Welles game häsch grad fertig gspielt?

[Gurgelhals]

Natürlich Shodan. S'Original

De Nachfolger isch no chli fieser. Meh Horror. Und halt die perfidi Wändig, dass du mit em/de Shodan es Zwangsbündnis muesch igah Ich hans nie fertig gspielt. Wo dänn plötzlich no die unsichtbare Spinnemutante chömed, wo die huere gruselige Grüsch mached, wo du aber natürlich immer erst dänn ghörsch WÄNN SIE BEREITS GENAU HINDER DIR STÖHND han ich müese mim Härz z'lieb ufhöre

De Vorgänger hätt halt grussigi, verpixleti 3D-Grafik, isch aber Design-mässig sinere Ziit wahnsinnig wiit vorus gsi. Grad au s'Leveldesign isch mer wieder extrem ufgfalle: D'Art und Wiis, wie d'Entwickler sich druf konzentriert händ, e in sich gschlosseni, logischi und entsprächend glaubhafti Spielwält z'konstruiere. Und wie's usgehend vo dem dänn sehr viel vo de Story ganz ohni Wort und erst rächt ohni gskripteti Szene oder Zwüschesequenze mittels em Leveldesign verzehled (oder gnauer gseit ebe d'Story gar nöd aktiv verzehled, sondern nume d'Puzzleteili devo i d'Spielwält ibaued und's *am Spieler* überlöhnd, sich d'Story sälber z'verzehle) - das isch hütt nach wie vor bispielhaft; 1994(!) isch es revolutionär gsi.

[zwirrlibatz]

Ich hans nie fertig gspielt.

meitli.

ich 1x dure aber siebemal agfange mit verschiedene "builds".

also de teil eins (wo ich übrigens d'CD-Version mit grosse Box und allem han, wänns öpper will, SS2 übrigens au, und Bioforge, nur frööge!) hett jetz e agnähmeri stüürig? dä han ich wäg dem schteiziittaschtaturgefizzel nie chöne spiele...

[zwirrlibatz]

ahja de "sequel" chönnt ich drfür mal mache: http://www.gamestar.de/spiele/system-sh ... 82586.html" onclick="window.open(this.href);return false;

hätt's scho öpper?

[Mastler(P)]

Wo dänn plötzlich no die unsichtbare Spinnemutante chömed, wo die huere gruselige Grüsch mached, wo du aber natürlich immer erst dänn ghörsch WÄNN SIE BEREITS GENAU HINDER DIR STÖHND han ich müese mim Härz z'lieb ufhöre

ich glaub da hätsch vilicht no 3-4h gha und wärsch durre gsi, wenn nöd weniger.
es werded nur no geg dä schluss so eh art cyborg ninja gegner introduced und denn chunt shodan. wenn ich mich recht erinner. isch bitz her.

Und wie's usgehend vo dem dänn sehr viel vo de Story ganz ohni Wort und erst rächt ohni gskripteti Szene oder Zwüschesequenze mittels em Leveldesign verzehled (oder gnauer gseit ebe d'Story gar nöd aktiv verzehled, sondern nume d'Puzzleteili devo i d'Spielwält ibaued und's *am Spieler* überlöhnd, sich d'Story sälber z'verzehle) - das isch hütt nach wie vor bispielhaft; 1994(!) isch es revolutionär gsi.

so ischs 2 ebe au. häsch gar ke richtigi zwüschesequenze sondern erlebsch dsache live. weisch nöd was passiert isch und muesch der s meischte us text/audiologs zämmepuzzle. aso neb dem shit wo der shodan amigs verzellt.

infinity muessi mal nachm 1 ahluege. thx.

[Sidiris]

Shovel Knight - Plague of Shadows

ah dä plague knight spickt halt so komisch umme und knallt weg waser chan. isch no witzig, jedoch d level sind fascht die genau gliiche wie mitm shovel knight.

