simmer Mal einer Meinig.

[geosnow]

De Kickstand hineuse isch en Witz, bi de chlinnste Berüehrig gheit de switch um.
s'Grät hät en Nvidia Tegra drin - volli Hardwarepower chasch aber nur via CFW unlocke und fast alles im E-Shop wo nöd vo nintendo isch, gseht uus wiä so Handy games.

auweia.
ich ha kei switch, aber demfall sind third party games oft billig wenns nöd grad vo renommierte hersteller sind, wie ufm wii?

also wiä uf allne System, allen voran PC Möngel Master Dödel. Simmer ehrlich, 99% isch Brunz.

[Mastler(P)]

aso 99% tunkt mi scho vill. und vorallem zur snes ziit häts eh sehr seehr gueti ratio kah. mousch jetz nöd so tue.
und die games wo vo nintendo chömmed sind eich nie en bruntz. usser ebe, was nachm wii so cho isch känni chum. da chani nöd wükli was säge.

[turntablism]

predator nes. de gröscht nes fail

[geosnow]

aso 99% tunkt mi scho vill. und vorallem zur snes ziit häts eh sehr seehr gueti ratio kah. mousch jetz nöd so tue.
und die games wo vo nintendo chömmed sind eich nie en bruntz. usser ebe, was nachm wii so cho isch känni chum. da chani nöd wükli was säge.

ich meine diä komische händy games of Steam, EPIC, und allne online stores.

[Marco_in_motion]

aso 99% tunkt mi scho vill. und vorallem zur snes ziit häts eh sehr seehr gueti ratio kah. mousch jetz nöd so tue.
und die games wo vo nintendo chömmed sind eich nie en bruntz. usser ebe, was nachm wii so cho isch känni chum. da chani nöd wükli was säge.

16bit Ziit isch obersuper gsi, best wänn mich frägsch ...aber ich ha ja vom Switch gredet.
Current Gen lockt mi eifach nümm hine füre. d'Spiili gsehnd zwar super us, händ e Story wo mer sich meistens chan as Bei striiche und sind befalle vo tearing, bugs, moush updaten, Stüürig isch unusgrieft.


Zu 16bit Ziite sind games i däre quali hert abebashed worde.

[Mr. Heli]

ganz klar wiiu und virtual boy. obschons ufde wiiu paar gueti spiel geh het, wo jez ja au ufde switch cho sind.

skyward sword gseh ich nid so. has sinerziit nid duregspielt und bi jez grad dra (ide wüesti acho). mir gfallts bis jez, natürlich schad mit de chline welt. mir fehlt s freie bewege und erkunde a la ocarina of time und twilight princess. unds umefuchtle nervt chli, will ich imne sitzsack sitze und mich immer ufraffe mues zum fuchtle

[Mastler(P)]

unds umefuchtle nervt chli, will ich imne sitzsack sitze und mich immer ufraffe mues zum fuchtle

richtig herrä sitze?