Bioshock Infinite - Bioshock im Himmel!

[evo]

ich hasse das spiel wie kei zweits. und das bavor ichüberhaupt 1 minute drvo gspiel ha. FINDET EUCH DRIMIT AB IHR HUERE HABASCHE

[The Sheep]

Ich finds mega bis jetzt. Sehr schräg und die Musik

[Marco_in_motion]

ich hasse das spiel wie kei zweits. und das bavor ichüberhaupt 1 minute drvo gspiel ha. FINDET EUCH DRIMIT AB IHR HUERE HABASCHE

Genau das sägi au über jedes Zelda

[Reinforced]

ich hasse das spiel wie kei zweits. und das bavor ichüberhaupt 1 minute drvo gspiel ha. FINDET EUCH DRIMIT AB IHR HUERE HABASCHE

du als System Shock 2 Vergötterer ... was hesch denn drah uszsetze ussert dases Nid vo 1999 isch?

[Astroboy]

s`Problem mit de Matschtexture hani glöst. Jetzt gseht wäsentlich schöner us.

Was ischs gsi?

[The Sheep]

s`Problem mit de Matschtexture hani glöst. Jetzt gseht wäsentlich schöner us.

Was ischs gsi?

Han de Speicher für Texture vergrösseret und s'Ustusche vo hi/lowres Texture abgschtellt.

So gohts:

Open DefaultEngine.ini in notepad. It can be found in your Steam folder under Steam\steamapps\common\BioShoc­k Infinite\XGame\Config

Edit to the following and save:

[TextureStreaming]
UseTextureFileCache=False
TexturePoolSizeReductionMB=150­0
PoolSize=3000
LowPCTexturePoolSizeMB=3000

[evo]

ich hasse das spiel wie kei zweits. und das bavor ichüberhaupt 1 minute drvo gspiel ha. FINDET EUCH DRIMIT AB IHR HUERE HABASCHE

du als System Shock 2 Vergötterer ... was hesch denn drah uszsetze ussert dases Nid vo 1999 isch?

kei ahnig. bi betrunke gsi und eifach mül ins internet gschribe

[Gurgelhals]

:mül:

[Skeletor]

boah.

[Sephi]

S'Problem isch eifach, dass das Spiel wie befürchtet (und wie scho damals bim Bioshock) einersiits in puncto Setting, Story, Optik, usw. ussergwöhnlich, originell und durchus interessant dethär chunnt und me drum eigentlich entsprächend au gern meh vo däre Wält gseh und erläbe würd. Aber anderersiits isch es dänn ebe spielerisch tatsächlich nöd meh als en hundsgwöhnliche, strunzlangwiilige Trottelshooter, wo sich nume i unwesentliche Details wo de übrige Umeschüüsser abhebt, wo d'Industrie zur Ziit am Laufmeter usehaut.

U schad, aber genau so empfindenis ou. Es bestoht e riesige Grabe zwüsche Konzept, Präsentation und Setting einersits und em flache Langwiler-Gameplay angerersits.

[Skeletor]

das ihr no spiel gfindet wo all euerne asprüch gnüeget.

ihr söttet mal spieli entwickle.

[resuscitation]

:Molyneux:

[Gurgelhals]

Ich finde nach wie vor problemlos meh als gnueg Spieli, wo mine asprüch gerächt wärded. Nume finded sich die Spieli halt wie gseit immer weniger im Segmänt vo de Triple-A(bfall) Titel. I de Regle fallt das au nöd gross uf, da mich so Spieli amel gar nöd erst interessiered. Das isch jetzt halt wieder mal en Usnahm, will ich Konzept und Setting wie gseit scho interessant fänd, aber s'Spiel an sich halt ebe glich strunzlangwiilig isch...

[Snatcher]

nimmt mih jetzt doch wunder, zähl mal es paar titel vo de vergangene jahr uf wo dich vollkomme überzügt hend

bis zumene gwüsse grad muss ich am skeletor ebe scho recht geh. mängne chasch es ebe scho nöd recht mache. ich persönlich gsehn mich selber irgendwo ih de mitti. wenn z.b. gschicht/setting usw stimmt chan ich au über gwüssi gameplay schwächene hinweg luege und drum hend mich zb. Bioshock 1 + 2 meh als guet underhalte, ich liebe die zwei spiel.

