The(G)Forum

hätt kes topic!? luegt das niemert? was isch das für es forum!?

Fair bi all dene dümmlichlangwiilige usdeschublade Crimeserie (und eh meischtens no bitz 08/15 Mischteri) überseht me schnäll e Perle zwüschine. Aber die hetts in sich, wie House meh als e Dokter-, Mad Men meh als e Protoyuppies- oder SFU meh als e dysfunktionali Familieserie etc sind. Da wird eim cleveri Röiber und Poli Choscht botte, wo ehner ruhig und verschmitzt als cool und krabumm drherchunnt. De Titelheld isch au nöd grundsätzlich immer sympathisch aber au wenn er nervt immerno nahvollzieh- bzw mitidentifizierbar. S'Team rundume isch super gschriebe und castet, bi all de andere wie CSI Bümpliz und Bones und was es no gitt, hetts ja nur Arschlöcher. Näb de wie üblich i einzelne Folge abgschlossne Fäll gitts no ein grosse Storyboge wo unregelmässig duredruckt und dänn imo drfür grad zu de beschte Einzelfolge biitreit, wo denn einiges dunkler und gförchiger als suscht sind. Und so näbebii händ immer wieder Lüüt us 24 Gaschtuftritt, de Präsidänt Logan sogar fasch e Season lang als Vorgsetzte fum Team. D'Teri chunnt öppedie vor und no anderi achweissdochnüm.

blabla super mega wiuwiuwiuwiu luege hopphopp.

Gfallt mir ganz guet und dr Baker isch eh super.

jetz han ich grad wele schriebe dass uf dich bi serie verlass isch aber da sind mir grad d'liicheberge i dim chäller iigfalle.

ähwas

ich weiss es. die 2 schlemmschte serie überhaupt. aber dank dir kenn ich jetz die wohl beschte stehauf komödiante.

ich lueg scholang nurno gueti serie. i letzter zyt aber eher unbekannts, zB. in plain sight oder burn notice. hei jetz aber alli season pause.
SatC und co. sind ewig här. und sowiit ich mich erinnere, bisch du dä wo housewives guet findet, nid ich

ahja person of interest hani mal no agfange, aber weiss nonid so recht. 2.5 männer isch o enttüschend.

bi de steh-aufs unbedingt mitem carlin aafah, falls nonid hesch.

ich han housewives öppe d'helfti vo de erschte staffle gluegt und's daaaaaaaaaaaaaamals dene gägüber "verteidigt" wo's (natürli ungluegt) als sex and the city klon abetah händ. das wärs denn aber au scho gsi.

es gitt eifach zviel. wie cha me schonume die würkli sehenswerte über teils siebe acht nüün staffle luege? ich beschränk mich im momänt für de drama uf mentalist, mad men, walking dead und house und für de lulz de himym und no bitzeli 2.5 manne wo ich no bitz e chance gib.