Wo isch dä Xinobrax?

[geosnow]

hehe, warum nöd eifach is baseland? sinder so amerika fän in basel. de vasella isch au uf amerika.

[evo]

s ligt grad bim industriehaafe. s het au grad e buvette eröffnet mitem name "marina" das isch so biz s theme dort.

isch biz ersatz fürs alte NT areal wo jez komplett planiert worde isch zum e neus ihkaufszentr und e wohnsidlig druf zbaue. dr alt blackcross bowl vo de gliche lüt isch au dert gsi.

RIP, gueti sach gsi

[Vyse]

ey shit, sletscht Bild... es Jahrhunderbild! Mega!

[Tatsujin]

[Reinforced]

:pabrika:

[geosnow]

so nice.

[Xinobrax2]

Ich psetze d Hüsli nid für de Kampf um billigere Wohnrum oder so. Es isch also, wie de zwirrlibatz so schön gseit het, nid ganz selbstlos. Ich han eifach kei Lust mir e Wonig z sueche will di potentiell Buess bi Huusfridensbruch nidriger isch als e durchschnittlichi Monetmieti. Usserdem isches eifach spannender so z lebe. S letscht Jahr z.B. hemer 2 Villene a de Goldküste gha. Männedorf und Stäfta. I einere vo dene Villene simer zum Schluss 12 Lüt gsi. Isch ächt super gsi. Beidi Villene sind vorher übrigens sit über 10 Jahr leer gstande.

Ich mags eifach frei z si...ungebunde. Früener hani monatelang gschaffet um mal irgendwo id Ferie z chöne. Und jetzt....ich chan spontan innerhalb vones paar Stund a jede Ort in Europa reise ohni en Rappe defür uszgeh. Am Morge beschlüsse uf Paris z gah, am nöchste Tag det acho, so mues das si. D Gwüssheit, dasmer i dere Welt au oni Geld klar chunt isch öpis sehr befreiends!

Apropos Geld...während de letzte 2 Jahr het min PC Bitcoins gmint...vor es paar Wuche isch denn plötzlich de Kurs agstige. Sither hani Coins im Wert vones paar tusig Franke...und ich scheiss druff Früener het ich das sofort für irgend en Bullshit usem Fenster gschmisse....und jetzt...naja, nice to have. Ich chan ja nid ewigs so lebe und irgendwenn bini sicher happy drüber.

@Shady: Wie heisst de Kolleg? Tönt voll sympatisch

@Gamenight Pic: Mega

@Binz: Wayne, bin nie det gsi. "Mir bruched e Revolution! Chum mir gönd go Schibe ischlah"....das isch eifach nid so mis Ding

[Supersonic]

Ich gsehn de Reiz vo dem völlig aber isches nöd extrem schwierig zum vo so öppisem zrugg zcho wemer kei Lust meh druff hett und trotzdem es Hüüsli mit Gartetörli wott?

[Xinobrax2]

Ich gsehn de Reiz vo dem völlig aber isches nöd extrem schwierig zum vo so öppisem zrugg zcho wemer kei Lust meh druff hett und trotzdem es Hüüsli mit Gartetörli wott?

Zrugg? lol? Ne du...es normals Lebe isch für mich zimlich unvorstellbar. Das het mich vorher eher kaputt gmacht...ich han mich damals immer me und me zrugg zoge. Jetzt lebi eher s Gegeteil. Wenn ich mal es Hüsli mit Garte wot, denn mach ich das andersch. Ich han, woni unterwegs gsi bin, vili interessanti Projekt kenneglenrt. "Ökodörfli", Kommune, anarchistischi Gemeinschafte.....früener han ich mir das immer andersch vorgstellt...aber nachdem ich das jetzt selber mal erlebt han isch für mich eigentlich klar, dass ich a sonen Ort gange, sobald ich mal gnueg han vom Rest. Es paar Kommune lebed ganz zrugzoge, anderi eher weniger. Manchi lebed mit Strom, anderi oni, manchi mit Internet, anderi oni. Mir passt de Mittelweg am beste. Mit Strom, Internet und chli z Esse bin ich voll happy

[Moff]

bitte verzell eus vo dine gheimniss
wie reisisch so schnell gratis ume?
woher gratis internet?
wie findsch ort zum gratis wohne?
was und woher ässeder?
macheder chleider und so selber?
werum logsch dich nüme als mr hinkelschwein i?

[Xinobrax2]

wie reisisch so schnell gratis ume?

Wie gseit, stöpple und schwarzfahre. es gat allerdings nid drum schnell z reise, sonder e interessanti Reis z ha. Ziit isch recht irrelevant wenns eh nüt git wo dich bindet.

woher gratis internet?

Sobald das jede weiss gats vilicht no 1 Wuche lang und denn isch die Lücke gschlosse Aber fallses dich beruigt, s isch recht langsam. Ich hol mir drum glaubs bald mal eis vo dene neue unlimited Swisscom Abos...

wie findsch ort zum gratis wohne?

Wone isch immer gratis. A manche Ort gits eifach schneller mal Stress. Leeri Hüsli erkennsch am unpflegte Garte und am Briefchaste wo nid agschribe isch. Gits überall

was und woher ässeder?

