retrosys hat geschrieben:acid, wenn epper fröid dra het, den darfsm ou öppis wärt sii. e 5liber fer e neuwärtigi laserdisc isch nid ds vill verlangt.
Ja, weiss jo nid, wenn de Takou oder de mr. raw frögsch anschiinend scho.
Zudem chamer ja durchus au Freud a Sachä ha, obwohlmer nid so viel Gäld hed defür. Mer chan sogar Freud a Sachä ha womer gschänkt überchund. Freud und Gäld isch nid eifach kopplet.
Was de Markt betrifft isch d Frog hingägä aber halt nid nur öbs eim 5.- Wert isch, sondern öbmers für 2.- genau so chan ha.
Isch halt Angebot/Nachfrage.
retrosys hat geschrieben:aber eifach nur ga profitiere dadervo dass jemand mal 80 stutz pro schiibe zahlt het und das züg jetz an wärt verlore het ... ich weis ja nid.
5liber isch hert gnueg. 2 fränkler isch e beleidigung.
Das isch doch nid "eifach nur ga profitiere". Das isch halt so mit gwüssnä Sachä. Konsum- und Gebruchsgägäständ sind sältä Investitionä i d Zuekunft. Und wenn devo usgosch dass 80 Stutz zahlt hesch, wiä gross isch denn de Unterschied zwüsched 5 und 2 in Relation zu dem würklich. S Finanzielle chasch wemers so aluegt so oder so vergässä.
DVDs händ am Afang au 50 Stutz koschtet, und diä hesch scho no i de Zit wo no alli DVDs gluegt händ chum meh weg brocht, wills besseri Versionä für sehr wenig Gäld neu zum chaufä geh hed. Geschweige denn vo Hüt, hüt chasches nur no verschänkä wenns öperem eifach i d Hand trucksch, wo eifach gern mol en Film luegt, und froid hed dasser wieder mol einä i de Hand hed woner no niä gseh hed. Ich han au Chischtäwiis DVDs und au einigi LDs praktisch für Portochöschtä und villicht es chlises Taschägäld verchauft. Ich han au jetzt no en Sack VHS umästoh woni nid han chönä furtrüere, nid willi irgendwiä s Gfühl han, dass ich diä irgendwenn tatsächlich no verchaufä chönt, sondern will Film druf sind wos nonig inere andere Veröffentlichung gid. Quasi us archivarischä Gründ... irgendwenn tuensi denn villicht digitalisiere und bis uf paar würklich spezielli oder serig woni persönlich öpis demig verbind denn halt doch wegschaffä.
Und das meini halt eigentlich, nid diä finanziell Sitä wod eh chasch vergässä. 2.- isch e Beleidigung? Ich finds ehrlichgseit e Beleidigung gägenüber de Sach und de Mänschä wos gern händ (und e drohendi, erpressendi Haltig isches eigentlich), wemer s Züg lieber zerstört als dassmerem no wieteri Existänz und Daseinsberechtigung schänkt, nur wills eim monetär jetzt nid grad is Züg passt dass d Lüt nüm usgänd defür wasmer sälber mol usgeh hed. Zumindescht zügts vonere sehr beschränktä Wertschätzig, und nid unbedingt emene Gfühlvollä Umgang.
C'est bientôt pire que la NeoGeo
gebi ned häne, hätt wohl eh nor e Wärt vo 20-30 Frangg.