[Uriel]

das ihr no spiel gfindet wo all euerne asprüch gnüeget.

ihr söttet mal spieli entwickle.

Ich bin mitem Ceiser nüd immer einer Meinig, allerdings:
1. Chum ez. Me mues sicher nüd e Gamedesigner sii, um es Game ds kritisiere. Genausowenig we ich nüd mues Bäcker sii, um ds säge, dass der Siech mir trochnigs Brot verchauft.

2. Dr Levine het bi Bioshock so gross ummeposaunt, dass der d Story und ds Gameplay uf d Halo Generation abegstuft het. Ich mein, überlegg dr das mal: der Designer redet vo abestufe und Halo-Idiotegeneration. Denn gestaht er ii, dass d Gamer offebar schlauer sind, als er gmeint het. Denn macht er Bioshock Infinite und was passiert? Nüd viel. Ds Gameplay isch immer no 08/15. Das isch per se nüd undbedingt schlecht, ich halts aber für zimli nachvollziebar, wenn me sich denn über ds Game ufregt.

Das wär übrigens genau au min Vorschlag für e alternativi Diskussion. Ich halts für unwahrschiinlich, dass dr Levine under de gegebene Strukture was anderes hanebringt als Bioshock, oder anderscht formuliert: d Games werded gmacht für e Zielgruppe, wo so gar nüd exischtiert: wenn mir e Gamedesigner verzellt, dass er sis Game an Halo Zocker aapasst und sich au über der Umstand beschwert? Ich halt das für reine Bullshit. «Halo Gamer» oder «CoD Idiot» sind reini Etikette. Würdisch die Lüüt mal frage, was sie genau drunder vrstönd würdi innerhalb chürzischter Ziit klar werde, dass die Begriff e Reihe vo ganz fuule Designentscheidige söll entschuldige. Das trifft au uf Publisher zue. Jede meint, er hegis mit DAUs ds tue.
der «dummi CoD Gamer» wo unreflektiert alles söll schlucke, isch mir nie begegnet. Allerdings e huufe Lüüt, wo sich uf Battlefield 4 freued, dr Dubstep im Trailer au nüd soo super find, aber sich mit vielem ds friede git, «wills halt es Game» isch. Isch das schlimm, weme die Istellig het? Nei. Söll me kritischer sii als Gamer? Nei. Aber me chans. Was allerdings würklich müehsam isch, isch dass so viel talentierti Lüüt ihri Games anere Person aapasst, wos nüd git: Dr «hauptsach Kabumm» Gamer. Wers nüd glaubt, chan ja dr Tescht mal bi sich selber mache. Ich has die Wuche grad wieder mit Bajonetta erlebt. Ich überspring jedi Sequenz i dem Game. Jedi einzelni. Ich quittier jede Dialogaasatz i dem Game mit «D Schnurre zue, ihr Penner» (ok, es biz übertriebe) Bin ich jetzt dadurch en «Titeee!!!! ACTION!!!» Gamer? Natürlich nüd. Die «Story» wo das spiel het, und we sie präsentiert wird isch dermasse schlecht, dass mes chum ushaltet. Wenn jetzt aber irgend en Produktmanager mis Verhalte würd beobachte? Würd er nüd uf d Idee cho, dass d Story offebar vernachlässigbar isch. Isch sie nüd. Me chan au vom ne Bajonetta erwarte, dass es mich ide zwüschesequenze underhaltet.

Die Nische, wo mich im Moment zimli happy macht, sind die komische Indie Games. Das schlüüst au iOS Titel (King of Dragon Pass) ii.
Faster than Light isch en absolute Geniestreich. Ich fühl mich jedi Sekunde we in Star Trek, verteil Energie uf zämebrechendi Schild, vernachlässige d Lebenserhaltungssystem um noch Saft ds ha für e Plasmaschuss... herrlich.

Hotline Miami sorgt grad für min innere Friede.

