Poscht isch soooo scheisse.......

[turntablism]

Es reggt mi langsam uf dass mis päckli sit em 27.5 uf em tracking in züri glandet isch und es gaht eifach nümm wiiter. Inkompetents Pack wo det schafft. Fertigi Lahmärsch. Isch ja schlimmer als bi de Franzose. Hoffe diä Tuble chömed au kei Lohn über für das dass es nöd schaffed. Sehr schlächti maniere !

[agestuffer]

Es reggt mi langsam uf dass mis päckli sit em 27.5 uf em tracking in züri glandet isch und es gaht eifach nümm wiiter. Inkompetents Pack wo det schafft. Fertigi Lahmärsch. Isch ja schlimmer als bi de Franzose. Hoffe diä Tuble chömed au kei Lohn über für das dass es nöd schaffed. Sehr schlächti maniere !

Han 2 Liiferigä offä
1 x us de USA - isch sittem 20.05 in Miami und ghat nid wiiter
1 x us Hong Kong - siit em 27.05 am Flughafä in HK.....

Tja. Hoffe denn wenigstens wenns mal in ZH isch gahts denn flott wieder. haha.. Scheiss Corona Ziit.. Kei Flügger und Post isch imi Internationalä Bereich glaubs aktuell völlig überfordert
agestuffer

[mr.raw]

No witzig was do alles im Off gschriebe wird.
Muess mol chli meh iihneluege.

Ha lettschte Frittig chli mit es paar Päckli Pöschtler i unserem Kaffi diskutiert. Die sinn scho recht am aaschlag, meine fresse. Au d Briefträger sinn mehr als nur ussglaschtet. Müend jetzt ja au no chliini Päckli ummeschleppe. Klar, sgitt Firmene die profitiere vo dem Virus und anderi nid.
Ich has au bi uns gseh. Vier mol meh eShop bstellige als sunnscht. A gwüsse Tagene bin ich mit knapp 30ig Päckli uffd Poscht gange. Und ja, alli A-Poscht , jedoch sinn guet 20% NID am nöggschte Tag aakho, was sehr närfend gsi isch. Es paari sinn eifach in dr Schwiz chli ummekarret worde und bis zu 5 Täg spöter aakho. Aber wies überall so isch. Drgege kha me nüt mache.

[turntablism]

easy peasy. ich wart scho über e monet uf es päckli. sit em 27. chanis nümm wiiter trackä ? nimms no locker aber frag mi ab wievill monat ich denn söll bi ebay oder paypal go nachehaake obi mis geld zrugg überchume falls es nöd achunnt ? viva corona !

[mr.raw]

Scho so, goht mir genau glich. Au in de Poschtfilialene...Was do alles a absperrige umme isch. Rot/Wissi Bänder, wo me könnt meine, es wäri en Mord passiert.
Denn no die greizte Lütt, wenn nur ein oder zwei Schalter offe hend und me e chli warte muess. :typej:

[abyss]

Hei, du bisch da ir Schwiiz! Greizt si isch es Privileg hie! Also bitte chlei mäh Reschpeckt vom Bünzlitum!

[abyss]

Also bi üs chunnt Poscht wieder pünklich. So auf die 10:30. Isch doch wider en Fortschritt gägenüber 15:00 die letschte paar Mönet.

[turntablism]

ich ha sones greitzts oberarschloch nach mir im interdiscount gha. er het kei 5 min. gwartet und denn usgrüeft wie en aff und isch dervoo gloffe

[Avenger]

Ja, geit würklich sehr lang im Moment. Vor allem bi Zügs us China. Wenn nid grad e Kurierdienst nimmsch isch 4 Wuche super schnell. Süsch muesch eher mit 2 Monet rechne im Moment.

Tracking isch leider ou nid grad für viel. Bi dene wos Infos git steit seit 3 Wuche "Item pending international transport availability". Cha me nüt mache ussert Geduld ha. Und wers beim Aliexpress het bstellt immer druf luege dass me rechtzeitig e Dispute tuet eröffne im Falle eines Falles.

