The(G)Forum

nimmtmi wunder, was iehr im monat für kommunikation usgäbet.
demit meini feschtnetz + mobilnetz (internet inkl.)
also kei tv

ich bin im moment bi ca 70 frengg / 120 wänni d'frau mitberächne.

i ha es tv/telefon/internet kombopack für 96.-- inkl. zuesatz sender...
natel isch so 25.-- im monet zuesätzlech...

59.- für alles

feeshlee hat geschrieben:120 wänni d'frau mitberächne.

lüüt ihre halt nüme ah.

ich han immerno:
- 25.irgendöpis Aschluss
- 49.- Internetz
- bitzli Feschtnetz Rächnig
- bitzli Mobil Prepaid

Wenni diä letschtä 3 Feschtnetz und Internet Rächnigä alueg, hani Feschtnetz chum meh brucht (au sit mis Telfon fascht kabutt isch, und Prepaid Mobil billiger wordä isch), d Beträg sind chum über 75.- (also paar Räpli bis en Frankä drüber.
Prepaid Natel hani kei Überblick, ladi hin und wieder mol uf.

Über 100.- pro Monet wirdi höchscht sältä bruuchä, meischtens wohl so bi 80.- umänand.

bis 50

handy isch kratis und intermetz genau ca. 50.-

gratis händy tunktmi no händy.

50 internet
69 handy

69 handy (-> all inclusive swisscom für die junge dingsbums)
60 internet (bzw. 30 ig, 30 mitbewohnerin -> 60/60 glasfaser ewb)

50 fürs super stabile Internetz, und ca. 20 fürs natel mit 1 gb.

zwirrlibatz hat geschrieben:

feeshlee hat geschrieben:120 wänni d'frau mitberächne.

lüüt ihre halt nüme ah.

frau hät sones friidom voms sunrise für 50 im monet. mi telifoniered wänn möglich nuno mit däm, will flat id schwiizer netz.
und drum isch dänn dä sunrise internet au 10 billiger.
ich han en priipaid mit so ca. 50 im jahr usgabe.

Ich han no es uralts Swisscom-Abo für mis natel. Liberty Primo oder so. 29.--, 250mb, 90 rappe tel. ih fremdi netz und 70 rappe in swisscom netz.
obwohl rächt wenig date und höchi telefon-asätz, bini immer relativ günstig gfahre und han s'abo extra niä gwächslet. jetzt isch aber d'fründin zu sunrise und drum sind mini rechnige jetzt wäg em telefoniere so zwüschet 45-50.-- acho.

Diä neue Swisscom-Abo chasch ja vergässä, viel z'tüür. das isch ja wahnsinn, für lüt wo s'natel so nutzet wiä ich.
Ich telefoniere rächt wenig und bruche so zwischet 250-300mb date im monet.

Also hani chli Sunrise und Orange aglueget.
Sunrise hät für lüt über 30gi ( ) z.b. 20.--, da sind 60min telefoniere ih alli netz und 500mb date inbegriffe. kei mindestvertragslaufziit.
nägscht höcher wär 50.--, da sind unbegrenzt telefoniere ih alli netz und 1. gb däbi.
(also date sind eigentlich unbegrenzt, häsch eifach 500mb oder 1gb mit max. gschwindigkeit (was bi sunrise aber "nur" 100mb/s sind)

Orange hett grad ä aktion, wo ich aber glaub nöd nutze cha (han 2 mönet kündungsfrischt bi dä swisscom), gültig bis 13. juli. 40.-- für unbegrenzt telefoniere und 1gb date.
süscht cha mä au selber zämästelle und bringt relativ guäti abos anne (und sind schneller, max. 150mb/s). häsch aber glaub immer 2 jahr mindestvertrag.

drum hani dänkt ich probier mal sunrise, mal luege ob das für 20.-- langet, süscht halt erhöhe uf 50.--. oder wechsle zu orange. sunrise isch definitiv eifacher zum usprobiere.

Wiä sind eueri erfahrige mit Sunrise und Orange? Verbindige? Süschtigs?

Swisscom isch kei option, definitiv z'tüür für mich.

Skeletor hat geschrieben:Wiä sind eueri erfahrige mit Sunrise und Orange? Verbindige? Süschtigs?

bi sit 1997 bi sunrise bzw am afang no diax. no nie lämpe gha, verbindig isch immer schtabil und netz hani ussert ab und zue zwüsche zwöi felse ide bärge immer.
nur am afang bi diax (1997-1999)isch trurig gsii mit de netzabdeckig.

ich bruch vil skype und viber zum telefoniere (fründin isch us de staate) alles immer beschtens oni underbrüch.
fairerwiis muesi säge dass praktisch die ganz stadt luzern mit 4g abdeckt isch. mit em alte 3g htc hani aber au nie problem gha.

de chundedienscht hani nonid mängisch brucht.
die 3 nöie simcharte woni i dene 17 johr brucht ha hets uf afrog immer gratis gä.
au recht geil; sit 4 johr profitier ich vom ne instant treuerabatt vo 10.- jede monet solang ich chund bi. ha aber au mol chli bohret und mit providerwechsel droht.

die 1gb/tag 4g limite wändeds rigoros ah, die 5gb/monet limite aber nid. chasch also jede tag vom monet 1gb dürelah bi highspeed

Bin sit 10 jahr bide Sunrise und han internet for free für immer. De DL Speed langed vorig. Denn hani nod es 89chf abo für unlimitierte handy konsum. Feschtnetzt isch debi, hani aber nümme. De gits meh spam ahrüef als spam mails.

