The(G)Forum

Mahjong Gakuensai Saturn NTSC-J

Ich bin de Vorsteher vom Fotografie Club anere Schuel und frag d Lehrerin, ob ich fürs Abschlussfäscht chan gschmackvolli erotischi Fotos mache. Sie erlaubts mir und ich begah mich uf min Quest, zum gege verschiedeni Persone Mahjong spiele. Wenn ich gwünn, chan ich es Foti mache. Je nach dem mit wieviel Pünkt ich gwünn, isch d pose erotischer (zumindest verstah ich das so, chas nid überprüefe, da ich nonid mehrfach geg die gliech person han chöne atrete). Meh kämpft au gege männer, wo denn ihre Schnappschüss abgänd, wenns verlüret.

Plot des Jahrhunderts

S Mahjong spiel an sich (das wo mich eigentlich interessiert, fraue wo sich usziehnd sind nur en nette bonus ) isch sehr simple ghalte. es chunt abgseh vode uswürkige ufd fotos nid druf a, wie hoch meh gwünnt. drum eifach schnellst möglich gwünne. meh chan au bim einarmige bandit oder durch de itusch vo fotene pünkt hole, womit meh cheats fürs mahjong spiel chan freischalte (z.B. besseri händ, extra lebe, usw.).

super plot, aber gitt eh no einigi "strip" majong spiel, oder?
chasch eigentlich guet spille? hät mers dir deht erchlärt, oder wie häschs glernt?

ich kenns hauptsächlich vo akagi und koizumi. darum känni di meischte regle nöd, würds aber gern mal lerne.

Strip Mahjong Kenni bisher nur für PC Engine, aber ha gseh ufem Saturn gits o öpe 30 verschiedeni Mahjong Games. Mues mi de o mau chlei dermit beschäftige.
Ufem Game Boy gits es Mahjong Game Janshirou, dert si d Gägner der Jackie Chan, Arnie als Terminator, Rambo, Robocop, etc, das isch ono witzig.

Starblade
Has scho paar jahr nümm gspillt und finds genial.
Ich bin scho immer abgfahre uf die grafik. so xevious 3d/g, starfox, solvalou mässig.
Ziemlich churzwilig und faszinierend.

uf was häsch Starblade gspielt? D'Wii Version isch super, gitts aber nume JP. Im Tekken 5 häts d'Arcade Version, au super. Finds au guet ab und zu, hans s'erscht mal uf de PSX gamet gha, dött findi eifach Stürig mit eme Digipad nöd so de Hit. Z'Winterthur häts i de 90er Jahr mal de riesig 4 Player gha mit Projektionsscreen....weis nöme wie die Spielhalle gheisse hät, isch aber no guet gsii.

Gunhed / PC Engine
Huet wieder mal probiert und in Level 8 cho, de Blubber Level.
Eifach guete Zock.

Zelda Orcania of Time,Switch.
Im 2. dungeon als erwachsener Link.

racing lagoon uf d ps1...endli all kapitel in englisch..geils game.klari empfehlig..bin ez im 5 kapitel

Da no bilder vom Mahjong Gakuensai Saturn





Jez spiel ich Tilk, es tactical rpg ufem schachbrett:

sirarthur hat geschrieben: ↑14 Nov 2021 17:07 uf was häsch Starblade gspielt?

Sega cd


Hüt pilot wings bis zum helikopter mission.
Und cobra triangle - unglaublich schwer vor em 3 Boss

geschter "Mini Game Session" gha z'foifte höch (de FADE esch debi gsi). Folgendes hämmer zockt ond so esch es acho:

Tower of Rubble - Atari 2600
erstmals chönne inere grössere Rondi zocke. Wini erwartet ha: es esch super acho. Gueti VCS-hombrew-Games sind einfach öpis vom beschte wos giht för en Game Night will "instant pick-up style" ond ideal för en 30-60 Minute-Zock. Wertig 9/10

Micro Machines V3 - PS1
s'erst ond einzig Micro Machines wo mer häd chönne mit 6 Lüüt ond imene Team-Modus zocke. D'Erwartige sind höch gsi ond leider schnell verlore gange. D'MegaDrive ond SNES Versione sind besser! D'Grafik vo de Ps1 häd das Game eifach ned passend änebrocht: zu hektisch, z'schnell ond z'onübersichtlich (es macht eifach kä Spass, wenn mer immer nor 1,5 Sek. am Läbe isch). D'Menü-Optione wärid super, aber wenn de Chern vom Game ned verthäbt bringts nix. Schaad. Wertig 5/10
(By the way: aber as Motoroader MC of de PC-Engine chon eh nix äne! Nur s'Mario Kart no)

Bomberman 94 - PC-Engine
Brucht mer ned vell tzäge. Näbscht de Saturn-Version immer no di bescht Version ond eis vo de beschte 3 offline-Multiplayer-Games bis zom Endi vo de Welt. Wertig 10/10.
(By the way: mer händs ofeme "Aliexpress-Everdrive" zockt: 700 games fix droff, nach 6 Täg gliefered!!... s'Menü esch scheisse ond öppe 10% vo de Games laufid ned bzw. sind öppe 30% doppelt droff, aber lohnt sech glich för die 30 Stotz wos choschtet)

Densha de Go Plug and Play - Standalone Konsole
Es esch sehr wetzig. Zwar nor es Single-Player-Game, aber eis vo däne, wo au zueluege Spass macht. Hätti ned tänkt, dass Zögli-Fahre cha loschtig sie. Schaad esch, dass mer niä ganz all Regle kapiert, wills im Internet gopfertori kei 1-zo-1-Übersetzige vo de Manuals giht. Wertig 7/10
(By the way: di version do esch en HD-Adaption vo de PS2-Version "Densha de Go FINAL". Ech tänke, s'esch eini vo de zuegänglichere Versione. Am ehnschte wörd mi nor no d'Switch-Version reize, aber mit Spezial-Controller zäme choschte das Zeug immer grad 200-300 Stutz!)

