[OT]Generelles Politik-Topic

[Xinobrax2]

Apropos "neanderthaler und homo sapiens"....mer set da ev. mal no amerke, dass üs di muslimische Länder über Jahrhunderte hinweg in so zimlich allne Wüsseschafte vorus gsi sind...und wenn üsi überlegeni christlich Kultur nid i de folgende Jahrhunderte immer wider alles kaputt gmacht het wärs wohl imerna so.


Quelle

[Moff]

de thiel hed welle bim thema blibe, über d sach diskutiere

das empfindi gar ned so, scho ganz am afang mit de frag öb de schawinski papierli jud isch. isch doch billig. rein personebezoge.

und denn wiist de thiel uf de underschied zwüsche boulevard humor (in dütschlad) geg persone hi, und dass er richtige sachliche humor mache würd. und das kei minute nachdem de schawinski die ispieler mit de ustuschbare bundesrat gägs bracht het. isch doch lachhaft? de thiel macht selber gnau de persone bezognig humor.

und wäge kei ahnig: de thiel isch mir i dere sendig es bitz vorchi wie d'christa rigozzi ide arena zu de zweite gotthard höhre. er het sini argument vorbracht, aber wo denn gegesite argument bracht het, heter gar nüt me gwüsst was säge, willer sich mitem thema offebar nur eisitig und allgemein vill zwenig befasst het. zunere diskission ischs i dere sendig gar ned cho. und das isch ned am schawinski gläge.

[Herr Rossi]

ganz am afang mit de frag öb de schawinski papierli jud isch. isch doch billig. rein personebezoge.

ich finds legitim wemmer em gschpröchspartner sin background erfragt wenns themerelevant isch. i dem fall isches ja, und es isch sogar entscheidend.
aber wemmer de schawinski kennt, weiss mer dass er settig frage gar nid wett beantworte; er schtellt ja d frage

kei minute nachdem de schawinski die ispieler mit de ustuschbare bundesrat gägs bracht het. isch doch lachhaft? de thiel macht selber gnau de persone bezognig humor.

er eklärt ja denn au warum. das isch äbe de underschid; er erklärt sin schtandpunkt.

de schawinski interessiert das aber nid, vo de erschte Minute ah. er wott nid zuelose, drum nimmt ne de thiel zimlich glii gar nümm ernscht. er luegt richtiggehend ufne abe, zu recht

aber wo denn gegesite argument bracht het

weli Argument meinsch?

willer sich mitem thema offebar nur eisitig und allgemein vill zwenig befasst het

teilwiis schtimmt das. de Artikel die weltwuche isch halt zimlich risserisch, aber nie unwahr. ich vermuete mol, dass er sich das bewusst gsii isch dases sones theater gid.

sini ussage über moslems findi aber au denäbet (de schawi naglet ne äbe genau a dem wunde punkt fescht, macht er übrigens immer so, nid nur bim thiel), aber d ussage zum koran chani underschribe. am beschte de schund mit de bible zäme verbrönne, es isch nümm ziitgmäss, wie d sklaverei

zunere diskission ischs i dere sendig gar ned cho. und das isch ned am schawinski gläge.

es isch a beidne gläge, aber ich find de schawi halt eifach chli en emotionale chrüppel, das sind sini 50 cent

[Moff]

weli Argument meinsch?

ja ebe zB das mit de sklaverei. wieso chridet er das nur am mohammed ah, wenn das damals normal gsi isch?
uf das isch em thiel sis argument gsi"ja isch doch schlimm gsi, findsch nöd? findsch sklaverei öppe guet?" mit somene diskussionspartner chamer nüt afange. entweder machter kabarett, dasch ok, aber denn söller ned en weltwuche artikel zumene hoch sensible thema schriebe. gaht würklich nöd.
und ehrlich gseit ischsmer bi de meischte diskussionspünkt so ergange.

und das mitem "papierli" jud isch ned eifach en background frag gsi, es isch frag mit extrem denunzierendem ton wo s'gspräch vo afang a ufen sehr persönlichi personebezogeni ebene bracht het. öppis wo de thiel am schluss denn em schawinski vorgworfe het notabene. aber das macht öppe so viel sinn sie wini kritik a boulevard humor wenn er das selber macht.

[Herr Rossi]

Er chridets em Mohammed ah wil sichs Thema uf de Koran bezieht. Er redt ja au über d Bible, er schtritets nid ab.

denn söller ned en weltwuche artikel zumene hoch sensible thema schriebe.

Warum isch das hochsensibel? Das isch doch gnau de Punkt, s Thema wird küntschtlich ufeschtilisiert. DRUM isch es kei gsundi Diskussion gsii.