Bin auch durch
Zu Beginn konnte ich mich gar nicht anfreunden mit dem Gespringe - und die Levels kamen mir immer mehr wie eine grosse Grube vor.
Aber mit dem Float-Sprung gings dann schon besser - und ähnlich wie mit Shovel Knight selber wird man immer besser
Gibt dank den vielen Optionen auch oft einfache Lösungen zu Situationen, die mir zuerst gar nicht klar waren
Muss jetzt noch alle grüne Coins suchen... nervt etwas, da es erst dann komplett ist mit der Ausrüstung glaub ich.
Dass es merheitlich die gleichen Level sind, fand ich eigentlich noch witzig - man durchquert sie auf völlig andere Weise - aber ist auch schon eine Weile her seit ich die Original Kampagne gezockt habe.
Mir gefällt Plague of Shadows - wenn auch nicht so gut wie die original-Kampagne... aber als gratis DLC kann man eigentlich gar nicht meckern

[Gurgelhals]

hett jetz e agnähmeri stüürig? dä han ich wäg dem schteiziittaschtaturgefizzel nie chöne spiele...

Viel besser. Du spielsch es mit Mouselook normal wie jede Shooter sitt Quake und mit eme Chnopfdruck schaltisch in alte Modus (de mit em Muuszeiger) zum uf d'Inventarfunktione / s'HUD zuezgriffe. Und wänn'd im Mouselook-Modus öppis us de Umgäbig ufnimmsch, wächslet er automatisch in alte Modus, dass me de Gägestand dänn bequem is Inventar lege chan, usw. Natürlich isch s'ganze Spiel immer no chli rumpelig, aber absolut im Rahme vo dem, was me au us hüttiger Sicht no chan als "guet spielbar" bezeichne. Kein Verglich mit de Steiziitstüürig vom Original.

so ischs 2 ebe au. häsch gar ke richtigi zwüschesequenze sondern erlebsch dsache live. weisch nöd was passiert isch und muesch der s meischte us text/audiologs zämmepuzzle. aso neb dem shit wo der shodan amigs verzellt.

Findi ebe grundsätzlich super. Also möglichst wenig "aktivi" Erzählstimme ibaue (kei Cutscenes, kei gscripteti Sequenze) und stattdesse so viel wie möglich "passiv" über d'Spielwält sälber verzehle; bzw. de Spieler sälber zum Erzähler mache, indem er möglichst viel vo de Handlig dur s'sälbständige Erkunde und Beobachte vo de Spielwält und s'sälbständige Zämereime vo de det drin verteilte Informatione erfahrt. Das chan susch nämlich i däre Form keis anders Medium

Gitt's aber immer no viel z'sälte. Witcher 3 isch wieder es guets Bispiel gsi. Die Wält isch so glaubwürdig und in sich logisch ufbaut, dass me sehr viel über d'Wält eifach nume dur gnaus Aneluege und Beobachte chan erfahre. En Ritt vo Velen über de Fluss nach Norde dur das vom Chrieg no unberüehrte, sehr usdehnte Ackerland (vo irgendöppisem müend all die Lüüt in Novigrad ja läbe ) dur s'Armeleuteviertel usserhalb vo de Stadtmuure (wo hauptsächlich Zwärge und Elfe läbed ) bis i die eigentlich Stadt ine - das verzehlt a eme ufmerksame Spieler bereits e ganzi Gschicht, ohni dass es defür au nume ei einzigi Cutscene brucht. Super.

[evo]

ich ha die immer so spooky gfunde



has das johr im früelig widermol duregspielt. öppis vom beste wo jeh hets gits

[Gurgelhals]

meitli.

ich 1x dure aber siebemal agfange mit verschiedene "builds".

