Cinemastuff, Figure Replicas etc.

[Marco_in_motion]

Letschti bini uf ä Schwiizer Homepage gstosse wo sörtigi Sache verchauft : http://www.kinomarkt.ch

Dä Typ wo dä Lade füehrt isch zimmli Kompetänt und seriös und somit hani det en Ironman Mark VII Figur vo Hot Toys bstellt.

Isch 30cm gross, hätt über 36 Artikulierigspünkt, led-belüchtig, versch. Zuebehör, isch "fully poseable" und gseht eifach abartig guet uus :



En Mark VI "Battle Damaged" Figur bi irgendeim Dihei uusgstellt :



Dä Comissioner gseht au huere super uus :



Da gsehsch nomal d'Details huere guet :




Alli wotti ha

Wiä findsch das Züüg so? ich fahre voll druff ab

[geosnow]

han au en stoff pilz vo nintendo.

[meyerli]

da chasch ja zum teil scho fascht es cab defür chaufe

[resuscitation]

made in China?!

[Acid]

36 Artikulierigspünkt

Nid schlächt Herr Spächt...


Wenn di für geilen Sachen interessiersch würi suscht mol do verbie luege: http://www.movieprops.ch/" onclick="window.open(this.href);return false;

Original Züg isch ebä scho no en Zackä superior.

[emP]

Was isch e Artikulierigspunkt?

[geosnow]

pünkt, wo mer sich usdrucke chan.

[Panther]

http://www.kinomarkt.ch
Dä Typ wo dä Lade füehrt isch zimmli Kompetänt und seriös und somit hani det en Ironman Mark VII Figur vo Hot Toys bstellt.

de isch in de 90er zBasel gsi, eine vo de wenige wo Laserdisc gha het (usser Fantastic Movies) ha paar Poster vo dört, Figürli heis mer aber nie geh. Isch denn vo Modeläde erdrückt worde :typej: Falls intresse hesch, i ha no e uf 1000 st limitierti Pinhead Statue vo Neca, mit echte Nägel, yo!

[Acid]

Was isch e Artikulierigspunkt?

Mer tuet nacheme Punkte System vo 1-100 bewertä, wiä guet sich d Figur Artikuliere chan. Do so en Figur eigentlich keis Hirni hed, unds erstunlich isch, dassi sich überhaupt irgendwiä chönd Artikuliere, isch 36 vo 100 es unfassbar guets Ergäbniss...

Oder so öpis i derä Art.

[Marco_in_motion]

Es sind eifach Teili/Glänk a däre Figur wo mer bewege chan damit d'igur individuell posierbar isch.

De movieprops känni, hät au vereinzelt Hot Toys aber nöd so vill wiä de Kinomarkt und tüürer ischer au. Und was meinsch mit original züügs? meinsch Richtigi gägeständ vo de Film-set's? Ich bin vorwiegend scharf uf Figure und det isch Hot Toys eifach de Chef näbst Sideshow Collectibles, aber säb sind nur Statue womer nöd bewege chan.
Hot Toys sind meistens au hert limitiert (ca. 3000stk. pro Figur) ha letschti de Robocop gsuecht, für en neue zahlsch uf Ebay 1800.-

[Tatsujin]

Und was meinsch mit original züügs? meinsch Richtigi gägeständ vo de Film-set's?

movieprops

känsch?

[Marco_in_motion]

ja klar, es t-shirt wo dä bruce willis bim Filmdreh ahgha hät für 300.- oder irgend en Wurfstern wo de Wesley Snipes als Blade umegrüehrt hät für 800.- etc...

Ich han diä Frag gstellt will Movieprops was anders sind als Figure und de Acid gseit hät das "original Züg scho en Zacke Superior" isch, uf das, daser "36 Artikulierigspünkt" Quted hät. Ha dänkt er nimmt bezug uf d'Figure wo aber kei movieprops sind. Drum hani nahgfräget... Kännsch?