Bioshock behandled dasjenige, wos guet macht, we es Feature, statt we es Kernelement. Die tolle Umgebige söttet i tolli Levels münde. D «Philosophie» im Game würkt au we en Bonus, aber es wer doch einiges interessanter, wenns tatsächlich is Gameplay würd ineflüsse.
Zimli tumm isches ja in Bioshock 1 gsi: Uuuh: mit «would you kindly» macht me als Gamer alles, was dr Designer verlangt. Omg. Ich bin ufere Meta ebeni glandet! Ich söll über mis verhalte nachedenke. Inere Underwasserwelt. Über und Under. Dekonstruktion. Deep Shit.
Ich game es Game, wo min eigene Tod dank Rücksetzpünkt völlig belanglos wird und söll dänn, über Konsequenze vo mim Handle nachedenke? Dem Aaspruch chan das Game durs Gameplay gar nüd grecht werde. Das einzig wo me denn chönnt mache, isch drüber nachedenke, wie das ds Game der eignig Philo Aspruch uderwandered und somit Kippfigure zwüschet absoluem Herrschaffts- und Düütigsaaspruch (im Game) und das freie, «offene» Spiel (durs Game) iifüehrt. das gaht aber nur denn, wenn me ufhört, ds Game ernscht ds nee.

Weni so drüber nachedenke wer filicht das mal e Möglichkeit, was anderes ds mache, alls die feschtgfahrne (G) Diskussione ds wiederhole.

[Sephi]

das ihr no spiel gfindet wo all euerne asprüch gnüeget.

Das isch würklech gar kes Problem - nid nur aber ou dankem ""Indie"" Sektor. Und abgseh devo gits ja denn ou nöcher am "Meinschtriim" so grandiosi Sache wie Portal 2. I erwarte bimene Spiel übrigens nid dasses all mine Asprüch söll gnüege, bzw. chan die sehr guet apasse - s Problem woni mit Infinite ha isch aber dasses rein spilerisch sine eigete Asprüch nid gerächt wird. Wie gseit, der Bruch zwüsche Präsentation/Konzept und Gameplay isch rächt grob. Ahja, eimol düreschpile duenis übrigens glich gärn - scho rein us Neugier.

[Gurgelhals]

nimmt mih jetzt doch wunder, zähl mal es paar titel vo de vergangene jahr uf wo dich vollkomme überzügt hend

Das wär e langi Lischte, aber über die letschte 2 Jahr han ich z.B. knapp 200h is Xenoblade investiert :typej: S'Portal 2 isch super gsi, s'Dark Souls hätt mich begeischteret, neulich grad au s'neue Papier Mario und s'letschte Prof. Layton, s'neue Deus Ex han ich ganz glunge gfunde, s'Batman: Arkham Asylum ebefalls (s'Arkham City dänn allerdings nüme). Soebe han ich die beide Baten Kaitos duregspielt - zwar scho chli älter, aber immer no zwei vo de originellschte JRPGs vo de letschte 10 Jahr und dank grossartigem 2D-Artwork und em Delphin gseht's immer no supermodern us. Letscht Jahr han ich grossi Freud a alles anderi als "perfekti" Spieli wie am Risen 2 und am ZombiU gha. Und die beide Fäll bringed's eigentlich au uf de Punkt: Ich sueche nöd s'perfekte Videospieli, aber ich erwarte, dass es Spieli als Gsamtpaket überzüügt; oder wie's de Sephi seit: Dass es Spieli sine eigene Asprüch gerächt wird. Risen 2 und ZombiU händ beidi objektivi Gameplay-Schwächene, wo me chan und söll kritisiere, aber glichziitig wärdeds de eigene Asprüch absolut gerächt. s'Stalker isch au so en Fall: Total rumpeligs Gameplay, aber es funktioniert.

