Sozialdarwinismus vertreit sich halt eifach mal schlächt mit Demokratie, scho gar nöd, wänn er derartig vulgär dethär chunnt. I eme offene, demokratische Gmeinwese müend allzu grosse Underschied dur en permanente Nivellierigsprozess immer wieder usgliche wärde, susch verlüürt's a Stabilität (isch kei bsunders bahnbrächendi Erkenntnis, ghört zum 1x1 vo de Politikwüsseschafte). Und zwar i allne Gsellschaftsbereich: Die Arme dörfed genausowenig i Ghettos & Slums abgschobe wärde, wie die Riiche nöd dörfed i Gated Communities ihri Parallelgsellschafte bilde und die Intellektuelle sich nöd dörfed in Elfebeiturm verabschiede, usw. S'Stichwort luuted Gmein!wese.geosnow hat geschrieben:aber chan er öpis defür, dass er vom liebe gott besser beschänkt worde isch?
Die Nivellierig (wo genau gar nüt mit Gliichschaltig z'tue hätt, also chömed jetzt bitte nöd wieder mit däre blöde Castro & DDR-Panikmache) isch viellicht nöd so sexy, will die kulturelle Höhepünkt i so ere Gsellschaft natürlich nie so höch usfalled, wie in ere nöd nivellierte Gsellschaft (und d'Tüüfpünkt nie so tüüf) und will sich stattdesse s'meischte i eme behagliche, überuus langwiilige Mittelmass ipendlet. Aber das isch halt ebe Demokratie und me hätt ja eigentlich nöd z'letscht speziell i de Schwiiz e rächt erfolgriichi Tradition vom "gsunde Mittelmass".
Sitt de 80er, spötischtens sitt de 90er Jahr isch halt de Sozialdarwinismus wieder salonfähig worde. Schön ufgmotzt händ's en, mit vulgär-liberaler Propaganda à la FDP und eme zünftige Schuss Political Correctness. Änderet aber nüt dra, dass die Ideologie im Chern antidemokratisch isch. Wänn eim derartigi Grundsätz wichtiger sind als die, wo d'Demokratie - die funktionierendi!!! Demokratie - vorussetzt, chan me vo mir us gärn wieder zu eme aristokratische Modell zrugg wächsle. Me mues dänn halt eifach hoffe, dass me zu de obere 2% ghört, susch isch me dänn tümmer dra. Aber hey: Viellicht gitt's dänn defür au wieder mal so öppis richtig geils wie en Petersdom oder es paar Pyramide! De Hammer!