Für das gits vili Gründ, aber ich brichs mal gemäss mim momentane Verständnis uf s Wesentliche abe.Vyse hat geschrieben:So bitz random, aber egal. Ei Sach verstahni immer nonig. Du schiinsch ja doch bitz druuszcho, evtl. häsch dezue en Ischätzig. Gsetzt em Fall, dass Gamer immer besseri Grafik wännd (Definition vo bessere Grafik (unabhängig vom Grafikstil) wär i miine Auge en immer präziseri Simulation und grösseri Ahnöcherig ah die physikalische Vorgäng i dä visuell wahrnehmbare Würklichkeit), wieso konzentriered Entwickler sich nöd uuf dEntwcklick vo präzsiereri Grafikengines und spräched dänne meh Rächeleischtig zue, indem dUuflösig vo dä Darstellig reduziert wird (uuf 720p oder was au immer) anstatt dass me mittelmässigi Engines entwickled und en Grossteil vo dä Rächeleischtig für sRendering in unnütz höche Uuflösig verschwändet, wo nöd viel zur tatsächliche verbesserig vo dä visuelle Darstellig vonere virtuelle Würklichkeit biitreit? z.B. Es Game in 480p aber mitäre extrem würklichkeitsnöche Grafikengine gseht um Wiite besser uus als es Game in 4K aber mit extrem viel reduzierte visuelle Effäkt.Xinobrax2 hat geschrieben:...
Grundsätzlich chentmer das so mache wie du das vorschlasch. Ich denke es Bispiel für sonen Fall wäri z.B. s Resi 4 ufem Cube (gmesse a de damalige Standards). ABER, das was Grafik-Engines bislang leisted isch im Grund gno kei Simulation vo Liecht-Partikel, sondern en Art Konstruktion vonere optische Tüschig wo versuecht sich de Realität aznöchere. Zwüschet sonere optische Tüschig und ere echte Simulation bestat en gigantische Unterschied im Bezug uf d Recheleistig. Darum duret d Berechnig vomene einzelne Frame imene CGI Film locker mal e Stund, während hingege e Game-Engine um di 60 Bilder pro Sekunde berechnet. De gigantisch Unterschied chönd d Hersteller vo de GraKas nid innerhalb vo einere Generation erreiche. Die müend iri Hardware Schritt für Schritt verbessere. Alles andere wäri für d Konsumente schlichtweg unbezahlbar. Darum arbeited d Industrie halt mit Tricks wo die optische Tüschige realistischer erschine lat wie z.B. höcheri Uflösige oder HDR. Zwar heti mer binere geringere Uflösig bzw. bi weniger FPS me Leistig zur Verfüegig, aber das fallt hinsichtlich em Realismus nid würklich is Gwicht. Bi PC Games gsesch da guet. Wenns für 4K nid langet spielsch halt eifach in 1080p uf voller Leistig.
Technisch gseh wärs scho sit einige Jahr möglich di einzelne Partikel z berechne, aber d Hardware defür wäri für d Konsumete schlichtweg unbezahlbar. Möglicherwis wird sich das hüt ändere. Stichwort Ray Tracing. Inere Stünd wüssedmer me.