The(G)Forum

und, findsch no guet, bio?

i findes super. der unterschid isch nämlich sehr gross. ha z.b. letscht wuche e verglich zwüschemne bio-rüebli und emne normale gmacht. bim normale hätti ou es stück holz chönne ässe, z bio isch so vil besser gsi.
das deckt sich so chli allgemein mit mine erfahrige. bio isch meistens chli knackiger, saftiger, feiner, besser.

was meinsch so? choufsch ou bio ii? oder luegsch da nid so druuf?

Ich luege druff. Aber ich glaub ich wird durch das chli verarscht....muess mich mal chli schlau mache was die versch. Labels i de Praxis bedüüte.

Ich iss zum gröschtä Teil Bio... allerdings fascht immer usem Bio Lädäli, und nid Coop und Konsortä. De Grund isch folgendä: Ich has Gfühl dases Lüt git wo Bio als en Istellig gsehnd, dassi einersits einigermassä Naturgerechti, und dezuä anä no gueti War wänd, und denn hani s Gfühl dases scho lang so isch, dass Bio es Label isch, das vor allem au mit Profit und Marketing ztue hed, und es Sturs Konzept ufstellt, a das sich irgendwelchi Lüt müend haltä, wenns so und soviel wänd verdiene... etc. etc. Erschts findi guet, zweits halti für falsch, und zudem en Verarschig. Und ich han ebä s Gfühl das bi Coop und Co. s zweitä dütlich im Vordergrund stoht (was natürlich eigentlich numä logisch isch, isches jo in erschter Liniä es Gwünnorientierts unternehmä... passä muesesmer jo glich nid). Was das ganzä für mich es bitz verdütlicht isch z.B. das im coop sämtlichi Bio Gmües in Plastik abpackt sind, und diä anderä praktisch alli nid... ich mein WTF? Wo das Agfangä hed hanimer denn paar mol an Chopf kratzt, bisi gmerkt han dassi nüt begriffä händ. Wahrschindlich hends eifach en Plastik damits ihres Chnospä Symbol chönd drufpflanzä... Wiä gross de Unterschied imene Coop vo Bio zu nid Bio isch chani nid beurteilä, han au scho schlächts bio Züg im coop kauft.

Seinzigä Problem für mich isch, dassimi so a das feinä Züg gwöhnt han, wenni mol mene Coop gang go Gmües chaufä, chumi amigs im erschtä Momänt gar nid drus wasi grad i de Schnurrä han. Nocher realisieri denn dasses eifach Gmües isch wo entweder nach nüt, oder suscht grusig schmöckt.

Acid +1

aber ich verlauf mich gliich öppe mal inen migros oder coop. je nachdäm. grad wenn ich "marktfrische pilz us de ukraine" will. :typej:

quartierlade au super und am samschti chunnt amigs de yoshimischi bus.

Bio hed mir pers. zu oft Ungezifer dinne!

mousch hat geschrieben:Bio hed mir pers. zu oft Ungezifer dinne!

z.b. beschissni gruusigi bruni Schnägge?

mousch hat geschrieben:Bio hed mir pers. zu oft Ungezifer dinne!

Ungeziefer? Was dänn und i wällne Produkt?

Isch ja nöd unbedingt s schlächtischt Zeiche, wänn bim Salat mal en Schnägg debii isch.
Wänns em Tierli schmöckt und guet bechonnt, wieso au nöd em Mänsch.
Hät chli bedänke, müessti Sache ässe, wo all Tier instinktiv miidet.

Stimmt logischerwiis schon, trozdem i verzichte uf Bluemekohl mit Raupe..

mousch hat geschrieben:Stimmt logischerwiis schon, trozdem i verzichte uf Bluemekohl mit Raupe..

i chauf wenn möglich nume bio! und au na gern bim puur abem hof! strauss vode strussefarm in frauefeld

TypeJ hat geschrieben:i chauf wenn möglich nume bio! und au na gern bim puur abem hof! strauss vode strussefarm in frauefeld

Strusefleisch. :weixxen:

ihr sind so krass crazy

total

thaeye hat geschrieben:ihr sind so krass crazy

immer exklusiv alles jede!