So, ich han's jetzt spontan über s'Wuchenend namal agfange und au duregspielt. Endlich! Nach über 15 Jahr GOG-Version plus tonnewiis Texturemods und andere Fankrempel. Spielt sich super. Hätt mich u huere inezoge - praktisch de ganzi Samschtig lang gspielt. So öppis schafft bi mir susch praktisch keis Spiel meh

Hätt mich au nüme so fertig gmacht, wie damals bi mim letschte gscheiterete Versuech. Det isch im Rückblick offesichtlich s'Problem gsi, dass ich min Build chli verhaue han und drum das Spieli au i de zweite Helfti no härtischte Survival Horror gsi isch. Jetzt isch es mit eme besser plante Build wesentlich besser gange. De erschti Drittel isch nach wie vor rächt härt (und entsprächend creepy), aber so ab Deck 4, wo ich dänn d'Kristallwaffe und bald au s'Sturmgwehr gha han, isch es dänn rächt guet gloffe. Es gitt i dem Spiel halt würklich ganz klar gueti und ganz klar unbruchbari Skills und Builds.

Gäge de Schluss gitt s'Spiel aber chli ab, findi. Deck 6 wirkt irgendwie echli unfertig. Und d'Rickenbacker isch dänn nume no en lineare Shooter-Level (wänn au wiederum en guet gmachte und sehr atmosphärische lineare Shooter-Level). Scho klar, werum ich det ufgäh han - mit eme verskillte Charakter chasch es grad vergässe. Und was ich vo de letschte beide Levels halte söll (Many und Cyberspace) weiss ich au nöd so rächt. Isch halt immer echli schwierig, bi däre Sorte Spieli gäge de Schluss d'Sach zue z'spitze und de Sack zue z'mache, ohni debi d'Grundidee vom Spiel z'verrate.

De Direktverglich isch übrigens no interessant: De Vorgänger isch namal es Stuck offener. Im SS2 gitt's verglichswiis doch sehr viel und sehr oft Infos, was du z'tue häsch, wo du muesch ane und was bruchsch. Im Vorgänger gitt's hingäge all Schaltjahr mal es Voicemail mit eme üsserscht rudimentäre "Mission Update" und alles andere mousch sälber usefinde. Defür isch de Horror-Aspekt bim SS2 ganz klar usprägter. S'SS1 betont de Rätsel- und Adventure-Aspekt stärcher, s'SS2 de Survival Horror-Aspekt.

PS: Alli Bioshocks sind hingäge üsserscht seichte und armselige Konsoleabfall. Keis Wunder, dass ich mich dänn bim Bioshock so tödlich glangwiilet han

PPS: S'SS2 hätt immer no de mit Abstand härtischte Twist i de ganze Videospielgschicht. S'krasse isch: Als ufmerksame Spieler erahnsch bzw. befürchtisch de Twist zwar scho vorher (und ich weiss übrigens au no ganz gnau, dass ich en damals im Jahr 1999 vorusgseh han). Aber das spielt kei Rolle, will dänn chunnt *die Szene* und macht dich i jedem Fall total fertig

[geosnow]

system shock 1?

[zwirrlibatz]

en usprägte hacker/psiwaffle build isch wahrschiinli ebe de ehner schwieriger? bitz füürpower bruuchts glaub scho. ja ich xehs cho, ich bin bald au wieder dran. han glaubs no paar saves.

[zwirrlibatz]

muess aber no en "kei affe mod" finde...

übrigens, fallt das nur mir uf:

https://www.youtube.com/watch?v=q4cFV8z4Yxs" onclick="window.open(this.href);return false; vo 0:15-0:20

[Gurgelhals]

en usprägte hacker/psiwaffle build isch wahrschiinli ebe de ehner schwieriger? bitz füürpower bruuchts glaub scho. ja ich xehs cho, ich bin bald au wieder dran. han glaubs no paar saves.

PSI han ich komplett ignoriert. Han en Navy gmacht mit Schwerpunkt uf Standardwaffe, Hacke und Maintenance. Hätt super funktioniert. Es gitt i dem Spieli eifach ganz klar nützlichi und weniger nützlichi Skills und es isch nöd unbedingt intuitiv, uf welli Skills s'einte und uf welli s'andere zuetrifft.

