Dead Island 2

[The Sheep]

wie isches mit em Abwächslichsrichtum vo de Zombies? sind Gsichter prozedural generiert, oder tauche wie in Dead Island 1 immer wieder die gliche uf?

[Master(G)]

isch scho bitz copy-paste mängisch, ja. vor allem, wills a) immer sehr viel zombies ume hett (isch ja LA) und b) sie auf immer und immer wieder chömed. mer chan also sälte en bereich sübere und denn in rueh erkunde. sie chöme immer vo irgendwo nache, us de kanalsation, dur lüftigs-schächt, fänschter, etc.

mir sind jetzt öppe ide hälfti vom spiel. es gitt defür sehr viel unterschiedlichi type vo zombies, meh als im DI 1.

guet isch, dass de fortschritt im koop für beid spieler gsaved wird. öppis, wo ned mal far cry, dying light, ghost recon oder anderi grossi koop-games anbringet.

[Master(G)]

euses review mit 2 fazit vom andy und mir isch jetzt online:
https://www.thegnet.org/post/the-g-net- ... d-island-2

[The Sheep]

Mittlerwile bini Level 14, ca.25% in der Story und ich han wirklich freud am Spiel übercho. Ich find zwar s'Flesh System isch weniger spektakulär und präzis als ich ghofft han. Das liegt zum eine dra, dass alles sehr schnäll ablauft, und me de Gore oft nur us de Augewinkel mitbechunnt. Alles in allem isch es aber scho zimlich bluetig. Es passiert nur nit immer das womer erwartet.

Story, Quests und taktischi Aforderige in DI2 mache Freud. Dass de Loot (bis Qualitet grüen) respawned wemer es Gebiet wächslet, wirkt afangs wie en Bug, aber es ladet dezue i, bereits clearti Locations namol zbsueche. Und wil denn dört au neui Mobs uf aktuellem Level uf eim warte, umso besser.
Au gwüssi Story Twist, wie dasmer zb unerwartet usme sichere und praktische Safespot usegschmisse wird, sind ärgerlich, aber sorgt au für Abwächslig.

Waffeupgrades sind simpler als erwartet, aber isch ok für mi. s'Game isch trotz einige Freiheite eher linear und goht en agnähme Mittelwäg an Komplexität. Stellewis wirkts fascht Arcademässig.

[Master(G)]

schono cool so:


Quelle

[Master(G)]

Mittlerwile bini Level 14, ca.25% in der Story und ich han wirklich freud am Spiel übercho. Ich find zwar s'Flesh System isch weniger spektakulär und präzis als ich ghofft han. Das liegt zum eine dra, dass alles sehr schnäll ablauft, und me de Gore oft nur us de Augewinkel mitbechunnt.

du muesch gar ned stresse. schön langsam mit countermoves schaffe. d.h. im richtige moment blocke oder uswiiche mit em dash und denn anelaufe, wenns X uf de brust chunt. denn packe und en finisher inefläshe. jedi waffe hett anderi finisher. huere cooli und gorigi moves gitts.

im richtige moment blocke bzw. uswiiche isch key!

nur wild drihaue isch nur halb so luschtig.

[The Sheep]

Das isch mir scho klar. Und die erschte paar Stund hets au no Sinn gmacht, taktisch z'schaffe. Aber d'Waffe wärdet denn schnäll overpowered, und denn isches nur no metzle. Findi bitz schad. Vor allem d'Bioupgrades sind viel zu stark.

[The Sheep]

Ich find Dead Island 2 wirklich es hervorragends Spiel mit sehr guetem Gameplay. Han täglich Freud 1-2 Stündli zgame
s'Flesh System macht Spass, sobald sich s'Aug mol ans Chaos gwöhnt het. Und d'Quests findi origineller als in mäng anderem Game. Ebenfalls guet findi, dass sich gwüssi Fähigkeite und sälbscht Spielmodi erscht durch de Fortschritt in der Mainquest freischalte. Waffe Upgrades sind ebefalls besser als afangs dänkt. Zwar het jedi Waffe gfühlt die gliche Upgrademöglichkeite, wemer die entsprächende Bauplän mol becho het, aber in der Kombination je nach Waffetyp, offebart sich die wahri Power - aber glichzitig leider au das woni im Kommentar vorhär erwähnt han: Waffe wärde schnäll OP und s'Game damit zu eifach. Aber was für e Sinn söll es System wo zum experimentiere iladet mache, wemers nit nutzt?

