Welles game häsch grad fertig gspielt?

[Mastler(P)]

dead space 3, fair.

[Reinforced]

Oddworld: Munch's Oddysee (XBOX)

lol für das Game extra wieder en Xbox poschtet, lauft nid guet uf X360 emuliert und Steam Version isch au scheisse.

Damals nie gspillt gha und 13 Jahr später eher schlächt galteret vorallem s Gameplay irgendwie rächt hakelig. Wär wiedermal Zyyt für es neus Game im Abe Universum.

[geosnow]

isches besser als d psone version?

[Reinforced]

also d 2D titles hani au no nid gspielt. Sind die denn besser galtered? Nur de Nachfolger Strangers Wrath woni wahrschinli au wieder nachehole

[mr.raw]

isches besser als d psone version?

Isch Munch's Oddysee nid s erschte Game für e Microsoft Konsole gsi, will Oddworld Inhabitants mit dr Sony Hardware nüt me hett könne aafange (da zweni Power bla bla bla)? Ich glaub sogar, dass Munch's Oddysee vo Microsoft uusegäh worde isch?! Guet, es hett e HD Version für PS3/Vita gäh...sogar e GBA Fassig...aber mir rede jo do vo dr Xbox Version...die isch damals nid uff anderi Plattforme uusegäh worde.
Isch es grässlichs Game gsi. Da ich grosse Abe Fan bi, ha ich s Game grad miesse go hole und bin extremschtens enttüscht gsi! Völlig anderscht uffbaut gsi als oddysee und exodus. Drfür hett mi Oddworld: Stranger's Wrath extremschtens erfreut!

[Buccaneer]

isch es nid momentan gratis uf PS Plus?

[Reinforced]

isches besser als d psone version?

Isch Munch's Oddysee nid s erschte Game für e Microsoft Konsole gsi, will Oddworld Inhabitants mit dr Sony Hardware nüt me hett könne aafange (da zweni Power bla bla bla)? Ich glaub sogar, dass Munch's Oddysee vo Microsoft uusegäh worde isch?! Guet, es hett e HD Version für PS3/Vita gäh...sogar e GBA Fassig...aber mir rede jo do vo dr Xbox Version...die isch damals nid uff anderi Plattforme uusegäh worde.
Isch es grässlichs Game gsi. Da ich grosse Abe Fan bi, ha ich s Game grad miesse go hole und bin extremschtens enttüscht gsi! Völlig anderscht uffbaut gsi als oddysee und exodus. Drfür hett mi Oddworld: Stranger's Wrath extremschtens erfreut!

es hät mir damals sicher besser gfahlle aber ich bi 2002/2003 voll anti xbox gsi und ersch sehr spät mit Halo 2 ufe m$ zug ufgsprunge. ja isch xbox only gsi.

glaub ebe d HD Version uf de PS3 hets nur ide staate gäh? could be wrong.

Das Game isch übrigens sehr prägend für die G-Forum släng "dini mueter im rollstuehl" gsi

[sadoanarcho]

geschter Nam-1975 ohni Continues

[Sidiris]

geschter Nam-1975 ohni Continues

Trotz unfairem Endboss?

[sadoanarcho]

meinsch will mer kei Continues bim Endboss chan nä? ("The world is mine aaahahahaha", total episch, en einzelne G.I. knapp überstande, dänn isch de Räscht vode Wält au keis Hindernis me)

bimene 1CC isch das eh nöd wichtig, mer chanen eifach nöd so problemlos üebe wie die räschtliche Böss. Ich finden aber weniger schwierig als er am Afang würkt, wämmer de Rhythmus mal duss häd ischer rächt harmlos. Die schwierigst Stell vom Game isch wahrschinlich de 5. Boss.

[Andy]

Mit unbesiegbaren cheat kann das jeder.

[sadoanarcho]

Tips zum ohni Cheats spiele:

-A die ganz Zit druckt bhalte und zum Bewege de C-Chnopf drucke (ohni A loszla), so chammer sehr schnell zwüsched Uswiche und Schüsse wächsle. Evade (schräg rückwärts wärtem Ränne) nur im Notfall und kontrolliert, süsch Russisch Roulette und 's Bildschirm-Süübere wird underbroche. De Trick zum guet spiele isch rännend uszwiche und d'Rolle wenig z'bruche.

-Ränne isch die schnellschti Art zum's Fadechrüz bewege.

-de Flamethrower isch für d'Füchs, ligge la. D'Balkan isch super, Munition spare.

-d'Glimmerbombene sind sehr starch, mer mues aber de Schusschnopf losla zum si abla.

-bim letschte Boss isch wichtig, dassmer sich vorem Rolle ad Bombe-Ischläg anepirscht. Mer sett nie am andere Bildschirmändi si vom Boss, will dänn de Winkel vom Laser-Gschoss z'flach isch und's eim brötled, also sich eher ide Nöchi vom Boss ufhalte und sich ad Explosione schmiege vorem Site-Wächsel.