Bi de Hauptstats isch z.B. Strength i jedem Fall unglaublich wichtig, ellei scho wäg em Inventar (+1 Strength = +3 Inventarslots!) und will me doch relativ starch uf Nahkampfwaffe agwiese isch. Und Cybernetic Affinity, will s'hacke da dure viel eifacher wird. Agility und Endurance sind hingäge - und das isch nöd unbedingt intuitiv - ziemlich unwichtig. Und PSI natürlich ebefalls (ussert du spielsch en PSI-Typ).

Bi de Tech-Skills: Hacke isch verdammt wichtig. Hacke + Cybernetic affinity = du chasch jede Replikator und jedi chischte problemlos hacke = meh Nanites, meh Munition, meh Batterie, meh Medkits, meh alles. I eme Spieli, wo Munition und anderi Verbruchsgägeständ notorisch knapp sind, isch nüt wertvoller als das.

Repair isch hingäge nutzlos. 0 Pünkt bi mir. Bruchsch nöd, will du dini Waffe gschiider tuesch sorgfältig warte, so dass sie erst gar nöd kabutt gönd (und für die paar Fäll, wo'd öppis repariere muesch, gitt's Auto Repair Tools). Maintenance isch viel wichtiger, will's a) dini Maintenance Tools effektiver macht und - no viel wichtiger - b) die maximali Ladekapazität vo dine Implantat erhöht. Modify isch au relativ unwichtig: Für die erst Modifikationsstufe langet 1-2 Pünkt und für die zweiti Stufe bruchsch gschider eis vo dene Auto-Modify-Items; vo dene gitts nämlich meh als gnueg im Spiel.

Research: Ehner wichtig, aber meh als 3 Pünkt bruchsch nöd. Mit em Research-Implantat chunsch dänn uf 4 Pünkt und die bruchsch zum d'Kristallwaffe z'erforsche, wo die beschti Nahkampfwaffe im Spiel isch.

Und Waffe: Würklich usgwoge - d.h. sowohl gäge weichi wie härti Gägnertype effektiv - isch ebe nume d'Standard-Kategorie wäge de verschiedene Munitionstype. D.h. Pischtole und Schruubeschlüssel (Schrotflinte evt. als Backup) und spöter dänn s'Sturmgwehr (wo alles platt macht und no dezue relativ günstigi Standardmunition frisst). That's it. Mit dem chunsch dure. Energiewaffe bringed nüt, will sie nume gäge Roboter effektiv sind und für das häsch bereits Armor Piercing-Munition für d'Standardwaffe (ich han dänn doch 1 Punkt investiert zum d'Laserpischtole im Overload-Modus punktuell gäge Roboter, Turrets und Kameras chöne z'bruche - isch billiger, will sie kei Munition sondern Strom frisst). Schwäri Waffe sind au meh oder weniger e Spielerei und choschted z'viel für das was sie bringed. Und für Exotic Weapons bruchsch genau ein Punkt zum de Kristall chöne z'bruche. Alli andere Exotics sind Spielereie und zuedem gäge Robotler würkigslos.

Churzum: Ab de Helfti han ich nie meh Munitionsknappheit gha, will ich jedi Chischte und jede Replikator ghackt und schwächeri Gägner mit em Kristall abeputzt han (wo au mit nume eim Punkt in Exotic Weapons gnueg starch isch, will Strength ja au en Nahkampfbonus gitt). Dank em Maintenance-Skill han ich zuedem praktisch permanent chöne eis (und spöter dank entsprächendem OS-Upgrade: zwei) Implantat aktiv ha, ohni dass mir bi dene de Saft usgange wär. Churz vor de Rickenbacker han ich dänn Strength, Cybernetic Affinity, Standard Weapons, Hacking und Maintenance bereits uf em Maximum gha und drufabe no chöne massiv überschüssigi Pünkt i Endurance, Agility und Exotic Weapons pumpe.

[Mastler(P)]

geile siech.


Quelle haha, en fear bastard.