[Moff]

natürlich ischs hochsensibel, es git paar milliarde moslems und au paar ide schwiz wo selbstverständlich druf reagierend, wenn öpper ohni gschichts- und vorwüsse es paar stelle usem koran usestricht und denn meine mer chönni moslems generell als "zwüsche neanderthaler und homosapiens steckeblibe" z'bezeichne und moslems en "nachholbedarf " bezüglich em koran z'understelle. und das denn au na i eim vode gröschte schwizer magazin veröffentlicht wird.

und sini usred, dass er susch ja au über anderi religione herzieht empfind ich als unbefriedigend. will ers ned asatzwis ide gliche härti macht und sin weltwuche bitrag sich usschliesslich um den koran dreit. sini ussage us de vergangeheit bezüglich islam und moslems macht glasklar, dass das nur en alibi usred isch. ich finds vo dem her absolut ok, dass de schawinski ihn als hassprediger betitlet het. das fasst us miner sicht sini stellig und sin bitrag gegenüber em koran und em islam guet dar.

wie scho gseit, würder all religione derart apacke und ablehne, wär ich au siner meinug. ich ha sgfüehl du versuesch ihn au es bitz i die richtig z'rücke. sini ussage zu sim glaube löhnd mich aber dra zwifle, dasser das au würklich so gseht.

[Jones]

er isch e typ wo ussage macht, wo teils massiv dernäbe si.
aber als hassprediger chame ihn itz auso ächt nid bezeichne. das gits anderi kaliber, wo aktiv zu gwalt ufrüefe. DAS si hassprediger! trotz allem no bitz e ungerschied...

[Moff]

logisch gits viel schlimmeri

aber d'schlüss woner us siner Koran lektüre zieht sind grob denäbe und wiener moslems dementsprechend beurteilt schlicht menscheverachtend und löst bi lüt wo was leset definitiv hass us. wenn au velicht hüfiger als ihm lieb isch gegen ihn selber.

[Xinobrax2]

Ich glaube d Weltwuche wird in muslimische Kreise eh nid so oft glese...und de Schawinski luegt au niemert. Wenn 20min & Co. das nid so ufblase heted, hets gar niemert mitübercho...

[Herr Rossi]

Moff, wie scho gseit findi sini Ussage zu de Moslems au nid korrekt, es isch sogar völlig denäbe. Es god jedoch primär um die heilig Schrift und wie si vo vilne interpretiert wird, das isch nümm ziitgmäss. Schawinski und Thiel sind beid nid unbedingt e Gueti Wahl für e konschtruktive Dialog zu dem Thema. Das rechtfertigt aber nid, de Gschpröchspartner zbeleidige.

[Jones]

natürlich ischs hochsensibel, es git paar milliarde moslems und au paar ide schwiz wo selbstverständlich druf reagierend

isch das würklech so? i ha äbe z'gfüehl, dass die koran-kritik de meischte moslem am füdli verbi geit.
genau so geits mir am füdli verbi, wenn irgend e islamischt e bible verbrönnt oder gäge chrischte redet... vo mir us cha es chäsblettli vo pakistan christe us untermönsche bezeichne... who cares? :typej:
aber die säubschternannte hüeter vo dr politische korrektheit undem religiöse friede stelle sich gärn schützend vor milliarde vo mönsche wo das oftmals gar nid bruche...

[Acid]

lol... das ihr über 2 Sitä lang über so en Bruch diskutiered... Han jo vom Thiel no nid so viel gseh, gläsä oder ghört, aber, Roger hi oder her, de Uftritt isch jo chum zum aluege oder losä gsi. Am Roger sin Interview Stil isch oft scheusslich, aber ich glaub es isch no keinä so schlächt demit umgangä. Sälbscht de Islamisch zentralrat Typ, wo jo jedä mit bitz Hirn i de erschtä Sekundä merkt dasser geischtig chli zrugblibä isch, isch schlagfertiger gsi. Entweder hed de Thiel en unglaublich schlächtä Tag verwütscht oder er isch würklich i keiner Art und Wies ernscht z neh.

[abyss]

Golub er isch eifach id Sendig zum Schlawinski z trolle...

[Acid]

Naja, es gid trollä und trollä. Im bestä Fall wärs luschtig, öfnet eim d Augä oder sogar beides. Denn isches au völlig legitim. Das isch nüt gsi als e versauti halbi Stund, und wenns gäg de Schawinski het sölle Schüssä, isch en gewaltigä Schuss hinä usä gsi, wenn ein so diskutiert chöntmer no s Gfühl übercho de Schawi sig vernünftig.

Also chan guet sii dasser das welä hed, denn sötters in Zuekunft aber lieber sii loh, will ers absolut nid im Griff hed.

[Herr Rossi]

Er isch id Sendig iglade worde. Und dis Verschtändnis vo Vernunft isch chli speziell, aber bi 8 Milliarde Mönsche gits das halt

[Acid]

Was meinsch demit: Er isch i d Sendig igladä wordä? Nimi also schwer a dass das so die isch, aber was willsch demit sägä?

Und ich han nid behauptet dass de Rosche vernünftig isch, aber dassmer das Gfühl chönt übercho wemers in Relation zum Gspröchspartner setzt.

[abyss]

Naja, Troll isch Troll würdi säge. Has amüsant gfunde. Z Läbe isch doch scho gnue Humorlos und politisch korrekt.

