The(G)Forum

Ziehsch der ine? 12 zoll mit 2304 x 1440 Pixeln bei 226 ppi




usa priis 1299.- döller
i de schwiiz choschdets 1399.- chf
in dütschland 1449.- euro lölz
in china 9288.- yuan bim jezige kurs 1451.- chf

Nei


Quelle

Ich bin kein Fan vo Mac...aber mal abgseh devo findi 12'' z chli füres Notebook. Selbscht 13'' sind no knapp. Die grössi isch ev. praktisch zum konsumiere aber nid zum produziere...

...drum, wennt eh nur wotsch konsumiere wär es iPad praktischer und zum produziere findsch grössi Laptops i de gliche Priisklass...die hend denn sogar USB Ports & Cardreader...

konsumiere isch geil

geosnow hat geschrieben:konsumiere isch geil

Ja eh, nur gats halt au billiger und praktischer. Ich gsen de Markt für das Ding irgendwie nid...vor allem nid i dere Priisklass. Mal abgseh devo dases goldig agsprayt isch und es Apple Logo druff het büteds ja nid grad psunders vil. Wenns unbedingt Apple mues si gits ja au no d Air und Pro...det hesch es richtigs Display und es paar Ports.

"Chaufed s noie MacBook. Mer chan zwar nüt demit mache aber es isch mega flach und goldig!" :typej:

Kaufe und später auf eBay für das zehnfache wieder verkaufen... Klappt bestimmt

Hei, dasch es Statussymbol! Also bitte chlei meh Respeckkkt!

Chostet ja genau gliich viel wie die andere. Isch wie bim Fönler.

I hundert Jahr nöd .. Apple = the kotz

ihr hend vergässe daser fanless isch und de best akku hebt über 10h. es isch s efizientiste gerät uf em märit

Chasch susch au es Stuck Scheisse mitere AAA Batterie verbinde, hebet ewigs

XYBOT hat geschrieben:ihr hend vergässe daser fanless isch und de best akku hebt über 10h. es isch s efizientiste gerät uf em märit

Es verfüegt au bereits en über NVMe aabundeni SSD, das Force Touchpad Ding segi heruusragend… vom ne technische Standpunkt her isches es recht interessants Gräät.

Es biz Kontext:

anandtech hat geschrieben:It’s just in the last year that we’ve seen NVMe deployed into PCIe SSDs, and those of course have been initially released on to enterprise SSDs. Meanwhile in the consumer space, due to boot issues with NVMe – you need a motherboard as well as OS that can handle booting from NVMe – SSDs are still almost entirely AHCI.

Zuehdem isches recht viel liechter (aber dafür halt au tüürer) als ds neue DELL XPS 13 oder ds Asus ZenBook UX305.


Vermuetlich passiert wieder genau das gliich we damals bim Macbook Air. Jede seit zerst: «was für en Quark», 2 Jahr später machts ne jede nache.

Ok, NVMe SSDs sind schono super, gits aber au vo Samsung. So what? S 12'' MacBook isch liechter als d 13'' Laptops vo Dell? Aha...Wie lang muesmer Mitglied im Apple Kult si demitmer sich sonen Blödsinn chan schönredä? Es het kei Ports tammisiech!!! Logisch isches liechter...si hend ja alles usegnoh...geeeeez. De Adapter dörfsch jetzt separat mitschleppe wennt mal dis iPhone wotsch aschlüsse oder d SD charte us de Kamera wotsch lese.

Xinobrax2 hat geschrieben:Ok, NVMe SSDs sind schono super, gits aber au vo Samsung. So what? S 12'' MacBook isch liechter als d 13'' Laptops vo Dell? Aha...Wie lang muesmer Mitglied im Apple Kult si demitmer sich sonen Blödsinn chan schönredä? Es het kei Ports tammisiech!!! Logisch isches liechter...si hend ja alles usegnoh...geeeeez. De Adapter dörfsch jetzt separat mitschleppe wennt mal dis iPhone wotsch aschlüsse oder d SD charte us de Kamera wotsch lese.

