Dishonored

[zwirrlibatz]

Zämegfasst: Das hochglobte "tuusig verschiedeni Möglichkeite" Feature isch gliichziitig au d'Schwächi vom Spiel, vorallem will z'plump und z'offesichtlich. Vilech muess es hützutags aber plump und offesichtlich designt sii, drmit's au würkli dä Hinderletscht als supergeils Feature überhaupt wahrnimmt und das grad scho agfange bi de Reviewers.

Trotzdäm, es isch doch es rächt motivierends und unterhaltends Spiel. Schad hetts schiins nöd so Erfolg? Will denn cha me's als Schritt ine gueti Richtig grad wieder vergässe.

(NB: es hett mir au Luscht gmacht, de Bioshock nomal bitz zspiele. Das hett mich denne us ähnliche Gründ (aber meh) enttüscht, aber mit Grind abe und sich eifach dureschlah, machts plötzli rächt Spass. D'Ästhetik det isch äbe scho tammiguet.)

[Moff]

mir sind die begriff plumb und offesichtlich eifach zu negativ behaftet, chanimich nöd afründe demit. ich bezwifle, dass ihr immer all möglichkeite gfunde händ wo das spiel bütet und ich behaupte au mal, die im thief und deus ex sind iets au nöd bsunders vil schwieriger zum finde gsi, eifach zum das mal chli inen realistischei relation bringe

ich denke s'haupt "problem" im dishonored isch sicher de völlig overpowered blink, vermuetlich wär scho alles top gsi wenn er sich schlicht nöd regeneriert hät und mer ihn nöd unendlich mache chönnti.
ich han aber de verdacht, dass das mal so gsi isch und ide beta phase gmerkt händ, dass es denn gar niemert brucht oder sich d'teschte beschwert händ dasses so en seich isch. es gschiders ressource system wär velicht au abracht gai, will beid möglichkeite da wäred bzw. sind nöd optimal.

aber ebe, es "problem" isch es für mich eh nöd, ich han viel freud gha a mim superkiller assassin geg de schluss, ich fänds schad wennmer, falls es es sequel git, det würd am gameplay gross was ändere.

isch schätze abwechslig und mal was neus i spieli, au wenns nöd perfekt isch, das muess au nöd jedes game si. ich empfinde dishonored als glungni ergänzig zu thief und deus ex, und nöd als ersatz.

[zwirrlibatz]

mir sind die begriff plumb und offesichtlich eifach zu negativ behaftet, chanimich nöd afründe demit. ich bezwifle, dass ihr immer all möglichkeite gfunde händ wo das spiel bütet und ich behaupte au mal, die im thief und deus ex sind iets au nöd bsunders vil schwieriger zum finde gsi, eifach zum das mal chli inen realistischei relation bringe.

Aso dass klar isch: Die Begriff bruuch ich nume, wenn ich vom Stealth Teil schrieb. D'Schliichwäg sind mir zu offesichtlich usgleit (bsunders no mit dem überpowerte Blink) will d'Levelarchitektur z'plump baut isch mit de Stellwänd und Chischte und de halbgare Patrouillewäg. Drum und wäg de für Low Chaos nöd iisetzbare Waffe & Skills spiel ichs jetz au offensiver und spar mir de 100% Schliicher für en zweite Run uf. So isch es aber wohl eh au dänkt gsi.

En 1:1 Thief Klon wär ja au nöd nötig. Es isch super, dass d'Lüüt da was eigets, au wenns es Chrüsimüsi us Bekanntem isch, probieret. Es dörft eifach hie und da konsequänter und em Spieler gägüber verschlossener und kniffliger sii. Au d'Charms und d'Runes werded eim ja nahgrüehrt. Zumindescht bis i d'Helfti vom Spiel, ich plappere da immer no mit Iidrück bis Mission 4.

[Astroboy]

Was söu die Scheisse? Werum isch d'Muus so träge? Scho ds Max Payne hett mi so aagkotzet, wöu's nid mini Iistellige usm OS übernimmt, sondern so e beschissnigi schwammigi Stüürig implementiert, wo e krass doofi Beschleunigung hett und wahnsinnig unpräzis isch (s'wird nid besser, weni mit de Settings umespile). So schad, weiss gar nid öb ds Spiu so ma spile.

