Ich gib per endi November mini Wohnig hie in Schindellegi SZ uf und wirde nach Südamerika reise für es paar Monat und vo dert us denn wohl zersch mol es Ziitli ide Staate lebe und mi chli neu orientiere. Han das Jahr scho über 5 Monat Mieti für nix zahlt und die Wohnig isch nid grad günschtig.
Jedefalls hani hie extrem vil Sache wo sech über die letschte Jahr hend agstaut. Mir rede hie vo TV und div. Home-Electronics, Marke Möbel (Jutzler Schrank, Hasena Bett, USM Tisch), es dutzend Nike Shoes, Irichtigsgägestand, neuwertigi Markechleider, Kücheelektronik etc... einfach en riise huufe Stuff woni am liebschte würde vertschtutte oder denn halt au verschenke wenns niemert wod. Die meischte Sache hie sind aber definitiv nice und hend sicher no wert. I denke fasch alles würd me für paar Franke an Maa bringe, ig wod au gar nüem vil defür aber halt wegschüsse wodis au nid.
Han au scho überleid en Art "Garage Sale" ds mache aber irgendwie hani ds Gfühl das mi das eifach zuvil Energie und Ziit choschte würd.
DARUM suechi öbber wo Ziit & Bock hed hie mol idsfahre und 1-2 Tag lang alles fötelet und denn bi Ricardo o.Ä. istellt. öber wo halt drus chunt und weiss wie me de Stuff guet chan verhöckere. Evtl. hed ja eine vo eu en Junior wo Luscht uf Feriegeld hed. Ich bin fescht devo überzügt dasme hie locker es paar 1000 Franke chan mache und vo dem bini denn au gern bereit en % Ateil abdsgä. Chönd au gern en Minimal-Betrag abmache demits en Sicheri Sach isch, zahli gern. Zuesätzlech chan die Person denn au gern no alles wo nid verchauft wird und er gern hätti gratis mitnä. Han hie brutal vil Stuff und ig denke es werde au Supplements, Food etc. übrig blibe also würklech vil Sache wo nice to have sind.
Yes thats it, eifach melde am beschte mit Handy Nummer demit mr churz chönd funke und details bespreche. Denke würklech Sinn wirds erscht so im November mache aber mir chönd au gern schomol en Test-Day mache für die 1. Ladig vo Sache woni jetzt scho nümm bruche. De Sony TV hani vor 2 Jahr für 2,5k neu kauft und hängt sidher ar Wand hie, nie brucht...
lg Mischa