The(G)Forum

Hallo,

ich zügle bald und stelle mir d Frag, wie ichs söll umsetzte, das mir i de ganze Wohnig Internet hend. Bis jetzt hani iner 120m2 Wohnig gwohnt und mir hend es WLAN gha. Aber das hed nid i jedem Zimmer / Rum / Egge optimal funkioniert.
Die neu Wohnig isch dütlich grösser, uf zwei Stöck vereilt und teils echli verwinckled.
Zwei möglichi Lösigsasätz gids für das Problem. Einersits chan mers mit Acces Points mache wo blöd im Züg umestönd oder mer machts mit Power Line.

Ich tendiere zu de Powerline lösig. Well de hani i de agrenzende Rüm (im undere Stock) viellicht no WLAN und Power Line und im obere Stock chani ein oder zwei Power Line Adapter parat mache.

Zu was würed ihr rate und hend ihr mit Power Line scho Erfahrige gsammlet? Was sött me sich da chaufe?

ich wür glaub a WLAN mit ac-Grät ufspanne, wobi das das ja au immer chli uf dia vorhandene Grät und Gwohnheite resp. s' Gebäude achunt.
Wenn a WLAN via Powerline ufziahsch, hesch imo eifach meh Verlust (vom Modem zu Powerline resp. all de einzelne PL-Grät und denn nomal am WLAN)
Powerline bringt je nach "Kabelsalat" nid sooo super Leistig und wenn uf 2 Stöck überall WLAN möchtisch und d' Steckdose no verwende möchtisch, kostet's imo chli meh.

Falls mit PL liebäuglisch:
Bi Powerline git's nächstens a Update vo 500Mbit/s uf 600, drum lauftend momentan recht viel Aktione uf de 500er-Grät.

Ich han nur wenig Erfahrig mit dene Powerline Adapter, aber ich han no nie eine gse, wo würklich 500mbit schafft. Bi dene Teschts wo ich kenn, isch meischtens bi ~150mbit schluss. Das isch langsamer als es guets WLAN.

bi mir steut sich momentan die glich frag.
110m2 wohnig über 3 stockwärk
modem und wlan router isch im mittlere stockwerk (büro/gamezimmer/schlafzimmer)
im obere isches nid eso wichtig. isch nur sauna, fitnessgrät, wöschmaschine/wc und chatzeklo dert
aber im under stockwerk (küche/wohnzimmer/esszimmer/balkon) isches nüme so konstant mitem wlan
webradio (via samsung hifi) stock ab u zue und o mitem nexus oder ipad (und denn via bluetooth uf d'alag) isches nid ohni ungerbrüch über längeri zyt müglech

ha früecher (5-6 jahr) mau powerline gha u das isch mega langsam gsi. sones 500er grät wär aber gloub no easy, o wenns denn nie uf 500mbit chunnt oder? i meine... 150mbit längt ja o easy zum chli sache streame...

vorhandeni telefonleitige userupfe und cat6 kabel iäziäh, steckdose natürli au grad ustusche. i eim rum en gigabit-switch und sternförmig i all zimmer verteile
vill besser als powerline.

Schummelschumi hat geschrieben:vorhandeni telefonleitige userupfe und cat6 kabel iäziäh, steckdose natürli au grad ustusche. i eim rum en gigabit-switch und sternförmig i all zimmer verteile
vill besser als powerline.

Genau mach i grad i minere Mietwohnig, Kabel userisse und neui drine... Für wie viel machsch es und treisch Garantie wenn de Vermieter nid glücklich isch demit?

Aber wenn jetzt das nid zur Diskussion staht? PL oder WLAN?

Buccaneer hat geschrieben:

Schummelschumi hat geschrieben:vorhandeni telefonleitige userupfe und cat6 kabel iäziäh, steckdose natürli au grad ustusche. i eim rum en gigabit-switch und sternförmig i all zimmer verteile
vill besser als powerline.

Genau mach i grad i minere Mietwohnig, Kabel userisse und neui drine... Für wie viel machsch es und treisch Garantie wenn de Vermieter nid glücklich isch demit?

Aber wenn jetzt das nid zur Diskussion staht? PL oder WLAN?

ich has tatsächlich i mim miäthüsli gmacht im chäller bim husaschluss de switch, es NAS und verteilig i all rüüm ufe.
ich hoffe aber au dasi di nächschte 20-30 jahr da ine chan wohne

mit powerline oder wlan hani wenig erfahrig, da cha der nid witerhälfe.

Ha sone Devolo, woni bruuche vom Aaschluss vor Mitbewohnerin ihrem Zimmer i mis, vo dört geits när via Switch zu PC, AP & NAS. Speed gnüegt völlig, verlüüre nid viu ufe maximal müglech Speed und d'Transferrate vom Netzwerk säuber si nur abhängig vom Switch (abgse vom Internet), drum chani eigch nur säge, dass ig zfriede bi und's nomau so würd mache, wöui Wlan nid gern ha (nid wäg de Strahlige (OLOLOL), aber d'Config isch müehsam)

Wenn mers grad vo der Strahlig hei: Was isch do eigentlich schlimmer? WLAN oder Powerline? Oder toppet es Natel sowieso beides?

s natel saelber noed unbedingt, aber d natel sendestation git sicher di herteri strahledosis ab..lol.

en guete wlan router hilft immens..am afang i eusere 180m2 wohnig isches i teils zimmer au nid kosntant gsi, recht dumm!
mittlerwiele isches super konstant, s'5G het uf de terasse bits müeh, mit em andere Kanal langets segar easy überall ane!

Asus roxs
Asus RT-AC66U, DualBand Router 1300 Mbits, Gigabit Switch

Avenger hat geschrieben:Wenn mers grad vo der Strahlig hei: Was isch do eigentlich schlimmer? WLAN oder Powerline? Oder toppet es Natel sowieso beides?

muesch mal go google, git glaub ziemlich kontroversi infos bezüglich strahlig!
fakt isch, bi powerline wird s'signal uf e NICHT gschirmti stromleitig ufmoduliert, das isch sicher ned optimal

Schummelschumi hat geschrieben:vorhandeni telefonleitige userupfe und cat6 kabel iäziäh, steckdose natürli au grad ustusche. i eim rum en gigabit-switch und sternförmig i all zimmer verteile
vill besser als powerline.

This! Plus natürlich no paar APs