putzfrau hat geschrieben:lueg mal dasda. unwesentlich türer (hk war choschtet mit em billigschte versand und em aktuelle kurs mindischtens 180.-) und häsches schnäller...
isch aber beides 350W. Das vo HK gseht chli geiler us. einzig d Lüti vom Lüfter tönt schlecht. Prislich spielts würklich nid eso e Rolle. Allerdings müessti eh 4 Adapter ha.
adapter hani nid aglueget, wahr.
macht ja nüt wänn de lüfter en meis macht. wänner nur funktioniert. das isch ja nid es grät wod i de schtube inschtalliersch und dezue pianissimo schtelle useme klassikkonzert dezue losisch.
putzfrau hat geschrieben:adapter hani nid aglueget, wahr.
macht ja nüt wänn de lüfter en meis macht. wänner nur funktioniert. das isch ja nid es grät wod i de schtube inschtalliersch und dezue pianissimo schtelle useme klassikkonzert dezue losisch.
nei, scho klar. Chunt i mi neui Hobby Chäller. ?ch lueg mal. Adapter gitts au bi HK und bi dem Gwicht ischds Porto vernachlässigbar. Das wär den vermuetlich dä da. http://www.hobbyking.com/hobbyking/stor ... duct=10360" onclick="window.open(this.href);return false;
Letscht Wuche bimne Nachber gsi. OMG was für e Wohlfüehl Oase. DIE PERFEKTI Wärkstatt. Er isch vermuetlich ober-platinum HK Customer. Hett ALL Ersatzteil finsüberlich in Schublade verrumt. Motore, Servos, ESCs etc in ALLNE Grösse. Alli Werkzüg schön süberlich ar Wand ufgmacht und all süschtige Teil agschribe i Chischte ungerem Tisch. Schad hani kes Fetli gmacht.
Of course I talk to myself... Sometimes I need a professional opinion...
en modällbou-nerd
ich bin ehner chli de chaot. en huffe ersatzteil wild durenand i verschiedene schachtle. ich weiss aber zimmli gnau wo dassi mues luege wänni öpis bruch und bis jetzt hani immer gwüsst wasi so ha. ha no nie öpis pschtellt woni eigentli scho gha ha...
ich finds ebe no geil Stock ds ha. Mini Rarebear hett itz scho di 3ti Latte dran. Guet vo HK, dass si grad 2 Ersatz gliferet hei. Itz wirdi aber nervös wülli kenni meh ha.
De Nachber isch mal gfloge und si Vater isch Pilot und Flugzüg Mechaniker. Er macht no meh i sire Werkstatt als numme Modellbau. Aber er isch scho en rechte Nerd, hett aber au Zyt. (isch Violinischt, und zwar en recht guete)
Of course I talk to myself... Sometimes I need a professional opinion...
die wos so "verbisse" betriibed sind meischtens echli komischi hani feschtgschtellt. das sind meischtens die wo de grund sind, dassi nid inen modällbou verein wott.
mir si alles Wildflüger. Logisch. Aber ine Club gahni itz de mal mitmne andere Nachber mit. Aber ig chönt mer vorstelle, dass mers da au nid eso passt.
Geschter uf de Wiese mittem Bearcat und em Stryker chli gah umeföhne. Huere geil gsi.
Isch eigetlich normal dass en Akku nach ca. 30 Zykle langsam meh Zyt beasprucht bis er wieder voll isch?
Of course I talk to myself... Sometimes I need a professional opinion...
eigentlich nid. es häts bi mir aber scho ab und zue gä, dass s'ladegrät irgend en schpinner gha hät unds drum chli länger gange isch.
geschter hani en wildflüger mit chli ungschicktem standplatz gsee. er isch voll i de flugschneise vom chline flugplätzli bi ois am dorfrand gsi. chli en mongo...
putzfrau hat geschrieben:eigentlich nid. es häts bi mir aber scho ab und zue gä, dass s'ladegrät irgend en schpinner gha hät unds drum chli länger gange isch.
geschter hani en wildflüger mit chli ungschicktem standplatz gsee. er isch voll i de flugschneise vom chline flugplätzli bi ois am dorfrand gsi. chli en mongo...
LOL. Also Flugplätzi - eis mit richtige Flüger? Das wär ja voll LOL.
Of course I talk to myself... Sometimes I need a professional opinion...
ich bi no en alte verbrännerheli uf neui elektronik am umboue. dänn hani no en hotliner im rohbau und en unagfangne nurflüglerchällerfund woni mal gschänkt übercho ha. vermuetli isch de winter z'churz...
ha d'motore nonig aglueget. grundsätzlich würi mee schpannig und weniger schtrom plane. mee schtrom bedüütet schtärcheri teili, dickeri kabel und meischtens mee gäld. mit weniger schtrom chasch au akkus mit weniger kapazität nä und häsch trotzdem e langi laufleischtig.
kv isch de wert für drääzahl pro volt. also schpannigsabhängig. dräämomänt isch in erschter linie schtromabhängig. das heisst aber nid grundsätzlich, dass en motor mit wenig kv, wo mit vill schpannig betriebe wird schwach isch. meischtens sind di säbe motore grösser und händ durch d'dimensionierig (ev. schtärcheri magnet) scho mee dräämomänt.
lueg mal die zwei rächner aa. mit dene chasch din aatriib scho rächt guet berächne. es chunnt natürli au no ufs blatt aa, wo dänn eventuell mit zuenehmender drääzahl schtrömigsabriss hät a de schpitze und dänn isch de ganz schub zur sau...
wasd eifach muesch wüsse, das sind theoretischi berächnige. i de praxis cha de schtrom, de schub und d'belaschtige chli höcher/tüüfer sii. es gitder aber sicher en ahaltspunkt und wännd nid z'knapp dimensioniersch häsch kei problem.
ich ha vorallem de propellerrächner brucht zum de aatriib vo mim messerschmitt berächne. de flüger wär ja dänkt für en verbränner und drum hani kein ahaltspunkt gha.
ich ha dänn usegfunde, dassi de nötig schub für es schub-gwichtsverhältnis vo annähernd 1:1 nur überchum wänni en 3-blatt propeller nimm. bim 2-blatt wärer so gross worde, dasser am bode kratzet hett sobald s'spornrad ab bode chunnt.
lol, da bini au mal mit em kolleg, jetzt LH linieflug-airbus pilot, en 2-plätzer go flüge. über em bodesee hanni denn au mal chönne stüre. isch mir aber überhaupt nöd ghür gxi. nach 2 - 3 kurve hanni gnueg weichi chnü gah. lol.