Ich mues natürlich au sägä, dass de Bio Ladä wo ich gang, direkt am Platz isch wo ich Wohn. Das heisst also dass während vili nid in Bioladä gönd wills en mehrufwand isch, für mich das s noheliegenschte isch, und alles anderä en grössere Ufwand isch. Vo dem her hani au en hinderigsgrund weniger wiä vili, würd aber wahrschindlich au suscht de vorziä, wenn irgendwiä möglich.

was en guete punkt ufwirft: würsch mit em auto ufs land fahre zum bio poschte? woher bzw vo wie wiit her hett de biolade sin züg? tuesch de reinschti beschti bio äxtra mit em flugi importiere? knifflig knifflig.

Chund halt immer chli druf a, wo wasmer reded... das d Bananä logischerwis ehnder weniger us de Umgäbig sind, isch en Tatsach, allerdings sind alli anderä Bananä natürlich au nid us de Umgebig, drum hed s Bio und Fairtrade Produkt gägänüber allnä Alternativä nur Vorteil (und isch immerno billig... das isch jo s verücktischtä). Also mol abgseh vo de Alternativä eifach ganz uf Bananä z verzichtä. Bananä isch aber im Verglich zum allermeischtä ehnder es unproblematischs Thema, was de Transport abelangt (wills nid schnäll mues go etc. seinzig Problem isch d Distanz).

Und so isch das bi rächt vilnä Sachä. Wichtig isch natürlich scho dass diä Sachä wo regional möglich sind, au us de region stammed. Ganz unabhängig eigentlich öb jetzt Bio oder nid. Im Bioladä gits aber z.B. ehnder weniger Öpfel us Neuseeland vo dem her hani do nid so grossi bedenkä. Natürlich bin ich aber druf Agwiesä, das mis Vertrauä nid missbruchd wird, bzw. ich das nid uf fälschlicherwis Agnohnä Sachä ufbau... ich mein im Prinzip chöntet diä Bananä jo vo überal cho und unter übelschte Bedingigä apflanzt werdä, do ich noniä genau det gsie bin, wo genau diä Bananä herchund, wonich jetzt dahai han, chan ich nur druf vertrauä dases nid so isch.

Zudem glaubi dass im richtigä Umfeld de freii Markt so Sachä au es stuck wit reguliert. Wenn öpis richtig gmacht wird, denn isch nur das Züg in au in rauhä Massä guet zahlbar, wo de Natur au nüt macht wemer in rauhä Massä isst.


En Punkt isch aber natürlich au, das witer weg, nid unbedingt schlechter isch. so isch jo z.B. mol im Kassästurtz cho, dass schwizer Rüebe Zucker irgendwiä en 3 mol (weissi nüm gnau, aber jenes meh) so schlechti CO2 Situation hed wiä Südamerikanischä Rohrzucker... und dass mitem Transport vo Südamerika do herä bereits berücksichtigt.
Und öb d Autofahrt ufs Land so schlimm wäri (wemer jetzt nid wäg jedem Öpfel einzeln fahrt, unds vilicht no mit öpis anderem verbindet), wenn das Züg defür us nachhaltiger Wirtschaft chund, statt us vernichdender (und au das Züg mues jo transportiert werdä, of mehrfach, bises überhuapt mol im Ladä isch... also kei verglich wiä en Transport direkt vom Pur nach hei... au wenns do en vil grössere Multiplikationsfaktor git wo problematisch chönt si).

ich gang das mit de transportwäg und co2 usschtööss mal in biolade go frööge... ich mein die da um de egge händs ja wohl vomne biobuur. aber all die wiitere variable wo's da no gitt, heidebäse.

de mit de zuckerrüebe isch strub. und susch havelaar ftw, de chauf ich.

auweia..wieder mal so en ässid vs. zwiirlibart diskussion druss worde. jä nu.

Tatsujin hat geschrieben:auweia..wieder mal so en ässid vs. zwiirlibart diskussion druss worde. jä nu.

ja ganz schlimm isch das.

lueg da bruucht öpper dini hilf: http://www.embjapan.de/forum/japanische ... t5632.html

zwirrlibatz hat geschrieben: http://www.embjapan.de/forum/

vergisses, das forum bsuech ich nöd kratis (uuserd ich will was ganz guets ds gröhle ha).

wärsch so de überscheff dete?

zwirrlibatz hat geschrieben:

wärsch so de überscheff dete?

Für das gib ich gern es ganzes Chönigriich uuf.

Tatsujin hat geschrieben:auweia..wieder mal so en ässid vs. zwiirlibart diskussion druss worde. jä nu.

Werum vs. ? und es sind genau 4 Posts, wo öpä 400 mol meh mitem Thema ztue hend wiä einä vo denä 5 Posts wo du bis jetzt i dem Thread bitreit hesch Wo isch Problem