Chasch du au ufm ne intellektuell höhere Niveau diskutiere? Das isch da ds G Forum, aber mir sind all nüm 16ni. Ich chan gern wieder aafange, Forum posts ds editiere, wenis gmacht han, wo das Forum zum ne erbärmliche Flamewar-Sauhuufe verchoo isch.

Für die wos interessiert:

Anandtech Review

Ds Display seg sehr guet, ds Gwicht isch sehr tüüf (tüüfer als ds Macbook Air 11"), dr Core M segi zwar nüd dr schnellscht, aber usreichend fürs meischte. Allerdings erreicht er bi de meischte grössere Workloads nur d Leischtig vom ne Gräät usm 2012.

Weisch, vor nid allzu langer Ziit han ich als Nicht-Apple-User müese igestah, dass si super Hardware baued und stabili Software schribed. Si hend zwar nie min Gschmack troffe und ich hans au immer z Tüür gfunde, aber das was si gmacht hend, hends super gmacht. Kudos für das.

Sit einiger Ziit jedoch gats enorm bergab. D Hardware wird immer beschränkter und türer no dezue. S OSX entwickled sich sit em Schneeleopard immer witer zrugg und dezue chömed jetzt no übertürti Luxus-Produkt oni Sinn und Zweck. Letschtendlich isches ja jedem selber überlah was er sich will chaufe und was nid. Wenn denn aber so Zügs imene Tech-Forum verteidigt oder sogar no als Fortschritt betitled wird, denn han ich bim beschte Wille kei Lust da no gross intelektuell z argumentiere.

Es isch eifach nur lächerlich.

Xinobrax2 hat geschrieben: denn han ich bim beschte Wille kei Lust da no gross intelektuell z argumentiere.

Wenn ke Luscht uf Argument hesch, denn schriib doch eifach nüm

Stattdesse gahsch ufd Anti Apple Holy Crusade, nur wil Dr XYBot offebar freud a dem Gräät het?!
Niemer het luscht, im 2015 no so Chinderrgarte Flamewar Crap müesse ds lese. Merksch? Du bisch da grad dr einzig, wo no ds Gfühl het, er mues so blööd ummepoltere. Ds ummepoltere wer ja nuch eis, aber das es so unglaublich humorlos und verbitteret isch... Come on!

Solang ich da inne Mod bin, gilt: 1, 2 tummi Sprüchli im ne Diskussionstopic vertreits, wenns dr Rest wird glöscht. Sust simmer wieder im Zuestand vom 2012, wo genau gar niemer me is Tech Forum gschriebe het.

Uriel hat geschrieben:unglaublich humorlos und verbitteret

Lueg mal inen Spiegel...und lösch doch wasd wotsch.

Uriel hat geschrieben:Solang ich da inne Mod bin, gilt: 1, 2 tummi Sprüchli im ne Diskussionstopic vertreits, wenns dr Rest wird glöscht. Sust simmer wieder im Zuestand vom 2012, wo genau gar niemer me is Tech Forum gschriebe het.

Hütt schriibt au niemert me is Tech Forum, es fallt nume nüme so uf, will die andere Fore au betroffe sind

Und jetzt no en sachliche Diskussionsbiitrag: Ich gseh scho e Chundschaft für das Grät. Bi eus i de Bude (Uni-Institut) hätt d'Verbreitig vo Macbooks Air starch zuegnoh. Für die Mitarbeiter, wo de Laptop eh nume für Standard-Bürokram bruched, isch es offesichtlich meh wärt, wänn s'Grät es chlinners Volume hätt und 1Kg liechter isch, als wänn d'Standardaschlüss im Grät integriert sind und bi Leischtig kei allzu grossi Abstrich gmacht wärded. Bin mer aber glich nöd sicher, öb's mit em fählende USB-Port nöd doch en Schritt z'wiit gange sind - will die glichi Sorte Benutzer dänn doch gern und oft mal gschnäll en USB-Stick istecke tuet zum öppis kopiere. Anderersiits: A die tumme Adapterkabel für zum an Beamer aschlüüse hätt me sich au gwönt.