[Tatsujin]

ich weiss was probs sind, de räscht interssiert mi eigentlich nöd.

[Marco_in_motion]

ha nur usgfüehrt will sich dini enormi Läseschwächi wiedermal bemerkbar gmacht hat.

[Tatsujin]

du bisch de wo da dumms gfrögt het

[Acid]

ja klar, es t-shirt wo dä bruce willis bim Filmdreh ahgha hät für 300.- oder irgend en Wurfstern wo de Wesley Snipes als Blade umegrüehrt hät für 800.- etc...

Ich han diä Frag gstellt will Movieprops was anders sind als Figure und de Acid gseit hät das "original Züg scho en Zacke Superior" isch, uf das, daser "36 Artikulierigspünkt" Quted hät. Ha dänkt er nimmt bezug uf d'Figure wo aber kei movieprops sind. Drum hani nahgfräget... Kännsch?

Also d Artikulierigspünkt hani quoted, willis en komischä, wenn au chli sältsamä Usdruck find, woni no niä ghört han, und ich mich echli Frög öb das würklich irgeneinä so seit.

Ich han im Prinzip eifach druf Bezug gno, dass es villicht drum god tolli Sachä dehei herätstellä,oder so. De Titel isch jo au nid "Actionfigurä", sondern zimlich viel Breiter gfasst. Und de vo dir verlinkti Ladä beschränkt sich au nid druf.

Und Original Zeug beschränkt sich jo ebä nid uf T-Shirt oder Wurfstern, gid jo durchus au Miniaturä, Maskä, Züg für SFX, und ebä, Concept Züg und so witer... (was de Pris abelangt, logisch, ich würd niä so viel usgeh für es T-Shirt... ich würd aber au niä so viel wiä du usgeh für en Action Figur (bzw. ich würd wahrschindlich überhaupt gar nüt defür usgeh)). Also wenni sammlä würd, und so Züg würd bi mir ufstellä, würdi ehnder Orignal War us Film sammlä, und het jo chönä si dasses dir nid nur um Action Fiigurä god, und du de movieprops.ch nonig kennsch. Aber ebä, ha di wohl missverstandä.

[Tatsujin]

ich wür gern nen paar bond gadget probs bsitze. aber ebe die priis

[geosnow]

en lotus esprit isch sicher kein seich. hätti gern d moonraker station.

[Marco_in_motion]

http://www.kinomarkt.ch
Dä Typ wo dä Lade füehrt isch zimmli Kompetänt und seriös und somit hani det en Ironman Mark VII Figur vo Hot Toys bstellt.

de isch in de 90er zBasel gsi, eine vo de wenige wo Laserdisc gha het (usser Fantastic Movies) ha paar Poster vo dört, Figürli heis mer aber nie geh. Isch denn vo Modeläde erdrückt worde :typej: Falls intresse hesch, i ha no e uf 1000 st limitierti Pinhead Statue vo Neca, mit echte Nägel, yo!

Ihm s'merci druff, aber de Pinheadler hani nöd so gern.

[geosnow]

wer häsch den gern?

[Marco_in_motion]

wer häsch den gern?

Dä Stahlmann.
Edith : Und de Robocöppler und no es paari meh.

Sone Moonräckler Station hani mal gseh für 6k

[Skeletor]

ich han 2 enterprise dihei. aber nix tüürs. langet mir vorläufig

[Avenger]

hätti gern d moonraker station.

für mich bitte der vulkan. alternativ natürlich au d secret base vom dr. no.

[Marco_in_motion]

ich han 2 enterprise dihei. aber nix tüürs. langet mir vorläufig

Hani au mal gha, also mini sind Modellbausätz gsi, vo dä güstige Sorte.
D'Chatz hät dänn entschide det chli umezgumpe, dänn sinds abegheit und zur Sou gsi...

[TypeJ]

geils zeugs aber ziemlich hardcore prise, olol