Containere bi de Discounter. Spar isch z.B. super. Hesch jede Abig Sache, wo no am gliche Tag i de Regal gläge sind. Alles verpackt natürlich. Die Sache sind amigs nonig abgloffe...nur s "verkaufen bis" Datum isch bereits überschritte. Ein chline Spar het glanget um üsi Villa mit 12 Lüt z versorge. Sick, oder? Mir hend amigs sogar no Sache vorig gha. Das lösst übrigens au das Dilemma mitem Fleisch esse. Ich han sit Ewigkeite kei Fleisch me kauft...aber wenns eifach weggschmisse wird...ja denn nim ich das natürlich gern.

macheder chleider und so selber?

Mini Hose hani tatsächlich selber gneit. Isch so Jeans Salvar. Hani scho immer wele und ich hannieneds en Ort gfunde womer die chan chaufe. Aber susch, Chleider findsch überall. Frag eifach mal die Vollpfoste wo sich jedi Wuche neui chaufed.

werum logsch dich nüme als mr hinkelschwein i?

Will ich recht dumm bin und s Passwort nüme weiss.

[PlanetHarrieR]

Und deine Gamingsachen? Hast du die noch?

[Xinobrax2]

Fasch alles verchauft...

Ich han na e Festplatte mit allne NES, SNES, N64, GB(C), GBA, NDS, MD, MS, GG, NEO GEO usw. Roms. Alles vollständigi Collections. Lauft tip top uf mim Laptop. Original Konsole bruchi nüm. Nach 15min Nostalgie hani amigs eh wider gnueg devo...

Ich han bis hüt ersch 1 Mal en 3DS i de Händ gha Ev. hol ich mir denn mal eine wenns es neus Zelda git.


Edit: Ich sueche tamminomal imerna alti Radeons: http://www.thegforum.ch/viewtopic.php?f=38&t=6846" onclick="window.open(this.href);return false;

[Tatsujin]

wo bisch den jetzt z.b. grad?

[Xinobrax2]

Ich chume grad vo Affoltere. Det hanis mir vorübergehend imene verlassene Industrieareal gmüetlich igrichtet. Sit gester bini aber bi mine Eltere. Da stat mis Mining Rig und ich han grad e zuesätzlichi Radeon 7950 ibaut. Für min Rechner bruchi halt imerno en Ort, wo 24/7 mit Strom versorgt wird

[Tatsujin]

oh rolf

was meined den überigens dini eltere so zu dim läbensstiil?

[Xinobrax2]

Segedmers mal so, si hend sich demit abgfunde

[Vyse]

Shit, dä Xinobrax
Du häsch dä Mum gha, woni nie uufbracht han, jez bereu ichs natürli sehr.

[Astroboy]

Oh fuckkk i finde so Mensche wahnsinnig interessant (völlig ironiefrei). Respekt für und Gratulation zu dim Muet, es Läbe jensits vo vilne Konventione und Zwäng z'füehre. Riise spannend, ev schribi dr mau e PM, würd gern mau mit dir chly ploudere.

[Xinobrax2]

Mit Muet het das eigentlich gar nid sovil z tue...s isch eher e Mischig zwüschet "Figged oi" und "Mir doch egal".

Bi de Stüre z.B. gsen ich das so: Wenn ich em Staat e Rechnig schicke, denn interessiert das det kei Sau. Wenn si mir e Rechnig schicked interessiert mich das au nid => Mir sind quit. Wenn en Brief chunt wo drin stat ich müesi wider in Knast denn seg ich mir "Wenn ich dene en Brief schicke und si höflich drum bitte sich isperre z lah, denn werdedses wohl ignoriere. Also mach ich das au." => Mir sind quitt.

Also nöd "Fuck the System", sondern "Ignore the System".
E Gsellschaft wo vo A bis Z verdorbe isch (wer das andersch gset het s Recht dezue), het mir nüt vorzschribe.

Mit de Konsequenze muemer denn halt lebe.

[geosnow]

vom system profitiere isch völlig okay. mached UBS manager au.

[Uriel]

Als nögschts gangi richtig Glarus. Ich han was vomene verlassene Dörfli i de Berge ghört, das wili mir mal chli genauer aluege.

Als eine, wo in Glaris gebore und ufgwachse isch: GANZ GLARIS isch es verlassenes Dorf ide Berge wo ke Sau wohnt. Lahn dich nüd verarsche! Kuum bisch det, zwingeds dr es Huus uf, du wirsch gbrandmarkt als «Glarner» und chunnsch nieme loos.

Wenn eine eis uf «Gaschtfründschaft» macht: graaad eini inehaue und dervuseggle. Sust wachsch am nächschte morge mitemene Brummschädel uuf und liisch neb dr Vreni, diner Frau, wo di uffordered, endlich d Chüe go ds melche.

Ich han di gwarnt

[Astroboy]

.

[Xinobrax2]

Tönt vilversprechend

[geosnow]

chüe melche isch nöd mis ding, aber mischte tueni morn am morge au.