XYBOT hat geschrieben:ihr hend vergässe daser fanless isch und de best akku hebt über 10h. es isch s efizientiste gerät uf em märit

Intel Core M Prozessor.

Ist in meinem Asus Zenbook UX305 auch drin. Das hat allerdings nur 899€ gekostet und hat drei USB-3.0-Anschlüsse.

Im Zenbook ist der Core M allerdings niedriger getaktet (0,8), mit dynamischer Übertaktung, wenn's gebraucht wird und die Temperatur es zulässt. Übertakten die neuen Macbooks mit Core M eigentlich auch dynamisch oder wie läuft das da ab?

PlanetHarrieR hat geschrieben: Im Zenbook ist der Core M allerdings niedriger getaktet (0,8), mit dynamischer Übertaktung, wenn's gebraucht wird und die Temperatur es zulässt. Übertakten die neuen Macbooks mit Core M eigentlich auch dynamisch oder wie läuft das da ab?

Läuft genau gleich ab. Offenbar sind allerdings die Bedingungen, unter denen der Prozessor hoch geschraubt wird, vom Betriebssystem abhängig.

Gurgelhals hat geschrieben: Hütt schriibt au niemert me is Tech Forum, es fallt nume nüme so uf, will die andere Fore au betroffe sind

Ha! Tuscheee, mon ami.

Gurgelhals hat geschrieben: die glichi Sorte Benutzer dänn doch gern und oft mal gschnäll en USB-Stick istecke tuet zum öppis kopiere.

Für dr Moment sinds vermuetlich scho ds wiit gange, aber dummerwiis hends ide Vergangeheit oft «recht» becho. Siehe Floppy, oder DVD Rom (grad bim Air isch d Tech Präss damals ja fascht kollabiert ob dem Skandalon.

Ich merk bi üüs eigentlich, dass d Lüüt ide Cloud aacho sind: Dropbox oder Google Drive het da eigentlich fascht jede, was mich eigentlich erstuunt. Phil I Lüüt geltet ja als die eewig Gestrige, wils nüd für jede Humbug Powerpoint vrewendet.


Liecht OT:
Weg dem eine USB Port: D Lüüt sind sich gwöhnt, ihre Stromadapter drbii ds ha. Wenns jetzt stattdesse es USB Dock mit sich füehred, isch das vermuetlich gar nüd soo störend. Ds Problem isch da nur: es git no nüüt schlaus. In 3 Jahr hett denn allerdings jede Vorlesigssaal ade UZH sones Dock, wo denn grad alles drüber lauft.

Wenn die andere Hersteller mitziehnd, hettisch ei einzelnes USB Kabel, wo dr Laptop draastecksch im Vorlesigssaal und du hesch ds Gräät grad am Beamer, es wird mit Stom versorgt, dr Presenter hanged au no draa etc, etc.

Ich arbeite ab und zue no mit RS232 Serielle Aaschlüss. scho vor 20 Jahr hesch chönne «Bild» und «Textiigabe» über e gliichi Schnittstell fahre. Ich finds immer wieder luschtig, we d Informatik sich mengisch im Chreis dreit: mit USB 3 hesch jetzt au wider d Peripherie sowii ds «Bild» wo chasch über ein einzelnes Kabel fahre. Irgendwie no witzig.

Übrigens: Huere Überagebot vo Mobile-CPUs und -SoCs, jedes Füdligrät hätt i dem Segmänt efäng es eiges CPU-Design. Schiist mi a, sölled gschiider mal im Desktop-Bereich wieder chli vorwärts mache, es isch desolat det - absolut desolat

Anderersiits: Es spielt ja eh kei Rolle agesichts vo dene Abfall-CPUs wo i de aktuelle Konsole verbaut sind.

Die Mac User wonich kenne schaffed entweder mit Logic oder mit Adobe Tools. Es paar wos privat bruched tüend au no gern iri Föteli demit verwalte. Mit anderne Wort, di eine bruched externi HDs für grösseri Date und di andere bruched regelmässig Cardreader. E Cloud chan durchus praktisch si, aber zersch müend d Files ja mal irgendwie det ine cho. Nid jede het au no en Rechner dihei. De Punkt isch, es gat doch irgendwie völlig a de eigne Zielgruppe verbi.

Dass si d DVD Laufwerk entfernt hend hani damals voll und ganz chöne navollzieh...aber USB? Das isch kei dumms getrolle, ich verstans echt nid.


Ez mal no konkret, wie laufts das? Mal agno ich han zwei externi USB3 HDs oni externi Stromversorgig. Folglich müessted gueti Adapter no e eigni Stromversorgig ha. Das heisst mer schleppt zuesätzlich nomal es extra Netzteil mit. Sowit korrekt, oder? Wiso macheds das?

Xinobrax2 hat geschrieben: Ez mal no konkret, wie laufts das? Mal agno ich han zwei externi USB3 HDs oni externi Stromversorgig. Folglich müessted gueti Adapter no e eigni Stromversorgig ha. Das heisst mer schleppt zuesätzlich nomal es extra Netzteil mit.

We meinsch das mit "zuesätzlichem Netzteil" genau? Ds Macbook bezieht sin Stom au über die USB Schnittstell, vo dem her hesch , wenn übrhaupt, nur 1 Netzteil drbi, wo grad alles mit Strom versorgt. Odr verstahn ich dich jetzt falsch?

Zuedem: für die Lüt wo du kennsch, isch ds Macbook ja au gar nüd denkt. Die Chaufed sich es Macbook Pro, odr? Die werded ja kuum bisher die einiges schwächere Macbooks benutzt ha?

Uriel hat geschrieben:

Xinobrax2 hat geschrieben: Ez mal no konkret, wie laufts das? Mal agno ich han zwei externi USB3 HDs oni externi Stromversorgig. Folglich müessted gueti Adapter no e eigni Stromversorgig ha. Das heisst mer schleppt zuesätzlich nomal es extra Netzteil mit.

We meinsch das mit "zuesätzlichem Netzteil" genau? Ds Macbook bezieht sin Stom au über die USB Schnittstell, vo dem her hesch , wenn übrhaupt, nur 1 Netzteil drbi, wo grad alles mit Strom versorgt. Odr verstahn ich dich jetzt falsch?

Zuedem: für die Lüt wo du kennsch, isch ds Macbook ja au gar nüd denkt. Die Chaufed sich es Macbook Pro, odr? Die werded ja kuum bisher die einiges schwächere Macbooks benutzt ha?

Hesch denn d USB Ports direkt am mitgliferete Netzteil? Verstan ich jetzt was falsch? Ich kenns halt eifach vo USB Hubs. Wenn die kei externi Stromversorgig hend lifereds zwenig Strom für bestimmti Grät wie z.B. externi HDs oni eigni Stromversorgig. Gömer aber mal devo us die Adapter sind zuglich au immer grad no d Stromversorgig für de Laptop. Selbscht denn chentmer di externe HDs ja nur bruche wenn s Grät grad am Netz hangt. Also uf wasi eigentlich use wot, de Port chan im Akkubetrieb nid gnueg Strom für mehreri HDs (oder ähnlichi Grät) lifere...die externe 2,5'' HDs sind aber genau für die Situatione womer ebe kei Strom het. Selbscht wennt nur eini aschlüssisch chans scho problem gä wenn d Versorgig mal schwankt und das chan scho passiere wennt zuesätzlich no e Muus aschlüssisch. Oder het Apple de Port irgendwie komplett umgrüsted demiter beliebig vil Strom vom Akku chan zieh?

Zur zweite Frag: Beides. Drum au "Mac User" und nid "MacBook User". S isch me en allgemeine Kommentar zur Zielgruppe. Hesch aber recht, di meiste hend es Pro.