The(G)Forum

Holyyy!! Hed nie denkt das es so en krassi Umstellig wird vo Windwos zu Mac. Am Afang hani also nur gfluecht...

Kennt öber gd es guets Tool wieme die Magic Mouse chli schneller ane bringt? Mousezoom hed soguet wie nix brocht und USB Overdrive macht d Gestene kabutt.

Usserdem bringis irgendwie nid fertig en Datei inne andere Ordner ds verschiebe, also "ausschneiden".

Bin iz ds müed für 1000 wiiteri froge, aber wer do inne wer so nett mr emol es paar Sache ds beantworte wenni em e PM mache würd?

Am beschte bsuechsch en Kurs im ne App Store.
Das mit USB Overdrive und anderne üble Hacks würdi sofort sii laa. Die Tools stammed usere Ziit, wos um Mac OS no ganz anderscht usgseh hät.

Under de Maus Einstellungen chasch d Muuseigeschafte ändere.
Mac OS understützt übrigens au "Mouse Acceleration" (Windows ja au, allerdings mitemene andere Wert, was vielne am Aafang bim Switch müe macht). D.h. je fetschter, dass d Muus beschlüünigsch, desto mee Bildschirmstrecki pro cm leisch zrugg.

Zu dinere zweite Fraag: zieh eifach d Files vo eim Ordner in andere. Damit verschiebsch Files. (BTW, mit Verschiebe + Alt kopiersch sie in Zielordner.)

Aber im ernscht: mach en Aafängerkurs. Entweder uf der Apple site oder im ne Store.

Ah ja: und bevor 102120 Programm installiersch, wo der irgendwelchi "Experte" säged, du mösstisch sie installiere, frag gschieder numal da im Forum nache.
Es isch unglaublich, was für Blödsinn me i de verschiedene Forene liest.

als ersts würd ich en antivir chaufe, ich weisses ich bin expert.

O_O hat geschrieben:chaufe

bis iz hani nur es paar Programmi woni scho kenne installiert und ds Office for Mac 2011 *kauft*

wemmr scho debi sind, was gids denn für gueti proggis wo eum ds lebe als Macianer vereifache, bzw, geili tools etc?

Chunnt druf aa, was bruuchsch:
Ich würd z.B. mal en Blick ufe Automator waage: im Netz finsch es paar Tutorials derzue. Mit dem Ding chasch Lego mässig Skripts schriibe, wo eim u.U. ds Läbe starch vereifached (z.B. tuen all Film i dem Ordner mit Handbrake eso konvertiere, dass sie ufm iPhone abspielbar sind.)

Versuech zerscht, die bestehende Features uusdsprobiere. Weme z.B. Thunderbird anstelle vo Apple Mail chan verwände, isch mir bis hüt nüd ganz klar (ussert öpper benutzt es Plugin, woni no nie dervo ghört han)

Was ich meischtens installiere isch zimli spezifisch: XLD, wils eifach es phantastisches Tool zum erzüüge vo FLACs isch, Handbrake, wills sehr guet isch, um Film ds Encode, Textwrangler, wils en super Texteditor isch, Perian, wills ds Quicktime bruuchbar macht, Mplayer X, wiler 12030 besser als VLC isch...

Hmm han iz nid ganz alles verstande, Skripts schribe uso chani glaub nid würklech...^^

Was macht denn de Mplayer X sovil besser als de VLC, verzell?

Also ich han glaub au nid würklich "tools" im Isatz... jedes Programm woni zuäsätzlich zum OS und de scho vorhandene Programm installiert han, hed en bestimmtä Zweck, und folglich bruchtmers au nid, wemer de Zweck gar nid erfüllt brucht, logisch.

Weg de Skripts: probiersches am beschte mal mitere Demo vo de Apple-Site: der Automator isch in Mac OS integriert. Woner viel chan hälfe, isch bi so Sache wie "Dateie umbenenne" etc.
Der VLC als ganze isch i de letschte Jahr e chli ufm abstiigende Ascht, wenn ihn nur deshalb bruuchsch, um Film ds luege, wo ke Codec derfür hesch: 1080p Film chönd ruckle, d Undertitel mached ab und zue problem.

Der Mplayer X isch det dure phantastisch: liest alles ohni Rukle und isch sehr übersichtlich.