[Moff]

lit glaub ehner a dim pc bzw. mustriber, ich merke nüt i dere art und han beid games mehrmals duregspielt, im dishonored würd das ja na gah, aber max payne wär so ja unspielbar? nei dasch perfekt bi mir

[Astroboy]

What the. Auso es reagiert bi dir ingame gliich wie im OS? Dr Payne hani när würk nach eire Stund oder so ufghört spile. Hesch irgendwo was iigsteut, bzw. was hesch fürne Muus? Game derzit ufm Notebook mitere VX Nano, ergo SetPoint als Software.

[Astroboy]

Nachtrag: Vsync off machts einigermasse erträglich, laggt aber immer no. Isch zum Glück wenigstens spielbar so, wenn ou nid ganz so präzis wie im OS. Henu.

[Moff]

ich hanen MMO mouse vo steelseries, die het en eigeni software

und logisch reagierts ingame glich wie im Os, also bitte

[zwirrlibatz]

mini billig logitech muus isch sehr honored ohni irgendwas iizstelle. isch also nöd s'problem vom spili.

[Astroboy]

So, erste Durchgang düre (high chaos), ize bin am 2. und versueche non-lethal/stealth. Es isch riise guet. Ha mi scho lang nüm so chönne ustobe und mi so frei gfüut - und das no imne wunderbare Setting. Es schwirre paar Mods vom Config-File ume (FOV, Grafik, Introvideos usw) wo ds Ganze vom Look&Feel her nomau es paar Stuefe ufeschrube. Grad FOV macht viu uus. Uf jede Fau bini rächt begeistert. Blink isch bitzli imba, wahr, aber i bi rächt froh drum, wöu's mis erste Stealth-Spiu isch woni würk düregspiut ha und ig gloub no rächt dr Aafänger bi. Aber i'm hooked, und sowas vo.

[zwirrlibatz]

mis erste Stealth-Spiu

das merkt me grad echli, wenn trotz em high chaos ändi vo stealth redsch.

[Moff]

stealth heisst ja nöd non-lethal. das spiel hät recht befriedigendi stealth kill animatione

[zwirrlibatz]

ah, ha gmeint nur konsequänts non-lethal stealthing gitt low chaos.

[Moff]

chaos het mit stealth nüt ztue sondern nur mit azahl tote

[zwirrlibatz]

ahjalogisch, demfall isch das

ah, ha gmeint nur konsequänts non-lethal stealthing gitt low chaos.

scho so und me chan sich lethal zum high chaos stealthe. dänkfähler.

[Astroboy]

mis erste Stealth-Spiu

das merkt me grad echli, wenn trotz em high chaos ändi vo stealth redsch.

I ha 50/50 gstealthet/rambo gmacht bim 1. Durchgang, aber fasch jede umgla. Ize hani ds Choke uf die linki Muustaste ta und versueche's uf low.
Dass ig's no nid sunderlech cha isch klar, aber fäge duets trotzdem.

[Reinforced]

was füres geils Game... d Grafx sind au nice uf PC mit max details!

[geosnow]

was, das spiel lauft uf diem P1 mit voodoo?

[Reinforced]

was, das spiel lauft uf diem P1 mit voodoo?

nei aber mitere GTX 680

[Moff]

die wuchte chunnt de dlc the knife of dunwall


Quelle
glichzitig isch dishonored aktion uf steam für 25$
super spiel, lohnt sich

[Master(G)]

jetzt out!

ich glaub ich hol mer das game nomal ufem PC...
bin wieder voll im pc fieber. schlimm!

[geosnow]

obwohl d grafik um länge schlächter als bim TR isch, gfallt mer das spieldesign. isch echt es geil game. s einzig was nervt isch, dass mer die texte ide büecher und briefe alli selber lese mues. bim TR wirds eim vorgläse und das hät mir scho recht pässlet.

was au no stört isch, dass mer zu viel fähigkeite ha chan. all de seich brucht doch niemerd. sie hätted s ganze uf d hälfti chönne beschränke und zb d lebensenergie automatisch mit meh kills oder glungene kletterpassage wachse lah chönne.