The(G)Forum

no ei Wuche, denn isch die Staffle ändlich fertig

Die meischte erfolgriche Serie hetmer späteschtens nach Staffle 7 stärbe lo. Das händs villicht au bi Walking Dead vorgha, nur händs offebar vergässe d'Kameras abzschalte. :typej:

aber scho chli en shocker gsi geschter ned?

Alpha het ufgrumt!

Master(G) hat geschrieben:aber scho chli en shocker gsi geschter ned?

häts wohl sölle si. Aber komischerwis hets mi überhaupt nit gschockt. Sind alles Charaktere gseh womer nit bsunders nöch gange sind. Und die ganz Folg mit dene beide Zitebene isch zimlich schlächt gschnitte gseh, was de Höhepunkt am Schluss für mi belanglos het lo usgseh. Dezue chunnt, dass ich die Freaks mit dere blöde Mueter als Afüherer pers se scho lächerlich find. Wenn die s'Mul ufmacht möchti am liebschte de Ton abschtelle.

Das isch so kei Verglich zum Negan. DE het mi gschockt damals!

What he says!

Wie mer eine vo de grosse Pünkt vom Comic so schlecht het chönne it Serie umsetze.
Will sich d Serie macher so vertue hent mit wichtige Charaktere ifüehere und unwichtigi Charaktere defür ineztue.

Ich kenn ja d'Comics nur vom höre sage. Drum hanis scho mol schad gfunde, dass sich die "intelligänte" Zombies ändi letschti Staffle als maskierti Mensche usegschtellt händ. finde, e "wahri Evolution", also dass Zombies tatsächlich dezuelerne und gföhrlicher wärde, hätt es gwüsses Potenzial. Oder au das mit dene geheimnisvolle Militärtype wo de Rick abgholt händ in sinere letschte Folg.

s Guete dra isch ja, dass mer a sich sogar da vo de Comics het chönne überneh und es au düütlich meh Sinn gmacht het, statt 2 type zneh, wo mer sit letschter Folg s erst mal gseh het.

Und joa i bi mer ziemli sicher, das mit de militärtype wird höchstens ufklärt, falls de rick sich doch no defür entscheidet zum witermache

DeftOne hat geschrieben:Und joa i bi mer ziemli sicher, das mit de militärtype wird höchstens ufklärt, falls de rick sich doch no defür entscheidet zum witermache

gsehni aus so. Jokercharte wo sie usspiele wenn d'Quote ändgültig im Chäller sind. Denn am Rick viel Batzeli biete und hoffe er mag namol

omg das Finale: :typej:

wär ghofft het, das kapitel mit de Lädergsichtmöngels seg ändlich usgschtande, het sini Rächnig ohni d'Produzänte gmacht, wo wiedermol dr Meinig sind, das isch so toll gseh, das chamer no uf ei witeri und wär weiss viellicht sogar zwei witeri Staffle strecke.

Ei Quotesprützi isch bereits plant für die nächschti Staffle:
Sie wännd de Glenn zruckbringe in Form vo Flashbacks

all am verfrüre im blizzard, aber die ledergsichtsmöngel, vo dene gsehsch und ghörsch natürli nix. die müsstet all im schnee verfrore si i ihrem wäldliplatz.
und das dumme meitli, tuet immer so klever, rennt denn aber in blizzard zum de dumm hund sueche. logisch! :typej:

sie hättet gschieder die letscht episode als finale gno...

Das mit em Blizzard isch iegentlich no sbescht gseh. Chönnt mer mit viel goodwill als Homage an Game Of Thrones gseh.
Aber spöteschtens ide letschte 3 Minute, wo d'Alpha vom Beta ade Ärm "uspeitscht" worde isch, um sich für die grossi Herusforderig vorzbereite, hani nüm gwüsst ob i söll schallend lache oder besser grad ganz abschtelle.

Master(G) hat geschrieben:sie hättet gschieder die letscht episode als finale gno...

Da gib ich dir rächt. Es hätti für mi zwar kei Ifluss gha uf der Gsamtidruck vo dere Staffle, aber fürs Finale wärs tatsächlich besser gseh

:typej: isch es guet jetzt... pls staaph

Bi itz i de 8. Staffle und lueges eigentlich nur no wägem Negan. Cha mi öper hert spoilere und säge öb er d s9 überlebt? Ich tue mer de mittlerwile grossi Abfall nur no ungern ah. Für de Negan machis.

ja, er überläbt
Und freu di: Season 9 wird no viel dümmer. Vor allem die zweiti Helfti

The Sheep hat geschrieben:ja, er überläbt
Und freu di: Season 9 wird no viel dümmer. Vor allem die zweiti Helfti

No tümmer chas fascht nid wärde, ich nime praktisch nüt meh ernscht sit s7. Also hochstehend isches ja nie gsi, aber meischtens sehr underhaltsam. Ich hoffe es sterbed alli ussert de Negan und de Daryl. De Shane sett au no läbe recht tumm hends de so früe la sterbe, eine vo de gschide Charaktere isch er gsii.

Spoiler zum Negan gmäss Comics:

Er wird no sehr lang nöd sterbe, da er sehr wichtig wird für di nöchst bzw. nöchste Staffle, ussert sie haltet sich wie au be de ''Schockerszene'' nöd at Comics

Erschti Helfti "Fear the Walking Dead" Season 5 bisher ganz ok gseh. Bis uf die Sach mit em AKW Meltdown. Wemer churtz devor "Chernobyl" vo HBO gseh het, wirkt das da absolut lächerlich. Aber dennoch, i finds verzeihbar. wil d'storis sind guet. Bin gspanne was jetzt ab Ep.09 chunnt. hoffe dass sis nit wieder versaue, wil sie s'gfühl händ sie müesset mehr action dri bringe.

hans unfassbar langwiilig gfunde. wenns so wiiter gad, höri uf luege. (wahrschiinlich ja denn glich nöd, wie scho bi WD )

Staffle 10 wird wohl (vorerscht) mit Folg 15 fertig si, will si post production vo der letschte Folg wäge Corona nit rächtzitig fertig brocht händ

Surprise für die wos nit verfolgt händ (me included):
Staffle 10 isch chürzlich doch erwiteret worde. Aktuell sinds bi Episode 19

The Sheep hat geschrieben:Surprise für die wos nit verfolgt händ (me included):
Staffle 10 isch chürzlich doch erwiteret worde. Aktuell sinds bi Episode 19

18+19 hani no easy gfunde. So chle Abentür, Natur, hänge ond eis trinke.
Aber....
20 esch absolute Dräck gsi. Tüfpunkt bi TWD. Werd secher weder besser. Season Final met Negan.

Unseen hat geschrieben:Werd secher weder besser.

wo dä glenn und dä abraham gange sind ischs für mich verbii gsi. dänn hani ahgfangä dä comic zläsä. dänn hani mich gschämt d serie gluegt zha.