The(G)Forum

No Brutiger als 2? Geit das überhoupt? Für mi isch z 1 ou le King! Irgendwie passt dert alles zämä für mi. Story, Monster, z Setting, d Mucke. Eifach viel Fleesch am Chnoche. Ha glich Freud gha wie damals bim Ocarina of Time ufem 64i!! Ide Top Ten vo mine Lieblingsgame ever z NG1. Z 2 findi ou guet. Halt fasch z wild und z abgfahre mit dene Werewölf, schwaule Engel und dr absurde Gschicht. Und d Kamera. D Kamera!!! Mann hett mi die ufgregt dazumal! No schlimmer als im 1! Grad dert wo gäge die 2 Gürteltier fightisch... :typej: Aber süsch scho en nice Zock. Hett mi aber ni so packt wie z 1. irgendwie nid so mystisch inecho. Und keni geile Cutscenes!!

Aja, Doom Eternal uf Albtraum beendet! Macht scho uhuuuuueren Laune das Game!! Eigentlich ou en Kandidat für id Top Ten! Ob meh das cha toppe???

Kamera i de ninja gaiden sind die wahri feinde und nid monschter.

@doometernal:

Uf normal hets mir glänget, i bi scho chli zu alt für so extrem hektisches zeug. Das addon sigi nomal brutaler i sache schwierigkeitsgrad sii.

OHHH JA! D Addons si en richtigi Fuscht id Fretze! Da isch z normale Spil grad en Spaziergang...ou ufem schwirigschte... Gegner ohni Endi und uf Alptraum würkli en ALPTRAUM!!! Aber halt ou no geil vor Story. Muesme scho ou zöckle.

Aja, gäb no Ultra-Alptraum oder so. Eifach z gliche uf Alptraum mitem Twist, das nume 1 Läbe hesch. Also wenn stirbsch, was ja nid unüblech isch hie, chasch alles wider vo vorne afah... Wohl bekomms... :typej:

Super Mario World

Tails of Iron

Giana Sisters uf em C64

Ich han Wolfenstein II - The New Colosus hüt Story fertig zockt.
Nazis kille, immer guet. D'Charaktere händ all en Schuss ab, bsunders d'Nazis. De Irrsinn chunt recht guet übere.
Jetzt no paar Überkommandante, go ufspüre mit de Enigma Codes. Das isch relativ spaht freigschalte worde, ha scho denkt gha ich heig was verpasst.
100% machi wohl nöd, meh chan glaub au nöd würkli alles replaye. Oder ich hans nöd checked wie.

Endlich mal wieder was "aktuellers" chönne zocke. Leider uf Konsole mit controller, ich ha mi aber relativ schnell drah gwönnt. Dennoch Mouse/Kbd wär scho geiler für en Shooter, isch eifach intuitiver. Aber kei HW, de letscht Shooter wohni ufmeh Pc gamed han isch Tchernobyl gsi, wobi döt isch mini chischte am limit gsi und het gli mal de geischt ufghe. AMD Athlon XP 800Mhz, glaub mitem Athlon händs s'erschtmal Intel versaged gha, de Prozi isch aber dänn scho paar jährli alt gsi.

Gester müse neo turf masters fertig spile.
und outrun uf em gba - viel eifacher als arcade version

Phantasy Star 4 MD mini

fifi hat geschrieben: ↑02 Jan 2022 20:59 Leider uf Konsole mit controller, ich ha mi aber relativ schnell drah gwönnt.

Es hät glaubs kei guets auto-aim wases chli müesam macht zum ziele. Mit dä muus isch mer halt besser im gnau ziele. Anderi konsole-egoshooter stüüret sich besser mit em pad findi.

Hans au es guets spiel gfunde und gern durezockt. ich hans ufem switch games wo mer no d'möglichkeit vo dä bewegigstüürig zum ziele hät. Die isch aber au nöd so toll.

Bi fast allne andere ego shooter findi d'auto aim funktion guet, dassis sogar lieber mit em controller als dä muus spiele.

turntablism hat geschrieben: ↑01 Jan 2022 22:39 Giana Sisters uf em C64

ganz dure? alles?

hanf hat geschrieben: ↑06 Jan 2022 15:25

turntablism hat geschrieben: ↑01 Jan 2022 22:39 Giana Sisters uf em C64

ganz dure? alles?

Ja, aso emulator und mit paar warpzones
Legende games. C64, amiga, gianas return und das uf em nintendo ds findi au no super.
Isch ja eigentlich lustig dass d amiga version weg me angebliche rechtsstriit mit nintendo us de regal verschwunde isch, und jahre spöter chasch es remake gianna ds für de nds chaufe.

si händ ebä dä ersti level nahezu 1:1 nahmodeliert. das hät damals d'richter derzue veraalasst das als ä kopie vo geistigem eigetum aazluege...

hanf hat geschrieben: ↑06 Jan 2022 15:24

fifi hat geschrieben: ↑02 Jan 2022 20:59 Leider uf Konsole mit controller, ich ha mi aber relativ schnell drah gwönnt.

Es hät glaubs kei guets auto-aim wases chli müesam macht zum ziele. Mit dä muus isch mer halt besser im gnau ziele. Anderi konsole-egoshooter stüüret sich besser mit em pad findi.

Hans au es guets spiel gfunde und gern durezockt. ich hans ufem switch games wo mer no d'möglichkeit vo dä bewegigstüürig zum ziele hät. Die isch aber au nöd so toll.

Bi fast allne andere ego shooter findi d'auto aim funktion guet, dassis sogar lieber mit em controller als dä muus spiele.

Dr new colossus hani weniger guet gfunge als dr vorgönger, isch aber a sehr solide shooter.

Auto aim schalteni immer us, ou wenni mit dem pad chum cha ziele. Es het mir immer gstoert, dass wenn i hingerem egge füre luege, ds zielkreuz weg/nache zoge het.

Watch Dogs 2

sitt glaub 2 jahr hani das uf de platte. nonig fertig lol. lohnt sichs?

Master(G) hat geschrieben: ↑10 Jan 2022 20:11 sitt glaub 2 jahr hani das uf de platte. nonig fertig lol. lohnt sichs?

Ich has super gfunde, s einzig wo ich gspielt han.

FF VII uf em Switch.

The Wild at Heart, super gsi.

han in dere wuche gspielt

resi 2 beidi weg remake
resi 3
resi 7 bini no dra
und am schluss no village

han ja gnueg zit kha in isolation

voll d'resi week in isolation!
i bi derfür nomau bi dir obe gsi am skiiiilä!

Double Dragon (NES)
scho chli anderi Arcade Umsetzig

^^^ Yeah, Double Dragon! I finge ds NES Umsetzig scho besser aus d Arcade Version. Arcade isch scho bitz langsam und "clunky".

Geschter Tetris Effect gspielt. Adventure mode uf normal bim 1. Versuech ohni ds stärbe gschafft. När no Adventure Mode in Expert o bim 1. Versuech ohni ds stärbe gschafft.

Jones hat geschrieben: ↑14 Jan 2022 07:56 voll d'resi week in isolation!
i bi derfür nomau bi dir obe gsi am skiiiilä!

jetzt bini wieder frei, nächst mal gömer eis gah suufe