Dr Thiel isch halt en freigeistige Künstler. So what. Scheiss uf Islam, Scheiss uf Christe, Scheiss uf alles. Das Religiongedöns isch doch lägwilig.

[Herr Rossi]

Was meinsch demit: Er isch i d Sendig igladä wordä? Nimi also schwer a dass das so die isch, aber was willsch demit sägä?

Und ich han nid behauptet dass de Rosche vernünftig isch, aber dassmer das Gfühl chönt übercho wemers in Relation zum Gspröchspartner setzt.

ich mein demit; d Initiative für die Sendig und s Gschpröchsthema isch nid vom Thiel uschoo. Er isch iglade worde und die beide hend sich vo Afang ah nid chönne schmöcke.
De Schawi cha nid demit umgah wenn eine ruhig blibt, geschwige denn sälber Frage schtellt. Dass die Frage themebezoge sind isch em entgange, mangels Empathie oder Wüsse, weises nid. Denn passiert äbe genau so öpis wie letscht Wuche; er fod afo beleidige.

[Acid]

Ja aber er mues jo nid go wenner nid will. Wemer vo Afang a weiss dassmer nüt als schlächti Lunä ufbringä chan lohdmers ebä gschieder sii. Ich chan jedä verstoh wo kei Luscht hed i diä Sändig zgo, vor allem wenns öperem ernschthaft drum gängti öpis z vermittle.

Was de Thiel so interessant und themebezogenes brocht hed ischmer schiins entgangä, so viel ich ghört han isches i sicher 90% vo dem waser gseit hed drum gangä das de Rosche zvil reded oder öber dises oder jenes Buech gläse heig.

[Herr Rossi]

Wemer vo Afang a weiss dassmer nüt als schlächti Lunä ufbringä chan lohdmers ebä gschieder sii. Ich chan jedä verstoh wo kei Luscht hed i diä Sändig zgo, vor allem wenns öperem ernschthaft drum gängti öpis z vermittle.

aha, drum isch er ja vom ne guet glunte Talkmaster id sändig iglade worde

bi au scho ane verchaufsveraschtaltig mit 5 kollege woni iglade worde bi (sone buurefänger-veraschtaltig im sääli vonere landbeiz)
tumm umegschnoret hemmer und de veraschtalter richtig schön gnärvt, wie sichs ghört.

Was de Thiel so interessant und themebezogenes brocht hed ischmer schiins entgangä, so viel ich ghört han isches i sicher 90% vo dem waser gseit hed drum gangä das de Rosche zvil reded oder öber dises oder jenes Buech gläse heig.

de schawinski hed zvil gredt und d frag öb er dises oder jenes buech gläse het isch themebezoge. hesch du e anderi sändig gseh oder weisch würklech nid worums em thiel gange isch?
er hed em roger sis wahre gsicht usezöiklet und heds gnosse. er hätt sich au chönne uf sis Niveau abeloh und de interviewstil underschtütze; mit dene antworte wo de gschpröchspartner wett ghöre

[Acid]

Nei, er hed sich mit dem Blödsinn ebä genau ufs Niveau vom Schawi abägloh, wenn nid no tüfer. Wenn das s Thema gsi.isch, denn heders guet gmacht. Aber irgendöpis vo Substanz heder nid usägloh. Öb öper de Koran gläsä heig, isch e fairi Frog a öper wo mit eim über de Inhalt vom Koran will redä, alles andere isch absolut für nüt gsi.

Und wiä gseit, ich spiel nid thiel vs schawi. Ich verteidigä de Rosche mit keim Wort, und sis wahrä Gsicht chamer bi fascht jederä Sändig gseh, für das bruchts kei Thiel. Das isch also nid überraschend, überraschend isch für mich dass de Thiel kein Dräck besser isch.

[Jones]

I finde o d'frag nachem gloube vom gägeüber nid unwichtig wenn über so es Thema redsch. Nur het ers halt zu provokant gfragt...
Und dass er wenig relevants het gseit, liegt zume grosse teil da dra, dass ihn dr RS immer ungerbroche het, wenn er chli het wöue erlütere. Dr RS het wie immer sini dumme frage gstellt und antworte, wo sich z'gägeüber nid säuber blossstellt, ungerbunde bzw ungerbroche... Isch sit jeher so si stil...

[zwirrlibatz]

team Moff.

de schawinski en arsch finde isch dumm. s'wenigschte wo mer macht intressiert mich aber er MACHT ömel öppis. de thiel isch en trendschmarotzer. vor däm theater hett en niemert kännt, jetz hett er es thema gfunde zum sich billigscht profiliere. de schawinski wiederum hett i dere aglägeheit zeigt, dass er en mänsch mit charakter isch.


wänn ihr mal es guets, relevants und erwachsnigs gspröch xeh wänd, dänn da:


Quelle

[Jones]

Charakter het er das stimmt... Das wort 'charakter' seit aber nix drüber us, ob positiv oder negativ... lol

[Herr Rossi]

Quatsch, de Thiel hed mer vorher scho kennt. Aber hesch recht, em Schawi sin Charakter isch guet dürecho