zwirrlibatz hat geschrieben:Gurgelhals hat geschrieben:Grüenliberali sind mer irgendwie unheimlich.
evtl nur wälleriiter. würd mich überrasche wenn die durchwegs konsequänt bliibe je nach trend.
De Windfahne-Verdacht han bi dene ich weniger. Ich gsehne bi de GLP-Kandidate meh so chli s'"höcheri Bildig plus beschränkte Horizont"-Syndrom. Das produziert kei Windfahne, sondern hochspezialisierti Fachidiote mit ere starch igschränkte resp. nöd vorhandene Fähigkeit zur kritische (Selbst-)Reflexion. Siehe ebe grad de Bäumle: En aalglatte Technokrat mit eme Wahrnehmigsfäld, wo derartig kalibriert sich, dass selbstverständlich sowohl s'Problem wie au d'Lösig dezue immer sch vo vornherein total klar sind und's eigentlich au gar nüt meh z'diskutiere gitt. Mit däre Methode chasch viellicht es Hochuus oder e Brugg baue, wo nöd zämekracht, oder e Software schriibe, wo en bestimmte Job ziemlich zuverlässig erlediget. Aber Politik isch das nonig, jedefalls no kei gueti.
Jänu, d'Diener han ich glich gwählt. Aber au nume zum de Blaucher z'verhindere. Bim Gutzwiller han ich's hingäge bim beschte Wille nöd über mich bracht, dem sin Name uf de Wahlzättel z'schriibe.