The(G)Forum

Weli film ghöre für dich zu de grosse reinfäll / enttüschige, wo i letzter zyt so gluegt hesch
cha o scho es zytli här sii.

für mich:

- The Next Three Days und Hereafter; Nid schlecht, aber vor cast und regie her hani eifach meh erwartet.
- Tree of Life
- Contagion




enttüschig isch natürlich relativ. mängisch erwartet mer zvil oder ds falsche, mängisch ischs würklich nur schlecht egal wie mer's aaluegt.
Priest zum bispil het mich nid enttüscht, will ich gwüsst ha was erwarte lol.

Thor

Sicher no viel meh, chunnt mer nur grad nix in sinn. de nächscht wird denn avengers.

A Thor hani o dänkt, aber es zählt nid ganz will ich scho nach 10min abgstellt ha

viel übels hends da gmacht ir letzte zyt...clash of the titans und percy jackson sind o so mythologie-reinfäll gsi.

h4xX0r hat geschrieben:Sicher no viel meh, chunnt mer nur grad nix in sinn. de nächscht wird denn avengers.

Eh nid. Dä wird super. Whedon für den Gewinn.

Sylvara hat geschrieben:A Thor hani o dänkt, aber es zählt nid ganz will ich scho nach 10min abgstellt ha

2x fähler. würkli.

zwirrlibatz hat geschrieben:

Sylvara hat geschrieben:A Thor hani o dänkt, aber es zählt nid ganz will ich scho nach 10min abgstellt ha

2x fähler. würkli.

bitte um erklärung

Sylvara hat geschrieben:bitte um erklärung

mir händ SCHIER abgstellt nach 10minute aber de film gaht dänn ersch pfoll ab. was zersch nach emene usglutschte 80er heroefilm (aso eine vo de vielne zweitklassige 08/15 straight to VHS genrefilm, türli gitts au det perle) usgseht, wird höchscht unterhaltsam uf e anarchischi wiis. dä billy connolly hätt det iisi inepasst. klar isch genrebräche an sich nüt sooooooooooooooooooooooooo originells aber schlussendlich ischs en guete popcorn guck, dank em vermiide vo stereotype während er i dere ganze hanebücherei bewusst es ärnschthafts gsicht bhaltet, was de ganz karsumpel no bekloppter macht. fu dem her viel spassiger als die tuusigschti offensichtlich höhöhö parodie. en art wie de cowboy and aliens eigetli.

h4xX0r hat geschrieben:Thor

Sicher no viel meh, chunnt mer nur grad nix in sinn. de nächscht wird denn avengers.

thor isch geil. de zwirrlibatz beschribts eigentürmlicherwis haargenau wieso.

so richtig scheisse isch super 8 gsi.

sehr viel giz wohl, wenig devo hani fangs gseh.

hm, isch no schwierig ds säge. vor allem wil me die enttüschende filme schnell verdrängt.

h4xX0r hat geschrieben:de nächscht wird denn avengers.

es isch ds befürchte

Failengers

h4xX0r hat geschrieben:Thor

Sicher no viel meh, chunnt mer nur grad nix in sinn. de nächscht wird denn avengers.

whedon man. WHEDON.

ja ich weiss, aber irgend wie isch e versammlig vo superhelde scho im vorfeld blöd. mal guggn.

horrible bosses :typej:

Battle Los Angeles
Dräckigi Chriegsfilm Optik a la Band of Brothers mit Alien Invasion kombiniert. Mer häts so geil chöne mache. Usecho isch en belanglose chabis woni fascht nid fertig han möge luege

Kung Fu Panda 2, gröscht müll woni je gseh ha. warum ich mir de abfall no atue weissi amigs au nid.

Leider nöd so vill aktuells gseh, aber dä Thor isch jetzt würkli no luschtig.

O_O hat geschrieben:Kung Fu Panda 2, gröscht müll woni je gseh ha. warum ich mir de abfall no atue weissi amigs au nid.

nöd würkli oder :typej:

Lol de zweit also au lieber noed luege?

Sylvara hat geschrieben: horrible bosses :typej:

hoffsch, dass er nur en zehntel so guet isch wie office space und dänn das. würkli voll d'äntüschig.

green lantern hät mich au zimli enttüscht. us däm film hättsch soviel chöne mache...

Green Lantern isch schrecklich!
Green Hornet söll o nid grad dr börner gsi sii...

Tatsujin hat geschrieben:Lol de zweit also au lieber noed luege?

so'n seich. beidi unbedingt luege, sägi dir doch scholang

horrible bosses isch mega! was isch genau nöd guet dra? de film isch uhuere luschtig

h4xX0r hat geschrieben:horrible bosses isch mega! was isch genau nöd guet dra? de film isch uhuere luschtig

gsehn ich genau glich!

green hornet
battle los angeles

und na circa 7464 anderi, leider!

h4xX0r hat geschrieben:horrible bosses isch mega! was isch genau nöd guet dra? de film isch uhuere luschtig

längwilige slapstick und längwiligi performances - es hätt eifach viel meh chönne sii.
ds thema an sich wär ja schön makaber, aber es isch recht flach usecho, findi. niemert isch bsunders sympathisch und dr humor isch o nid grad grosses kino.
und dr Jamie Foxx isch e nette "prop" als 0815 black gansta - dr Snoop het wohl grad kei zyt gha.

usserdem han ich langsam gnueg vom Bateman i irgendwelche comedy rolle, wo er immer genau gliich spielt.