Skeletor hat geschrieben:Wiä sind eueri erfahrige mit Sunrise und Orange? Verbindige? Süschtigs?

Bi Afang 2013 zu Orange gwechslet, Swisscom isch für mini Aforderige (viel Date, wenig Telefon und wenig SMS) eifach ds tüür gsi. Netztechnisch chan ig mi nid beklage, alles guet.

Allerdings hei sie im März es Softwareupdate igspielt und sit denn lauft der Account-Bereich nüm ganz rund: D App zeigt e falsche Grundbetrag a, zubuchbare Optionen si verschwunde (bitte übers Callcenter lo aktiviere), offeni Rechnige si scho als bezahlt markiert, und für e Rechnig wo scho lang isch zahlt gsi isch es SMS cho ig söll sie bitte zahle. Isch alles administrativ, d Mobildienste hei zum Glück immer funktioniert. Chli nervig, aber so schlimm wie anderi Lüt im Orange-Forum jammere isch es bi mir nid.

Am Sunrise sis Agebot für 20.00 tönt au nid schlecht. Die meiste wo ich kenne si aber nid bi Sunrise, vo daher nid sinnvoll für mich.

bin au grad dra mini handychoste chli z optimiere, d swisscom haet echt beschisseni agebot. ich han au primo und zahl trotzdem ca. 70 stutz jede monet.
sunrise chotzt mich aa, die kenn ich zu genügend.

Orange die einzig Option, aber ich ghör halt würkli au nöd so vill guets.

ca. 31€ festnetz (o2), ca. 13€ euro mobil (klarmobil/freenet)

Swisscom für 99.- im monet, super! bruches au intensiv, denn isches klar super! bescht netz, bescht service!
fründin hed orange, mitte in effretikon dihei keis stabils netz

es isch tür ja, aber all inklusive sorglos paket=super

danke ah diä wo chli vo dä erfahrige verzellt händ.

han mal s'20.-- abo vo dä sunrise gmacht. leider hani no 2 mönet chündigungsfrist bi dä swisscom, wird also erscht ab september bi dä sunrise si.
da kei mindescht-vertragsziit chani immer no schnell zu orange oder so wächlse, wenns nöd passe sött.

glaub sunrise hed doch eh s'netz vode swisscom oder?
de passts ja sicher!

sust gäbts na CC, haha
http://www.upc-cablecom.ch/de/mobile/abonnemente/" onclick="window.open(this.href);return false;

gueti priese aber ke ahnig wie s'netz isch

TypeJ hat geschrieben:Swisscom für 99.- im monet, super! bruches au intensiv, denn isches klar super! bescht netz, bescht service!
fründin hed orange, mitte in effretikon dihei keis stabils netz

es isch tür ja, aber all inklusive sorglos paket=super

Was bedütet Intensiv? Hesch evtl. sogar e Schätzig wiä viel Datä dass pro Monet so usem Netz ladisch? Will ich weiss ebä immernonig was d Swisscöms als "normal" alueged, debie interessiermi scho lang für sones Abo.

TypeJ hat geschrieben:glaub sunrise hed doch eh s'netz vode swisscom oder?

Meinsch das isch würklich so? Will denn würd sich mini potenzielle Abüter grad vo 1 uf 2 verdopplä!

i has gemind das wegem netz aber weisses ned genau, will es isch mir egal!
i nutze zwüsched 500mb und 10gb
alles scho vorcho!

spotify, zattoo, streame vom plex und hald au surfe
nutzes au oft als hot spot für s'ipad

Merci. Demfall aber au kei Exzess leider. Villicht muesi eifach mol is chaltä Wasser gumpä, und luege was passiert. Schisst mi eifach chli a so viel z zahlä, und denn drehedsmer de Hahn ab wensnä grad nid passt und isch stand im Chübel.

Acid hat geschrieben:Merci. Demfall aber au kei Exzess leider. Villicht muesi eifach mol is chaltä Wasser gumpä, und luege was passiert. Schisst mi eifach chli a so viel z zahlä, und denn drehedsmer de Hahn ab wensnä grad nid passt und isch stand im Chübel.

Wie wärs mit dem Agebot : http://www.sunrise24.ch" onclick="window.open(this.href);return false; ?

Mr Burzel hat geschrieben:

Acid hat geschrieben:Merci. Demfall aber au kei Exzess leider. Villicht muesi eifach mol is chaltä Wasser gumpä, und luege was passiert. Schisst mi eifach chli a so viel z zahlä, und denn drehedsmer de Hahn ab wensnä grad nid passt und isch stand im Chübel.

Wie wärs mit dem Agebot : http://www.sunrise24.ch" onclick="window.open(this.href);return false; ?

Interessant...warum verstecked die ires beschte Abo? O_o

Edit:

Kann ich mein Mobiltelefon auch als Modem nutzen (Tethering)?

Die Nutzung des mobilen Internets mit sunrise24.ch ist auf Datenverbindungen ohne VoIP mit einem einzigen Mobiltelefon beschränkt ohne Nutzung mit daran angeschlossenen Geräten, Modems oder Geräten mit eingebautem Modem.

ok