[agestuffer]

Scheisse Du - jetzt het Poscht de Vogel abschossä….. Han hüt mini Päckli us HK becho. Die sind ohni Seich "pflotschnass" gsii. De ganz Iinhalt (Game Züügs us Japan etc) isch alles nass. Alli Verpackigä sind komplett durweicht..
Chaschder vorstellä, als hätsch en Game Verpackig 5 Minutä under en Tuschi ghebt…
Die SChachtlä voni vo de Poscht übercho han isch eigenltlich nur no vom Chläbband zämäghebt wordä….
Jetzt bini ja denn gspannt, wie das läuft mit Geld retour...

Die ganzä PC Engines, Turbo Grafx, Core Grafx und Co sind müll…… Chani nur no ohni Verpackig verchaufä…..

Das hani no nie erläbt. Leider bini nid i dehei gsii wo die Lieferig cho isch, de Pöschtler hets in Huusigang inägstellt, mini Frau het nur no zahlt de Pöschlter isch schnell wieder verschwundä. Als hätter öpis gwüsst het mini Frau gmeint….
Scheisse, ich hätt die War gra nid aagno und grad bim Pöschtler la retour nä…..

Sauerei... Tami, das choscht mich jetzt wieder massig Gäld und Ziit
agestuffer

[Herr Rossi]

Woher weisch du dass d Post de Schade mues verantworte?

[agestuffer]

Woher weisch du dass d Post de Schade mues verantworte?

Das Zeugs isch so pflotschnass, das muess i de letschä 12 Stund passiert sii. Das chan unmöglich in HK passiert sii…
Glaub au nid dases so id Schwiiz cho isch (d.h. bi de Verzollig so aacho isch), will wenn das de Fall wär, denn hättet die bereits ihre Verdacht uf Defekt klargmacht. Han vo denä au schomal es Telifon übercho, wo en Karton so halbwägs defekt gsii isch, denn hents mir au aaglüütä und gseit sie heided es Paket so becho und es siig defekt i de Schwiiz acho!

Desweiteren hättet die das nie verzollt i dem Zustand - die mönd ja amigs no Zeugs druffchläbä wie Zollpapier, MWST Veraalagig und denn no dRächnig.. Au die Papier sind Nass gsii!

Das Paket isch mit Versiicherig Express verschickt wordä - irgendeinä zhalt…. Poscht i de Schwiiz, Poscht in Hong Kong, Zoll oder wer au immer... Eingä wird de Grind anehebä (hoffi)

agestuffer

[turntablism]

Heilige BimBam. Nassi Päckli WTF

[Ribit X Titan]

Mega nützlicher Kommentar.

Tja, erst sucht man schwarze Schafe und am Ende bemerkt man dass man ewig damit weitermachen könnte, sticht man erstmal in ein Wespennest.

Ich halte diesen Leuten ja nur einen Spiegel vor, der voller Feindseeligkeiten ist, die ich schon sehr lange wahrnehme. Mal sehen wie sie weitermachen, bin gespannt. Haben ja jetzt angefangen eine Art Zensur zu erproben, mal sehen wie weit es noch geht.

[abyss]

Heilige BimBam. Nassi Päckli WTF

Hett äch eine druf gsprützt?

Bi mir isch z letschte Päckli ou acho als hätts en Chueh ir Schnurre gha. Zum Glück sis nume Chleider gsi...

[retroverse]

Passend zum Thema idäm Topic

https://www.20min.ch/story/auf-meine-ko ... 8826093274" onclick="window.open(this.href);return false;

[Doraemon]

Und d Poscht gseht ke Handligsbedarf. Klar, da sies ja nid müesse zahle. Wart nume bis sie merke dass me d Briefmarke hützutags o vo de Briefe wieder cha abchnüble und wiederverwände, da ja nümme gstemplet wird... Genau denn mache si de es grosses Drama drus wenn sis merke.