Gits ize eigentlech ändlech d'Müglechkeit, bi Thunderbird d'Konversatione wie bir Gmail-Onlineversion zämezfasse we sie die gliichi Überschrift hei?
Närvt angers, weme sech mau dr Komfort vom Gmail-Layout aagwahnet hett. Bsunders bi dutzende Mails täglech.

ds Apple Mail macht das automatisch, we Gmail.

Für der Thunderbird gits Es Addon

de topictitel nervt. gogo uriel

Cha mier schnell öppert helfe?

Immer, wenn ich z.B. usem Mail-Programm es PDF abelade, denn hänkt de Mac hindedra d'Endig ".flv" ane (z.B. "okt.pdf.flv" statt "okt.pdf"). Ich muess das denn vo go Hand go abschniide. Was lauft da falsch?

O_O hat geschrieben:Cha mier schnell öppert helfe?

Immer, wenn ich z.B. usem Mail-Programm es PDF abelade, denn hänkt de Mac hindedra d'Endig ".flv" ane (z.B. "okt.pdf.flv" statt "okt.pdf"). Ich muess das denn vo go Hand go abschniide. Was lauft da falsch?

voll komsich etz, hani also au no nie gha. aber ich han ebe au kein mac. viellicht liits ebe genau da drah. aber ich weiss es also nöd gnau.

dejavu

O_O hat geschrieben:Cha mier schnell öppert helfe?

Immer, wenn ich z.B. usem Mail-Programm es PDF abelade, denn hänkt de Mac hindedra d'Endig ".flv" ane (z.B. "okt.pdf.flv" statt "okt.pdf"). Ich muess das denn vo go Hand go abschniide. Was lauft da falsch?

Häsch irgend es Plugin installiert für Flash? ich han nu nie vo dem Problem ghört.
Speicherisch ds PDF, indem en Rächtsklick druf machsch? änderet sich öppis, wenn "save to "downloads" statt "save attachment" wählsch?

2. Wenn der Zeiger überem abeladbare File staa lahsch: we luutet der MIME Type? Es git neuerdings so "luschtigi Tools" mit dene Du dini PDFs zu Flashfilmli chasch mache.

Huii geschtr hani mi chli überschätzt..han de Photoshop wölle röiberle, ner hani sone Aleitig befolgt woni am Terminal so verschidenes züg ha müesse igä und innekopiere...schlussendlech heds nid klappt und i hans widr si lo. Isch nix passiert, aber es sind die ganz Ziit so Warnigsmeldige cho bi dem Terminal, hani da iz was verstellt odr so?

d'glaschugle meint din mac explodiert i 3 täg.

mousch hat geschrieben:Huii geschtr hani mi chli überschätzt..han de Photoshop wölle röiberle, ner hani sone Aleitig befolgt woni am Terminal so verschidenes züg ha müesse igä und innekopiere...schlussendlech heds nid klappt und i hans widr si lo. Isch nix passiert, aber es sind die ganz Ziit so Warnigsmeldige cho bi dem Terminal, hani da iz was verstellt odr so?

Hei, hesch vermuetli nüd, ke Angscht.

Ich nim aa, du hesch d "Hosts" Datei welle modifiziere. Deshalb au d Warnige. Was du gmacht hettisch, wär alles, wo an Photoshop wil heitelefoniere (um ds überprüefe, dass legitimi software iisetze tuesch) is "nirvana" ds füehre - e recht eleganti Methode, Photoshop ds verwände, wills ke Crack/ zuesätzlichi Software benötigt.

statt ufem Mac wiiterhin räuberla wia uf Windows tuasch gschieder, Gimp installiere... http://www.heise.de/software/download/gimp/4678" onclick="window.open(this.href);return false; - längt imo für öppe alles.

... oder suachsch dr a Studi wo dir PS für chli meh als 200.- bsorgt

Füre Mac gits btw. das uf GIMP basierende, ziemli guete Seashore
Für schnelli Photo Edits langet mir allerdings s iPhoto scho lang.

lol mäc


No Spam Edit

Uriel

mac isch so 1997

No Spam in Hilfstopics. Wenner wänd diskutiere, mached e neus Topic uuf.

Uriel