[Snatcher]

Ys Seven

noed herusragend, het mich aber trotzdem sehr guet unterhalte.

[Reinforced]

Scarface - The World is Yours (Xbox)

[Sidiris]

Far Cry Blood Dragon... naja... finde es ganz und gar nicht zu kurz (vor allem für was es kostet)... im Gegenteil, wenn man alle Festungen eingenommen hat, hat sich das Spiel schon ziemlich abgenutzt... und ist auch immer irgendwie das gleiche... ganz geschweige von der Grafik und dem Sound... die Story Missionen sind ganz ok, und der Humor lässt öfters Schmunzeln (wobei gerade die Festungen einnehmen selten lustig ist). Die Nebenmissionen sind fast noch am lustigsten - vor allem die 4 Schildkröten

Ganz ok unterhalten, aber hatte mir irgendwie noch mehr schwarzen Humor erhofft.

[Sidiris]

Dear Esther... ok - ist kein richtiges Game... aber eigentlich ganz ok - nur die Laufgeschwindigkeit animiert rein gar nicht dazu die Welt zu erkunden

[Snatcher]

Professor Layton and the Spectre's call

immer no guet, aber eher es bitz schwaecher im verglich zu de vorgaenger.
serschte mal won ich noed all bonus content erspielt han..

[Sidiris]

Persona Q: Shadow of the Labyrinth (3DS) ... also unter dem Strich hat mir das Spiel gut gefallen.
Das Spiel liegt dabei näher an Etrian Odyssey als Persona... kommt spielerisch (trotz interessantem Aufteilen der Fähigkeiten in solche die Magiepunkte benutzen, und solche die Lebenskraft kosten) und vor allem auch in der Tiefe aber für mich nicht an Etrian Odyssey 4 heran... ist mir einfach alles etwas zu eingeschränkt und ich vermisse eine Oberwelt. ( Kommt dazu, dass die Personas eher langsam leveln, und man somit gar nicht so oft Fusionen ausprobieren möchte. )
Stattdessen hat Persona Q aber tonnenweise Dialog und Gespräche zwischen den Charakteren (aus Persona 3/4), das mich aber oft ziemlich angeödet hat - zumindest bis die Charaktere dann auch ihre Eigenheiten klar gmacht haben und die Diskussionen damit etwas aus dem banalen BlaBla herauswachsen... vor allem fast durchgehend sprachlich vertont! Denke als Persona 3/4 Fan hätte man von Anfang an mehr davon

Die Labyrinthe an sich sind gut gemacht haben das eine oder andere Rätsel in sich und sind auch thematisch und von der Stimmung her abwechslungsreich.
Allgemein spielt sich Persona Q aber langsamer als EO4... vor allem beim Wechsel zwischen den Menüs vergehen schon mal Sekunden ... und irgendwie wirken die Menüs im Hub als wären die jeweils von andern Leuten gemacht worden - das UserInterface ist überall etwas anders und verhält sich auch anders (B-Knopf gleich zurück... manchmal bis ins Basis-menü, andere mal nur bis zu einem Leave Button, der dann mit A ausgewählt werden muss, etc..).
Vom Schwirigkeitsgrad her würde ich Persona Q etwas einfacher als EO4 einschätzen - von den Kämpfen her, aber auch beim Ablauf - vieles wird einem auf die Nase gebunden, und die Mapping Funktionen sind schon ziemlich erweitert worden.

Egal - mir hats gut gefallen und selbst die Charaktere waren gegen Ende nicht mehr so nervig ... kann nicht alles gleich der neue King of the Hill sein

[Tatsujin]

&






denn na sylphia und final soldier

[Marco_in_motion]

wiä heissed diä beide Games?

[Snatcher]

Pilotwings Resort

kurzwillige spass, guet, muss mer aber noed gseh ha...

[Snatcher]

Batman Arkham City

sogar no besser als Arkham Asylum, git noed viel wo mer bidem game choent verbessere (ussert schlusssequenz)

[Tatsujin]

wiä heissed diä beide Games?

Psychic Storm

&

Download 2

uf PCE

[Buccaneer]

Batman Arkham City

sogar no besser als Arkham Asylum, git noed viel wo mer bidem game choent verbessere (ussert schlusssequenz)

Findsch?
Han s Asylum viel besser gfunde! Hed irgnedwie meh dichti und Atmosphäre gha während für mich bim City d Luft relativ schnell dusse gsi isch…

Wür sich s Origins ächt lohne? Isch das meh wie Asylum oder City?

[Jones]

hüt grad mitem hardline fertig worde. zwar bitz churz aber eigentlech passts für mi. ha eh nid sooo viu zyt und hami guet amüsiert...