S' "Ich han hüt...und du?"-Topic Nr.3 Version 2.0

[feeshlee]

ich han hüt das stüürerklärig gmacht.
jedes jahr wirds es bizzi eifacher.

[turntablism]

en hangover :typej:

[Mastler(P)]

endlich wieder id sunne ligge nachm ässe.

[Vyse]

Mega! Uuf das freu mi au! Chli in Park es Mittagsschlöfli mache.

[geosnow]

frischi tomatesuppe als vorspiis und chalbsschnitzel a wiiser trüffelsauce mit schwarzem trüffel und huusgmachte nuddle gässe.

[turntablism]

ich han hüt es Brot bache

[Astroboy]

Letscht Wuche hani dr Vegi-Gratin gmacht wo ir Coop-Zytig isch gsi. Mi erst Gratin, ever, sogar Bechamel-Sauce hani härebercho.
Fein gsi. Stolz bini hüt no uf mi.

[evo]

s koch topen könnt me eh wider chli pushe

i hamer filet im teig gässe, leider nit selber zuebereitet. action in dr migros 20 statt 30 stautz und denn nomol 50% chläber druf wils hüt abgloffe wär. priis leischtig rächt super gsi

[geosnow]

mit viel emulgatore. tönt aber fein.

[evo]

mit viel emulgatore. tönt aber fein.

isch im pfall nit mol tiefgfroore gsi. tiefgfrier züg bekunt nie 50% chläber druf
aber ja, paar E-stuffers hets sicher dinn gha.

[turntablism]

mmhhh, ich mues mal wider tüfgfrornä schpinat choche, mit rahm und chnobli

edit: ich han hüt selbergmachti früeligsrolle gässe

[Mastler(P)]

häsch nonie was mit früschem spinat gmacht?
han mer au amigs in salat inetah.

[zwirrlibatz]

...usegfunde dass e 50jährigi gitarre wo ich vor bald 20 jahr kauft han mittlerwiile 3x soviel wert hett.

4500.- und sie isch dir.

[Mastler(P)]

nebem gschäfft isch eine uf dä strass gläge. händ passante ihn ufd site tah. isch er öppe 2min gläge. nachr ufgstande und zack weggrennt.
kolleg wos beobachtet hät meint dä seg bsoffe und nöd ahgfahre.

dpassante no bitz ratlos umegstande denn. eifach abdüst.

[Vyse]

Letschti bini fascht über en Alkliiche gstolpered, woni uuf em Heiwäg am 4i am Morge e Strass überquert han.
De Typ isch eifach zmiits uuf äre rächt dunkle Strass glägge, en Autofahrer hätt wohl Müeh gha, ihn rächtziitig zgseh.
Mal zunem häre und en uufd Bei gstellt und gfröged, ober wüssi, woner wohni... er hät irgendwie uus em Muul gsabered und
es paar "äha, und ja" uusebracht. Ok, han en halt vo dä Strass wäg, irgendwo an nächschte Baum gfühert und id Obhut vo dä Natur gleit.

[Mastler(P)]

und id Obhut vo dä Natur gleit.

beste.

[Mastler(P)]

neulich im bioladen:
ich hau no vor dä kasse zwei neui kokosnussmischsäft ufd theke.
kassiererin bim abtippe: s kokosnusswasser würkt natürlich wie en energydrink. ladet d'elektrolyte uf.
ich: ja, ich.. han gern kokosnuss.


mmh, elektrolyte.

[Vyse]

[Mastler(P)]

ei ehm board!


Quelle

[feeshlee]

geschter ufem wäg isch gschäft isch en moment lang binnere chrüzig echli länger gange. vor mir eine mitme fette merz. chum isch dä wäg wieder frei gsi, beschlünigt dä voll dure. churz druff holen wieder iih, will scho wieder was dä wäg echli versperrt. dä wäg wird frei, er truggt dä stämpfel abe, wie wänns keis morge gäbt. wiiter vorne muesser dänn am liechtsignal ahalte. vor ihm en lernfahrer. s'wird grüen, gspürti 2.71ms später huuped dä merzer, wie vom aff bisse. dä L fahrt langsam los. dä merzer 27cm hinedra. nägsch liechtsignal: gliches spiel, nur dasmal tuet er no zuesätzlich liechthüüpele. ich ghör scho dä fahrlehrerin: "weisch, das muesch au lerne: in züri gits au viel arschlöcher uf dä strass. lahn dich nöd us der ruhe bringe". churz druf gits 150m doppelspur, wo dä merzer dänn mittme brutale überholmanöver d'bräms-künscht vom L fordered. und dänn bin ich hinderem L. Aber das isch en anderi gschicht.

i däne paar minute sind mier paar gedanke dur dä chopf, wie so eine drahneh chöntsch:
- nachefahre, wänn uustiigt, zu brei verarbeite
- nachefahre, wänn vom auto weg, auto zu iisespän verarbeite (double drägon style)
- nummere merke, im stva d'adresse usefinde und es päckli scheisse mitteme zätteli: "di fahrstil stinkt" in briefkaschte tue
- nummere merke und im internet-pranger für rowdies inehebe

und du?

[Skeletor]

du bisch gross und stark. du söttsch so eine verprügle.

[feeshlee]

du bisch gross und stark. du söttsch so eine verprügle.

ihm echli bescheideheit biibringe.

[Skeletor]

guät tuä würs ihm. ich hasse so lüt.

[turntablism]

en futztubel isches ! uf söttig chammer verzichte, ich wette s`auto isch no gliist und het tönti schibä...
pescht wünschi söttnige !!!!

[Marco_in_motion]

Hani undernull Verständnis für söttig, huere schaad hätts en nöd grad Blitzt.
Mer sött so eim sonen Güllesprützer wiä de Turntablism als Avatler hät is oberste feister vo sim Huus inehebe, zmizt i de Nacht verstaht sich.
Gülle inehebe bis es obe wieder usechunnt und di ganz Huusfassade no mit Senf ihschmiere.

Oder ä 30m Stahlchette a sinere Hinderachse festbinde, warte bis er wegfahrt, Fun ha...

Hüt Mittag wirdi e fetti Bisonhuft uf de Grill schmeisse willi am Namittag frei han und dänn gangi anen geburri vome Kolleg

Megen!