[Avenger]

I muess säge, nach em Sendungsstatus vom Chinazügs go gügsle het e gwüsse Unterhaltigswert. Das Züg isch wohl würklich uf em Landweg unterwegs im Moment.

Code: Alles auswählen

Current Location	Status

Chongqing	       Departure from Regional Sorting Center
Chongqing	       Handed over to Airlines
ZOBL01	          Chongqing Railway Station
ZOBL08	          China/Kazakhstan border
ZOBL03	          Druzhba ,Kazakhstan
ZOBL03	          Druzhba ,Kazakhstan
ZOBL04	          Iletsk ,Russia
ZOBL09	          Vilnius,Lithuania

[Mastler(P)]

chong qing - qing chong - walla walla ding dong

[Alurios]

Despatched to overseas siit em 14.04, warte immerno..

[turntablism]

Verblüffend....mini päckli us england sind alli "normal gschwind" achoo. Aber d'asiate schliched wie schnägge.
Ich glaub diä lagereds extra lang zum d lüüt stresse

[Herr Rossi]

Sit 3 Mönet chaufed recht vil Lüüt bi Ali und Co i wo no nie det bschtellt hend. Logisch hed alles länger

[turntablism]

ja scho klar aber wenn tracking nach de ifuhr harzt und hange bliibt am flughafezoll, frög i mi scho.

[Avenger]

Immerhin, China Post isch einigermasse auskunftsfreudig.

Code: Alles auswählen

Location	 Status

Foshan	   Departure from Regional Sorting Center
Guangzhou	Arrival at Regional Sorting Center
Guangzhou	Dispatched from Office of Exchange
Guangzhou	Returned
Guangzhou	Dispatched from Office of Exchange
Guangzhou	Departure from Regional Sorting Center
Guangzhou	Handed over to Airlines
Guangzhou	Handed over to Airlines
ZOBL01	   Chongqing Railway Station
ZOBL08	   China/Kazakhstan border
ZOBL03	   Druzhba ,Kazakhstan
ZOBL08	   China/Kazakhstan border
ZOBL06	   Departure from International Sorting Center
ZOBL09	   Vilnius,Lithuania

Bi SG Post gseht me nur "hand over to airline" und de passiert nüt meh bis es i der Schweiz glandet isch oder im Briefkasten liegt.

[agestuffer]

Huerä Poscht vöglet mich munter wiiter..
Wie gschribä machi vo jedem Brief es YouTube Filmli wommer gseht, wie ich de Brief dur das Post-Mässtool (sonen Plastikteil) duräzieh.
Ich hebe das Mässtool mit 2 Finger. Duumä und Zeigfinger = mit 2 Finger.. Bruchä also null chraft zum de Brief denn duräzie. Keis Murksä, keis Drückä, keis garnix...

Also, chund doch letsch Wuchä wieder mal en Taxchartä. Ich schnell de Brieffilm gschickt wommer guet gseets, wie de Brief durch das Mässtool ghat... Ohni nix flutschscht durä..

Die guet Frau vo de Poscht interessiert das aber en Dräck: Gemäss unserer Messung ist der Brief dicker als 2 cm = zahlen sie bitte die Taxe nach..... Blah blah blah und no es paar 08/15 Sätz hinädrii.

Sorry, sicher nid... Huerä Poscht isch eifach tumm. Völligi Willkür. Genau settigi Briefä hani i derä Wuchä sicher 10 Stugg gschickt. Die sind denn alli guet gsii angäblich - nie en Taxchartä übercho.

Es isch huerä närvig. Glaub irgendeinä im Briefzentrum hasst mich und wenn de Schicht het und mini Briefä gset, denn schickter sonen huerä Chartä... Regtmi völlig uf. Keis Muster isch zerkännä...
Lotterie bi de Post

agestuffer