[turntablism]

Dynamite Deka EX
naomi
Sehr schöni grafick aber irgendswie findis nöd so lässig zum brawle

[zwirrlibatz]

Han System Shock 2 grad nomal vo vorne agfange zum richtig i d'Stimmig cho. Ehner en Ballerbuild mit gnueg Hacken. Als Psi bruch ich nume Kinese, so chli als Backup. Han immer wieder wele en reine Psi Build mache aber jedesmal wenn ichs mal wieder starte, isch mer's gliich z'kompliziert. Vilech mach ichs doch emal, und setz drbii meh uf Alienwaffle. Will das sind ja au d'Eigenarte vo dem Spieli. Jetz gangi aber mal einigermasse konventionell dure und bi grad rächt flott bis ufs Deck 4 cho. Früehner bin ich vielmeh umegirrt, wohl will ich weniger uf d'Awiisige vo de Frau Polito glost han. Die grosse Frachthalle mit de Bots mache mich immerno wahnsinnig. S'Sturmgwehr han ich noni gfunde. De Laserdäge haut no effiziänt drii. So "Biiläufigs" wie s'Forsche findi uhueresuper. So Gameplayelemänt wo im Hintergrund laufe gitts nämli viel zweni.

[Gurgelhals]

S'Sturmgwehr gitt's uf Deck 4. Brucht aber de Standard Weapon-Skill uf Level 6. Wänn'd nöd en hochspezialisierte Build häsch, chasch das also wohl erst so gäge Schluss vom Deck 5 bruche.

De Laser Rapier isch hingäge genau so e Waffe, wo kuuler schiint als sie effektiv isch:
- Er isch schwächer als de Crystal Shard, hätt aber viel höcheri Investitionschoschte: Lvl. 4 Energy Weapons + Lvl. 3 Agility = total 52 Cybermodul. Für de Kristall gnüeged Lvl. 1 Exotic Weapons sowie zum en vorher z'erfrosche temporär Lvl. 4 Research (d.h. Lvl 3 + ein Lvl. mit em Research-Implantat, wo me uf em Deck 3 findet). Das macht läppischi 35 Cybermodul.
- Dänn chunnt no dezue, dass de Laser Rapier nume 50% Schade gäge d'Arachnids macht, d.h. det sogar schwächer als de Schruubeschlüssel isch (defür macht er dopplete Schade gäge Robotler und Turrets, aber das isch nutzlos, will me gäge die Gägner nöd in Nahkampf gaht).
- Nachteilig isch es au, dass es e Lvl. 4-Waffe isch. Für jede Level im entsprächende Waffeskill, wo me über em minimale Level vo de Waffe isch, gitt en Schadensbonus vo 15%. Bim Laser Rapier sind also nume +30% möglich (wänn me Energiewaffe uf em maximale Lvl. 6 hätt). Bim Crystal Shard sind's bis zu +75%, will er e Lvl. 1-Waffe isch.
- Und last but not least findet me de ersti Kristall nöd viel spöter als de ersti Laser Rapier (am Afang vom Deck 4 vs. ganz am Schluss vom Deck 1 im Engine Room; und s'Deck 3 dezwüschet packt me no problemlos mit Schruubeschlüssel + Pischtole / Shotgun).

[zwirrlibatz]

Fertig, läck han ich viel vergässe gha. Ich hans nur 1x duregspielt vor 10 Jahr und siithär immer wieder mal bis Deck 3 gspielt. The Many isch chli müehsam und de Ändlevel han ich viel grösser in Erinnerig gha. Aber nach wie vor ganz grosses Spiel. Nöd zletscht de Soundtrack. Audio macht mindeschtens d'Hälfti vo de Spielqualität us. Das vergässe viel. Es chan es Spieli ruiniere, aber au vergolde, sälbscht (oder bsunders) wemme das nödmal bewusst merkt.