PES 2004 - PS2
Eis vo de bessere "Party-Fuessball-Games", wells nonig so komplex esch. Aber mer brucht halt au scho öppe 4-6 Taschte, zom einigermasse s'Spielerlebnis usehole. Das esch vör es Party-Game de halt glich schnell zu komplex. Aber was de Hammer esch sind d'Menüihstellige ond s'Elfmeter-Schiesse. Wertig 6/10

FIFA2000 - PS1
Has scho paar mol erwähnt do ond chas immer wieder säge. Eis vo de beschte "Party-Fuessball" ever, will so eifach zom antizipiere esch. "Plug&Play" au för Newcomers, viel Goals, viel Action. S'esch eher Arcade-Style. S'einzig wo of de Sack goht mit die Ziit esch de Robbie Williams Sound . Wertig 9/10

Athen 2004 - PS2
Wenn es Olympia-Game, dä das!! Es isch besser als Track & Field, besser als Winter Heat, besser als d'RTL-Games... es super Mix os eifache ond biz komplexere Diszipline, grad rechtig im Schwierigkeitsgrad för "Partystyle", super Menüfüehrig, Benuzerdefinierti Ihstellige ond Speichere ond ganz wichtig ond oft underschätzt: mer cha d'Taschtefunktione pro Disziplin im Pause-Modus jederziit nomol go ahluege . "Bogenschiessen" esch eine vo de Hits of däm Game. Wertig 9/10

Tilk dure, d ladeziite sind chli lang. susch hets spass gmacht.

am wucheend no chli Wo ist Walter ufem SFC gspielt

Bakuretsu Hunter R Saturn NTSC-J duregspielt. Entdüüschend, ca. 2h, gar kas richtigs RPG.

Jez wieder mit Tengai Makyo 4th Apocalypse agfange. es isch eifach mega.

bakuretsu hunter isch doch es englisch-lern spiel für japaner.

Hüt unglaublich lang super metroid. Jetz mussi e charte zur hilf näh zums fertig spile

ich fräg mich wie das lüüt ohni komplettlösig chönd durespiele...

böh. min brüeder hät damals selber level chartene zeichnet is schuelheft.

hanf hat geschrieben: ↑01 Dez 2021 13:09 ich fräg mich wie das lüüt ohni komplettlösig chönd durespiele...

das gaht scho wenn gnueg ziit häsch
ich finds geil, huere geil, grad so geil wie das uf em nes, wenn nöd no geiler.
bis ich de huere grappling beam gfunde ha...und geschter denn endlich chöne mit dem, dä wavebeam go hole.
hüt hani leider kei ziit zum spile

chli gta 3 und burnout 2 & 3. crash mode und takedowns.

wer hät super metroid fertig gspillt ?
langsam stressts mi. de verdammti sprung d'wänd ufe schaffi nöd, 1,2 mal denn flügi wider abe.
und chan mir eine säge warum bi dem video bi minute 1:27 de typ dört chan easy ufegumpe und bi mir lauft in ziitlupe wie wenn ich liim a de füess hätti ? https://www.youtube.com/watch?v=IA4fM1aNjgo

wägem wandsprung: mer mues ebä zerst vo dä wand wegdrucke und erst denn gumpe. ich glaubs wämmer vo dä wand wegdruckt gits eis ganz bestimmts frame womer denn mues gumpe drucke... isch halt andersch ales hüt normal isch. ich hans au nie richtig anebracht später hät mers mir denn mal erklärt...

Mastler(P) hat geschrieben: ↑02 Dez 2021 16:58 chli gta 3 und burnout 2 & 3. crash mode und takedowns.

burnout 3 isch en ächte überraschigshit gsi. finds immer no eis vo dä beste spiel vo dere art...

https://culturedvultures.com/ranking-bu ... orst-best/
bisch nöd dä einzig mit derä meinig.

ha die scho ewigs nüm gspillt. bin nöd gross dä race, oder sport gamer.
has damals aber vom kolleg usglehnt und au recht super gfunde. vorallem halt ebe wills einiges anders macht und mit gimmick daherchunt. so chasch mich bi sötige games hebe.

@turntablism: Videoquali ishc schlecht, ich nimm aber ah du meinsch unter Wasser häsch du liim a de füess.
Erscht mit em richtige azug bisch under wasser normalshcnell und au jumpe gaht normal.

Walljump, de hanf hätt recht. Zerscht id gegerichtig drucke und den ersch de jömp bötten drucke. Und ja es isch eis frame!
De erchlärts guet:
https://www.youtube.com/watch?v=Xw_AULavpQU

Hey genau..dr gravity suite hani etz au gfunde. Thanks ! Das machts in maridia einiges eifacher. Mit em walljump chunts au langsam. Isch halt eifach wichtig dass nur horizontal stürsch, links / rechts und nöd no bitz ufe oder abe am stürchrüz chratzisch.
Shit, ha gmeint ich has schneller durre....wird wohl nochli duurä.