Es Infinite übertrifft in puncto Fiinschliff und Politur die Spieli um Wälte, aber als Gsamtpaket überzügt's mich glich viel weniger. Sie händ es super Setting, aber statt dass i dem Setting dänn au es passends Spieli stattfindet (werum nöd öppis im Stil wie s'Metroid Prime oder s'Arkham Asylum? Oder minetwäge au so öppis wie es Resident Evil 4, wo vo Level zu Level so viel Abwächslig büütet, dass nie Langwiili ufchunnt?), verheized d'Entwickler Columbia i eme handwerklich solide, aber halt ebe au banale und eintönige Korridorshooter wie's au scho damals Rapture i eme rein spielerisch nöd meh als angwiilige Durchschnittsshooter mit uninspiriertem Leveldesign, nöd vorhandener Gägnervielfalt und wenig Abwächslig verheizt händ (wobi me da no chli differenziere chan: S'Infinite isch als Shooter ganz klar besser als s'Bioshock will s'Handling schlicht und eifach besser isch, aber im Bioshock hätt s'Geschüsse defür besser zum Setting passt, au wänn's det ziemlich bald au mal monoton und langwiilig worde isch).

Im Grund gno isch es nöd so kompliziert: Ich lege inzwüsche es Spieli ziemlich schnäll mal uf d'Siite, wänn ich d'Spielsequenze an sich primär als langwiiligi Pflichtüebig bzw. monotoni Arbet empfinde, wo me sich eifach dureschleppe mues, zum dänn de nörchschti Storyabschnitt z'gseh. Da isch für mich de Sinn vo eme Videospieli schlicht und eifach nüme gäh und mittlerwiile lahn ich mich au nüme uf "us Neugier trotzdem 1x durespiele" i. Für das han ich scho z'viel anderi Spieli i mim Backlog.

[Moff]

mir het rapture grundsätzlich besser gfalle vom setting her, en kabutti unterwasserwelt mit big daddies isch halt scho reizvoller als en strahlendi wulchewelt, isch ev. subjektiv.
aber infinite holt storymässig so viel use, da chunnt rapture ned asatzwis mit, au wenns ned sönen schöne twist am schluss het. gameplay und leveldesign sind in infinite au merklich besser, vor allem will ich grad na bioshock 1 uf stem dezue bechu han, da wird das ganz dütlich.

es isch halt schad chunnts trotzdem spielrisch au i sine beschte moment chum über solids mittelmass use, aber dank de abgfahrne story ischs trotzdem bisher mis highlight vum jahr.

[Skeletor]

ich spiel grad teil 1 und frög mich, wieso mirs nöd gfalle hett. wahrschinlich wills na schwer isch.

[abyss]

Sött mou z 2 no spile. Isch das öpe glich wies 1?

[TypeJ]

spiel isch sehr super! s'setting isch ja wohl de oberburner!
gameplay isch halt absolute Standard, voll easy! es underhaltet wunderbar wie teil 1 und 2 vorher au!

schaad hetme immer nur 2 knarre debi und das sich die optisch so gar nüme verändered!
d'vigors hani die erschte zwe teil au cooler gfunde!

aber alle si allem 8/10

PS: ufem pc gsehts aso sehr guet us!

[Trunks]

So ich bin dure.

Wie vieli gschriebe händ, es isch leider vom Gameplay her würkli massiv "langwiiliger" als Bioshock 1 (ich halts für eis vo dä beste Games jemals, schwöre)aber s'Setting isch mega und grad dä letschti Drittel isch grosses grosses Tennis. Ich find d'Story uhuere super und es laht eim mit richtigem Hirnfigg WTF momänt zrugg. Ich freu mich da chli drüber z'diskutiere.

Alles in allem es wundervolls Game wo ich jetzt glaubs 1999 mässig no probier dure z'spiele. Ev. au nöd will Achtung grosse Spoiler!! dä letschi Kampf uf em Zeppeli mit dem Verdeidige scho uf normal mega gnervt hät, uf Hardcore trüllsch dure
I

Ich gib 87,4567¥%

[Master(G)]

ich has ganze game uf hard bis dett ane gspielt und denn nach 3 stund hartem kampf ufgäh und uf normal abegschruubet. ich bin sones pussy.
es isch SAUschwer und ich bin mer einiges gwohnt eigentlich.

[TypeJ]

ich bin gad dur de Riss i e anderi Dimesion zum Waffeschmid
wie lang isches no?

[Skeletor]

no lang :lolz: