The(G)Forum

Quelle

gits au als konsole version?

Isch uf em Radar, han aber nonig zuegschlage, will ich inzwüsche nüme ohni Wiiteres 40€ für es Spieli ufrüehre. Guet, i dem Fall isch es offebar ja jede Rappe wärt. Mich würd aber glich no gärn interessiere, öb das Spieli under Umständ es ehner undurchschaubars Charaktersystem hätt, wo me trotz beschte Absichte en Charakter chan total falsch levle und im wiitere Spielverlauf entsprächend gröberi Problem bechunnt (z'schwachi Party i de Kämpf und/oder erheblichi Teil vom Spiel bliibed vorenthalte, will me d'Skills nöd hätt zum es Schloss z'knacke / en NPC z'überschnurre / usw.. S'Divinity 2 isch drum au chli so gsi und das han ich dänn erst mit ere Leveling Guide gspielt. Ich han halt eifach nüme d'Ziit, eso es grosses Spieli per Trial & Error mehrmals neu azfange, drum sind das inzwüsche absoluti Motivationskiller.

Chunnt dezue, dass es ja bald (Auguscht glaub) wieder "volles Pfund aufs Maul" gitt, s'Wasteland 2 ja au ziemlich bald chunnt, usw.

Ah ja und obligatorischi Frag bi allne grosse / komplexe RPGs: Wie staht's um d'Bugs? Chan me scho demit afange oder besser no de einti oder anderi Patch abwarte?

geosnow hat geschrieben:gits au als konsole version?

em eint oder andere RPG spieler da ine wot ich das spiel denn iets doch ned na vorenthalte, es isch nämlich en rechte sleeper/gheimtipp.

ich bin ned de gröscht larian fan, findie die divinity games sogar eher mittelmässig, teils gueti idee, aber meist recht unsuberi umsetzig.

Original Sin isch aber ihres ganz grosse meisterwerk, bin iets 40 stund drin und es hört ned uf mich zbegeistere.

achtung: kämpf sind rundebasiert, aber es sind die mit grossem abstand beste rundebasierte kämpf woni je imene game gseh han.
es het au kei grids sondern mer bewegt sich völlig frei ide landschaft, het au es super, makelloses user interface.

was macht das spiel so super usserdem kampf? es isch vor allem die extrem interaktion womer mit de umwelt het, mer chan alles isammle, umstelle, alls womer gseht irgendwie benutze.

findschen tomate und en hammer? schlasch mal truf gits tomatesauce, benutzischs mit teig (wasser und mehl), tueschs inen ofe hesch en pizza.
das tönt iets sehr spezifisch, aber es git würklich hunderti söttig kombinatione.

ganz geil isch das au im kampf
zB. grifsch en gegner mit gift a, gift lit nachher am bode, für bringt gift zum explodiere, also fireball druf, explosion, nachher hesch es stuck brönnendi erde.
chasch das wiederum mit rege alösche, denn hesch en glungge. de glungge chach iets mit frost ifrüre damit gegner druf usschlipfed oder mitneme witere fürball verdampfe lah.
die dampfwulche verdeckt iets sicht vo gegner, sie chönd dich nüm agriffe mit range attackene. und wennd bsunders geil bisch hausch iets na en blitz i die wulche ine und denn hesch en gwitterwulche wo all gegner stunnt wo drin sind.



das alles würkt eifach dermasse organisch, alles womer glaubt wo chönnt klappe funktioniert au, das isch en grund werum die kämpf i dem spiel so super sind. aber es isch im crafting so,w ie mit de pizza, sgliche bim schmiede, oder bim herstelle vo träk, pilz sammle und eines glas trucke, fertig isch de heiltrank, oder mer chan zauberbücher vo grund her herstelle.
zersch holz sammle, tün schnide mitem messer, denn mit wasser zu fucking papier mache. denn mit de zauber federe (federe + fee staub) das zu zauber papier mache. denn zunere sauber scoll, und mit dene undeme leere buech machtmer denn es zauberspruch buech. oder werum au ned en voodoo puppe? würklich phänomenal.

das ganze gaht au is questdesign über mit vielne verschiedene lösige, mer chan ALLI lüt i dem spiel agrife und umbringe, mer chan sie usraube mit eigetem stealth system und so quests uf viele verschiedene arte löse.

spiel isch au würklich RIESIG mit so viel liebi zum detail. ich bin iets 40 stund drin und es isch immer na uf sehr höchem level, us miner sicht isch da en RPG klassiker entsande. jede wo was mit söttige rpgs chan afah muess das ha.



patches hets scho einig geh, aber mir isch nüt gröbers über de weg glaufe bisher

und verskille müesst keis problem si, willmer ca. ab 1/3 d'möglichkeit het, s'respecce
ich han mir aber vo afang ah en usglichni party gmacht, wo alles chan, us de vo dir gnannte gründ

ganz wichtig i dere hisicht, mer het 2 hauptcharaktere zum selber erstelle
d'party chan uf 4 ergänz werde, entweder mit henchmen (chönr nur kämpfe) oder 2 companions. de underschied isch, dass companions au na story, dialäg und banter händ.
mer sött also die beide companions ne (gits grad ide erschte stadt), und das sind en magier und en 2hand chrieger. das isch drum wichtig, willmer bide main charakter erstellig uf das sött rücksicht neh, wennmer sie denn nutze will.

denke übrigens, dass wasteland 2 bedütend schlechter wird als das, ich denke sogar pillars wird müeh ha, besser zsi als original sin, es isch für mich würklich en riese überraschigs hit

Ok, merci, demfall wird ich da wohl doch bald mal zueschlah. Aber besser als vorussichtlich Wasteland 2 und Eternity? Für die beide schriibed mit em Chris Avellone & Co. die absoluti Elite d'Story und d'Dialög und das wird unabhängig vom Gameplay scho mal sehr viel usmache.

D'Divinity-Reihe han ich i däre Beziehig an sich zwar okay gfunde, aber au nöd würklich herusragend. Halt zwäckmässig, unuffällig und nöd störend (wobi ich de Asatz vo wäge "Fantasy-Setting + Humor, wo dänn doch immer liecht am Ziel verbischüüst" doch amel chli affig gfunde han. De Bellegar isch im Divinity 2 super gsi, anderi so Iiwürf dänn aber doch ehner chli doof). Natürlich spielet's so uf eme wiitus höchere Niveau als das bim seelelose und amateurhafte Writing vo Skyrim, Oblivion & Co. de Fall isch, aber vom Spitzeniveau, wo i dem Bereich wie gseit vo de ganze Lüüt us em Ex-Black Isle Umfeld und mines Erachtens au no vo Piranha Bytes mit ihrem germanische "aufs Maul"-Charme repräsentiert wird, sind's dänn doch no sehr wiit wäg.

Aber mal abwarte. S'wichtigscht isch ja: Es chömed wieder e ganzi Mängi *richtigi* CRPGs use und nöd nume verwässereti Pseudo-RPG-Wandersimulatore/Shooter/Dating-Sims!

Gurgelhals hat geschrieben:Aber mal abwarte. S'wichtigscht isch ja: Es chömed wieder e ganzi Mängi *richtigi* CRPGs use und nöd nume verwässereti Pseudo-RPG-Wandersimulatore/Shooter/Dating-Sims!

Dieses.

wie scho gschriebe, mit divinity han ich grundsätzlich na nie was chönne afange, original sin isch's erschte spiel vo larian wo ich würklich guet finde

writing und story sind au ehner, ich säg iets mal unuffälligi element vo original sin, es schint uf jede fall nöd i dene bereich. und wenn das für dich s'wichtigscht isch, sötschders velicht doch namal überlegge
ich denke i dem fall wird au wasteland und vor allem pillars vill besser.

aber i allem anderi wird wasteland viel schlechter denk ich, das spiel gseht leider so murksig us i videos und screenshots, ich han i wasteland 2 so guet wie gar kei hoffnige. vor allem spielerisch. wenns guet achunnt wirdis sicher au chaufe, gsehns im moment aber nöd eso.

pillars natürlich logisch scho, hani au backed mit 150$, pillars wird en klassiker i jeder hisicht. dasch ganz klar.
ich chanmer aber guet vorstelle, dass kämpf ned a die vo original sin anechömed, da wäri ehner überrascht, kampf im original sin isch würklich phänomenal.
und i sache welte interaktivität erwarti so guet wie gar nüt im pillars, wills ja ehner i richtig baldurs gate & co gaht und nöd ultima, und das isch ebe scho was vom interessantische a original sin. wie mer mit de welt interagiere chan.

ich denke (und hoffe) im grosse und ganze wird pillars mindischtens glich guet wie original sin, aber halt ned i dene pünkt wo original richtig schint.

Isch jetzt zwar OT aber warum hesch du ke hoffnige is Wasteland 2? Sowiit ich das gse gsehts doch recht aaständig uus? Damit meini vor allem ds spielerische. Dr humor isch vorhande, und gameplaymässig hend sie sich recht viel überleit. Aber ich lies im Moment au nüd soo viel drüber. Hesch grad en Link, wo eim skeptisch macht?

nei isch ab sofort on topic, han sthema apasst für alli CRPG wo na chömed

lahn mich sehr gern positiv überrasche vom wasteland 2, ich bin ja total in liebi mit postapokalypse.
aber uf mich machts ide videos halt en sehr unusgegorene und verchnorzte idruck, und mit dem meini ned de beta status.
han au nur paar videos gluegt, aber ich erwarte öppis so chli knapp über shadowrun DMS. spielerisch zumindescht.

Ich han ehrlich gseit wenig bis gar nüt drüber gläse - schlicht und eifach will ich Backer bin und sich d'Frag nach em Chaufentscheid ohenhin scho erlediget hätt. Lahn mich dänn überrasche. Vo dem, was ich am Rand über d'Kickstarter Updates und uf neogaf so mitbechum, schiint ja zmindescht die ganzi Early Access/offeni Beta-Gschicht guet z'chlappe und das isch sicher scho mal keis schlächts Zeiche (isch ja afaik bi de Divinty-Beta ähnlich gsi).

Last but not least: Es klassisches CRPG uf 7/10-Niveau wird immer no es meilewiit bessers & befriedigenders Spielerläbnis büüte, als die ganzi Pseudo-RPG-Plörre, wo i de letschte 10 Jahr vorghärrscht hätt. Mir hätt ja sogar s'Risen 2 gfalle, will halt eifach d'Spielwält extrem stimmig gsi isch. Und au de Shadowrun hätt mer sehr guet gfalle, will s'Writing extrem atmosphärisch gsi isch, sich's au flüssig & unproblematisch hätt lah spiele und dänn bsunders de Dragonfall i allne Belang no en rächte Zacke zuegleit hätt. Wänn die jetzt halb- oder ganzjährlich wiiteri Campaigns veröffentliched, wird ich die sicher spiele.

komisch, wieso crpg? isch doch scho immer rpg gxi und das hüt sind action adventures mit rpg element.

geosnow hat geschrieben:komisch, wieso crpg? isch doch scho immer rpg gxi und das hüt sind action adventures mit rpg element.

CRPG isch d'Bezeichnig für Videospiel-Umsetzige vo PnP-RPGs, also z.B. die alte D&D-RPGs. Aktuell isch de Begriff halt eifach nützlich, zum ebe genau die Sorte vo RPGs präzis z'bezeichne, wo entweder direkti PnP-Umsetzige sind oder zmindescht so funktionered wie es PnP-RPG (im Bezug uf Klasse, Skills, Charaktere, Kampfsystem, usw.). Also ebe zum es Divinity: Original Sin, es Wasteland 2, es Shadowrun, usw. vo eme Skyrim oder eme Mass Effect abzgränze

On Topic: Han mer's jetzt gkauft und grad de Tutorial-Dungeon gmacht. Würklich scho mal sehr vielversprächend. Han mal agesichts vo de Tatsach, dass me de Nahkämpfer und de Zauberer bald chan rekrutiere, mit eme Ranger und ere Häx agfange. Am Ranger sött me als Dexerity-basierende Charakter dänn ja wohl au no es paar Rogue-Skills chöne gäh. Und d'Häx han ich gno, will Häxe irgendwie super sind.

han au mage und ranger als mains, so hesch sicher en top party. spells gits je meh je geileri
min main mage hani uf fire, air, witch und loremaster gmacht, und de 2t mage denn uf water (heile), natur und crafting

ahja und unbedingt pet pal mal mitneh, ned nur gits paar super dialög und quets für tier, pet pal funktioniert au als interaktivs hint system bi puzzles. bi puzzles hets meistens an ratte oder sowas ume wo vo eim devo seckled und wennmers schafft sie azklicke und mit ihre zrede git sie immer en guete hint

Mini Häx chan mit Tier rede. Mit eine vo de Hauptgründ gsi, werum ich mich für d'Häx entschiede han

Ich han eh alls editiert nach mim gusto. Die klasse sind ja nur templates à la dark souls

gseht sehr sehr geil us.

sehr schad gits das nur für d'pc-nerds

fön mit world interaction


boss kill mit sonere methode

Quelle

So, han jetzt sicher 10, 20 Stunde ingesteckt, die erschti Map meh oder weniger fertig (de Boss under de Chile fählt no, da gang ich dänn uf Level 10 namal dehinder) und es isch tatsächlich fantastisch. S'Kampfsystem isch grossartig. S'Cooldown-basierte WoW/Dragon Age-System aber rundebasiert isch überhaupt nöd träg und müehsam, sondern chunnt underem Strich sogar wesentlich besser als s'eigentlich bewährte Ächtziit/Pause-System. Chönnted au anderi RPGs in Zukeunft so mache. D'World Interaction isch sowieso super. Ich spiel's zwar glaubs verhältnismässig gradlinig, aber au dänn isch super: Z'erscht mal us sicherer Distanz rägne lah, dänn Attacke und grad mal alles tüüfchüele. Oder umgekehrt go Füürbarriere legge und us sicherer Distanz dänn mit Öl- & Giftpfütze und Füürbäll alles dehinder abfackle, usw.. Super! Mit em Crafting-System han ich mich hingäge no nöd befasst, das wär wohl mal Ziit.

Au die Larian-typische Sparwitzli chömed guet, wänn's eifach so näbedbii igstreut wärded (z.B. die drü Zombie-Mobs vor em Stadttor und eine devo heisst halt eifach Rob ).

Chli entüüschend findi s'Loot-System, da das ja offebar fast usschlüsslich zuefallsgeneriert ablauft. Echli meh handplatzierti Drops a entscheidende Stelle wär nett gsi. Und s'Inventar-Management frisst rächt viel Spielziit. Stört mich aber im Endeffekt nöd gross.

Und de verdammti Chäshändler uf em Märt!!! Irgendwänn muess de Volltrottel dra glaube und es isch mer dänn egal, öb ich dänn die ganzi Legion gäge mich ufbringe! Schwöre!

Ja s'loot system isch für mich de gröscht mangel am spiel, will dur das eifach dbelohnig dür quests, bosse und exploration quasi ned existent isch. Sehr schad.

Bin übrigens nach 50h fertig, die nachfolfende zone sind ned ganz so liebevoll detailliert wie die erscht, aber im grosse und ganze sehr guets rpg. Nachfolger wird blind kauft bzw pledged und ich wünschmer wie scho bi MMX eifach grösser und meh vo allem

neue trialer zu torment wo ganz geil usgseht

Quelle

und ab murn dusse: wasteland 2, wo iets ide launch version doch recht en geile idruck macht, ich wirdmers doch schnappe


Quelle

torment sieht echt genial aus, mal schauen wie das kampfsystem und story wird.....der-dialog hud hat gewisse aehnlichkeiten mit dem vom bg.

I hätt zwar sibe Milliarde angeri Sache z'tüe, bi aber grad D:OS am suchte. Oh mann, es isch grandios. Bi recht Team Ölpfütze ohni Kampf-Trigger när si sie mau slow, ab i Kampf, när dr Mage oder Archer hereteleportiere und kaputthoue und im nächste Zug d'Pfütze abfackle und die nächsti Pfütze i Weg lege . Ha ou die zwe Companions gno.
Dr erst Build vo de 2 MCs isch no nid soo glunge, aber i warte mau ufs respecce statt nöi aazfah.

Im Januar startet en neue Shadowrun-Kickstarter und s'Teaser-Bildli laht uf e neui Kampagne in Hong Kong schlüüsse:



http://www.eurogamer.net/articles/2014- ... in-january" onclick="window.open(this.href);return false;

Einersiits isch es zwar echli entüschend, dass sich s'Shadowrun Returns und s'Dragonfall offebar doch nöd gnueg guet verchauft händ, dass de Entwickler grad us em Erlös hett chöne e neui Kampagne finanziere. Anderersiits: Meh Shadowrun isch und öb ich jetzt vorher oder nachher zahle, spielt da au kei Rolle. Dragonfall isch jedefalls super und vor allem en grosse Fortschritt gägenüber em Returns gsi und de Director's Cut isch dänn sogar no besser gsi. Wird also sicher super.