[Master(G)]

gründ warum ich dem ned meh als 7 chan gäh:

- loot-system isch bitz fail. ich mein, alli items respawned wemmer usem gebiet use gah. plus händ all crafting-materials es dumms limit. irgendwänn hesch alli säck voll, bruchsch es aber gar ned, will en lieblingswaffe hesch wo eifach mit-levlisch. und das bringt mi zu punkt 2:
- waffe level-system isch broken. warum söll ich neui waffe collectä, wenni statt desse eifach mini alt uf mis level ufe haue chan?
- gegner respawns, isch au doof, wemmer immer gschlossnige ruum isch und alles killt hett und sich umdreht und plötzlich wieder wie usem nichts 3 neui zombies vor dir stönd. ich will es gebiet chöne ufruume und denn loote und erkunde ohni stress. wenns nur würdet respawne, wennis gebiet verlah, wärs ok, aber so isches eifach nume lazy
- quests sind alli langwiilig i mine auge. characters findi ja no witzig (NPCs), aber finde-den-schlüssel, rette-diese-person, finde-autobatterie... es isch scho rächt lame, nöd?
- es isch brutal churz, aso wenn nur main-story machsch bisch nach 10 stund dure. kei verliich zur längi vo DI1 und Rip Tide
- Grafik: isch OK, gitt hübschi Ort und Tag-Nacht wechsel isch super. grad znacht findis sehr schön mit all dene liechter und schätte. aber wemmer luegt, dass zwische Rip Tide und dem fascht 14 jahr ligget, isches also ned eso de burner.

was es für mich rettet ischs gameplay, also de melee combat und das flesh-system. das isch eifach brutal guet gmacht und macht meeega laune. plus im koop hesch eifach fun. wenn nur bitz schlache willsch, 10/10... im endeffekt machsch aber die ganz ziit nur das: schlachte, loote und zur werkbank. und für de priis wo das spiel hett, findi das e birre-bitzeli zwenig.

cool wär gsi, mal no es auto fahre oder es boot. oder e bitz umgebigsrätsel und physikbasierte stuff... aber ja. mer darf sicherlich zfriede si, wemmer de background vom spiel kännt.

darum 7/10

[zeromeier]

darum 7/10

sägi doch

[Marco_in_motion]

Ich ha s'erste Dead island besser gfunde, es isch vill atmosphärischer gsi, griefbarer, d'Story hät meh Usprägig gha und sich wichtig ahgfühlt. Zwar isches technisch einiges schlächter gsi und gliichziitig findi häts besser usgseh - fertiger. Au d'Kämpf hani besser gfunde, ich ha Ziilt und das troffe woni han welle, bim DI2 triffi irgendwas lol. Mir hät s'erste echt meh gäh.

[The Sheep]

Bin jetzt au dure. Han grad es Email becho vo Deepsilver "You slayed 5260 Zombies in total. Thanks for Playing!"

Es isch zwar weniger kompläx gseh als mer us de Preview Videos hätt chöne anäh, aber ich has sehr churzwilig gfunde und mit originelle Quests. Damit mein ich nit was mer tatsächlich gmacht het, wil das isch in der Tat eher repetitiv gseh, aber wies verpackt gseh isch storytechnisch und mit witzige Charaktere, het mir sehr guet gfalle. Waffe sind wie bereits erwähnt bitz unbalanced und de Respawn vom Loot hätt nit miesse si, isch aber zwüschedure no ganz agnähm gseh will mer bestimmti Craftingkomponänte so gezielt het chönne farme.
Wasmer au gfalle het, sind die Mini Events "Kill em all" oder womer sich durch de Quarantänetunnel het müesse metzle. Oder die huere Screamer wo für ändlose Respawn gsorgt hän solang mer si nit usgschalte het. Das het em Game öppis Arcademässigs gä.

Vo mir bechunnts es 8/10.

[Master(G)]

best screenshot woni sitt langem gmacht ha

sogar de subtitle passt

[thaeye]

guete hals

[Master(G)]

gueti bierdose!

[The Sheep]

Wie hautmer ame Zombler eigentlich d'Fuscht dure Grind? Han das bisher nur ime Trailer gseh

[Master(G)]

mit dene double-weapons, also die chline fürd füscht, doppel schlagring oder die komische ninja-halbmond-dinger.
denn muesch im richtige momänt blocke oder uswiche (dash) und wenn X chunt bim zombie, chasch das mache. hani scho jensti mal gmacht, nutze au am liebschte die waffe mit de ninja-tussy.

[The Sheep]

ah jetzt schnall ich das. Ich han blocke bisher no gar nie verwändet.
Da hani wohl einigi Finisher verpasst. Wobi de mit der Fuscht dure Grind scint scho de originellschti zsi.
Merci für de tip!

[Master(G)]

Da hani wohl einigi Finisher verpasst.

ja voll. sgeilschte verpasst
jedi waffe hett en eigete finisher!

[The Sheep]

also viel hani bisher nit verpasst bi de Finisher. Git nur wenig verschiedeni, und no weniger gueti.

Bim Gibbing schmer ufgfalle, dass es wirklich punktgenau isch. Chamer guet gseh wenmer mit dr MP en Zombie am Bode usenander nimmt. Das isch fascht chirurgisch präzis, wie da Stoff und Fleisch abgfräst wird. Worum mer trotzdäm oft s'Gfühl het, mer trifft vor allem mit Melee Waffe nit dört womer will, ligt wahrschinlech an de Animatione vo gwüsse Waffe. Da chönntets no nachbessere.

ich spiels immerno. Sidequests und so. Leider bini jetzt am level cap (30). ohnis Levle wird d'Motivation zum witerspiele bi mir wohl nüm allzulang anehebe.

[Master(G)]

neue Story-DLC im April!

Infos: https://www.thegnet.org/post/dead-islan ... t-im-april