Tatsujin hat geschrieben:
drum low-carb diet isch di einzig vorteilhafti und langfrischtig gueti diät lösig zum würkli abneh und de stoffwechels wieder uf vordermah ds bringe.
weisch no wo d jung bisch gsi, vo allem na so viel hesch chöne inedrugge und nix zuegnoh hesch? den isch din stoffwächsel no IO gsi.
ds ziel isch, wieder dert here dsrugg ds chere.
Also do muesi glaub echli wiedersprächä... es got jo einersits nid unbedingt um low Carb, sondern dasmer d Cholähydrat richtig zu sich nimmt, und nid eifach immer jenschtes Pasta inädruckt oder no übleri Formä. Wenn am Morgä dis Müesli mit Haferflockä nimmsch, isch das nid unbedingt Low Carb, aber sicherlich nid falsch.
Und zum anderä, en Stoffwächsel wo eifach alles chasch inädruckä, zu dem chunsch ziemlich sicher nid zrugg, es sei denn du verbruchsch eifach täglich so viel Kalloriä, dass all das Züg muesch inädruckä, zum überhaupt de Bedarf abzdeckä.
Das ganz eifach will sich din Körper und din Stoffwächsel natürlich veränderet hed.
Au isch de Stoffwächsel wo alles hesch chönä inädruckä, und nid zuägno hesch, nid eifach ohni witeres en richtigä Stoffwächsel, genau so wenig wiä einä wo zvil Kaloriä sofort asetzed eifach ohni witeres en falschä isch.
Es git eifach au verschiedeni Stoffwächsel, diä vo Körpertypä abhänged. Natürlich isch aber hützutags i üsere Gsellschaft, wo körperlichi Beaspruchig oft ehender nid all zu gross isch, und Kalloriä oft im Überfluss vorhandä sind und au gern konsumiert werded scho nid nochteilhaft, wemer nid so schnäll asetzt, vor enere gwüssä Zit wo s Ässä knapper und d Arbeit stränger gsie isch, sind natürlich anderi Sachä besser gsie. Alles hed sini Vor und Nochteil, und sind zumene gwüssä Teil chamer a dem au nüt ändärä.
Ich z.B. han nur ei Möglichkeit ungstroft regelmässig vil und kaloriärich chönä z Ässä... chrampfä wiä Sau, zum s gsammtä grad wieder z verbruchä. Alles witerä wird gnadälos gspeicheret... au wenn min Stoffwächsel optimiert wär. Und soviel Chrampfä dassi überhaupt nid mues luege chani fascht nid, es sei denn ich mach dä ganz Tag nüt anders.
Aber bitz öpis loht sich demit sicher machä, das natürlich scho. Au wenn ichs bis jetzt eigentlich meischtens eher betreffend Wohlbefindä g spür, weniger energietechnisch.
Sad aber ebä glaub True