Dänn Infinite agfange. Bin no unschlüssig. S'hett rächt viel Verchehr uf de von Braun. Vilech wirds spöter einsamer und klaustrophobischer. Unterscheide tuet sichs bis jetz (vor Hydroponics) i fasch nüt. Es hett so Cyberspace tronigi Zwüschelevels wo ich überhaupt nöd kapiere um was es gaht D'Story (bzw d'Polito Awiisige) isch genau die gliich. Drzue gitts no e Projektion namens Marie wo eim chli leitet. D'Kristallscharte gitts scho früeh, han se no vorem Laserdäge gfunde.

[Gurgelhals]

Fertig, läck han ich viel vergässe gha. Ich hans nur 1x duregspielt vor 10 Jahr und siithär immer wieder mal bis Deck 3 gspielt. The Many isch chli müehsam und de Ändlevel han ich viel grösser in Erinnerig gha.

De Ändlevel isch insofern *mind blown*-Stöff, will er 1:1 am Afang vom System Shock 1 entspricht. De Startpunkt entspricht exakt am Punkt, wo s'System Shock 1 afangt. Supr!

Aber nach wie vor ganz grosses Spiel. Nöd zletscht de Soundtrack. Audio macht mindeschtens d'Hälfti vo de Spielqualität us. Das vergässe viel. Es chan es Spieli ruiniere, aber au vergolde, sälbscht (oder bsunders) wemme das nödmal bewusst merkt.

Isch d'Thief-Engine und det isch bekanntlich d'Helfti vom Spiel über de Sound gloffe. Die entscheidende Lüüt i dem Bereich sind übrigens us de Bostoner Musikszene und meh oder weniger zuefellig zu Looking Glass cho. De Sound Designer vom System Shock 1 isch dänn dur wiiteri Zuefäll am Ändi Projektleiter vom Thief 1 gsi. Und inzwüsche sind die glaubs alli bi Harmonix. Luegsch da: https://en.wikipedia.org/wiki/Tribe_(band" onclick="window.open(this.href);return false;)

S'Design vo de Shodan-Stimm findi ebe au so krass. Einersiits mal d'Idee an sich, aber dänn au die detailversässeni Umsetzig: Gar nüt vo wäge "eifach mal es vordefinierts Filter-Set über d'Ufnahm laufe lah". Hinder jedem Stottere und jedere Modulation staht da müehsami und liebevolli Handarbet und das ghört me au.

[evo]

das mit dr roboter lagerhalle isch soooooo wohr. hass teil, 789654567 tod bini gstorbe.

Code: Alles auswählen

llllllllooook at you hhhacker

[Mastler(P)]

Audio macht mindeschtens d'Hälfti vo de Spielqualität us. Das vergässe viel. Es chan es Spieli ruiniere, aber au vergolde

silent hill

dä stimme effekt, die geil herablassende kommentär zwüsche dä befehl + gottkomplex.

Cease your pestering, insect. Accept the coming of your new lord.

[zwirrlibatz]

Aber nach wie vor ganz grosses Spiel. Nöd zletscht de Soundtrack. Audio macht mindeschtens d'Hälfti vo de Spielqualität us. Das vergässe viel. Es chan es Spieli ruiniere, aber au vergolde, sälbscht (oder bsunders) wemme das nödmal bewusst merkt.

Isch d'Thief-Engine und det isch bekanntlich d'Helfti vom Spiel über de Sound gloffe. Die entscheidende Lüüt i dem Bereich sind übrigens us de Bostoner Musikszene und meh oder weniger zuefellig zu Looking Glass cho. De Sound Designer vom System Shock 1 isch dänn dur wiiteri Zuefäll am Ändi Projektleiter vom Thief 1 gsi. Und inzwüsche sind die glaubs alli bi Harmonix. Luegsch da: https://en.wikipedia.org/wiki/Tribe_(band" onclick="window.open(this.href);return false;)

S'Design vo de Shodan-Stimm findi ebe au so krass. Einersiits mal d'Idee an sich, aber dänn au die detailversässeni Umsetzig: Gar nüt vo wäge "eifach mal es vordefinierts Filter-Set über d'Ufnahm laufe lah". Hinder jedem Stottere und jedere Modulation staht da müehsami und liebevolli Handarbet und das ghört me au.

Sind no guet, die Tribe. Erinnert bitzeli a Failure bzw überhaupt halt an typische 90er Alternative. Aber chli besser, also drum ebe wie Failure.

De SS2 Score isch überhaupt nöd veraltet. D'Wahl vo de Beats und Sounds isch ebe tadellos gschmackvoll. Die dütsch Synchro isch imfall extrem guet. Ich han ursprünglich die gspielt und die verhebt hundertpro. Shodan, Polito, Delacroix und no die Russe und Mexikaner, all ihri Akzänt chömed für mis "dütsche Ohr" halt au authentisch übere. S'gitt es paar Spieli wo ich die änglisch ersch als zweits ghört han und säb nöd als besser empfunde han, Shadowman und Stalker zbsp. Bim Stalker isch türli super dass d'Lüüt bim unwichtige Palaver russisch und bim wichtige dütsch mit Russeakzänt rede.

Infinite: hebt sich doch ab dur die Cyberlevels, ich chume zwar überhaupt (noni) drus. En Art gitts Ziitlinieverschiebige je nachdem was me det drin macht, das sind glaubs Sidequests wo sich ufs Ändi uswürke. Dänn gitts no Hack/Baller Sequänze im Tron Stil, wo ich no weniger drus chume was die sölle. Ich pass aber au nie uf was lauft. Kei Geduld oder Alters-ADS.

[Gurgelhals]

De SS2 Score isch überhaupt nöd veraltet. D'Wahl vo de Beats und Sounds isch ebe tadellos gschmackvoll. Die dütsch Synchro isch imfall extrem guet. Ich han ursprünglich die gspielt und die verhebt hundertpro. Shodan, Polito, Delacroix und no die Russe und Mexikaner, all ihri Akzänt chömed für mis "dütsche Ohr" halt au authentisch übere. S'gitt es paar Spieli wo ich die änglisch ersch als zweits ghört han und säb nöd als besser empfunde han, Shadowman und Stalker zbsp. Bim Stalker isch türli super dass d'Lüüt bim unwichtige Palaver russisch und bim wichtige dütsch mit Russeakzänt rede.

I de Afangsziite vo de Spieli mit Sprachusgab (also so ca. 1995 - 2000) sind die dütsche Synchros tatsächlich oft verhältnismässig guet gsi. Shadowman han ich ebefalls in Erinnerig. Oder au s'Grim Fandango, s'Outcast, de Gabriel Knight (obwohl's i de englische Version da de Tim Curry gha händ), usw. Alles super Synchros und oft au besser als im Original. Hätt wahrschinlich demit z'tue, dass es im dütschsprachige Ruum für das zu däre Ziit scho en etablierti Industrie gä hätt - häsch mal schnäll de Synchronsprächer vom Bruce Willis oder em Al Pacino gholt und guet isch gsi.

Im Original sind d'Sprächer hingäge zu däre Ziit nöd sälte Amateur gsi - oft sind's eifach Mitarbeiter vom Entwickligsstudio gsi (im Fall vom System Shock 1 & 2, Thief 1 & 2, Deus Ex, usw. übrigens au, wänn au i dene Fäll mit würklich usgezeichnete Resultat; ok, Deus Ex weniger als d'Looking Glass-Spieli). S'Bruefsfäld vom professionelle Videospiel-Sprächer hätt sich i de USA dänn glaubs erst im Verlauf vo de letschte beide Konsolegeneratione so richtig usebildet und etabliert.

[BrainBug]

stick of truth.

nid unbedingt obsidians magnum opus aber trotzdem gute unterhaltung.
leider wars selbst auf hard, viel zu leicht.

aber whatever Obsidian

[Reinforced]

Grow Home (PS4)

no ein 1 crystal denn hani alli Trophys

[zeromeier]

halo5, gueti underhaltig gsii.