The(G)Forum

joe_higashi hat geschrieben: ↑12 Apr 2021 07:09 return of double dragon - kencho hacks snes durre gspielt..scho geils game

immer wieder han ichs bim kolleg gspillt früehner ufm snes. sicher meh als jedes andere.
es guete isch mir sind zweite meischtens bis zum endboss cho.

gaht mir genau so, hans erschte double dragon ufm nes mitm nachbar gsuchtet und den spaeter s return ufm super famicom.
allei isches recht schwierig bis zum endboss zcho. d hack isch super, bessers timing, s blocke und d schlaeg sitzet meh.

es erschte han ich ebe fasch nur allei gspillt und glaubs au nachdem ich s super dd scho gspillt ha.
han glaubs immerno es poster vom super dragon.

hends wuerkli geil gmacht gha. top 80er style. vodem choendets ruhig mal s "remake" oder so usehaue ala streets of rage.

Finge Super Double Dragon bzw. s Return o nes super Game. Die schlächte Bewertige dennzumaus hani nid chönne nachevollzieh. Genials Moveset, cooli Gegner und Locations und die tolli Musig macht dass ig das immer wieder cha spile. Ds Moveset sorgt für dermasse viu Abwächslig so dass es immer wieder Spass macht. Spili lieber aus z. B. Final Fight, wo zwar d Grafik überläge isch, aber me nur sehr wenig Moves cha. Git nüt schöners aus der Clown verdresche oder mitem Nunchaku uf ds Gsindel iprügle. Der Soundeffekt bim ne Träffer von Nunchaku isch sooo befriedigend.

genau. sound, stührig, moveset und level design: cool. und immer die "ühaa" grüsch wenns schlasch oder wenn sie ko göhnd sind eifach ikonisch.

Ja stimmt, der Sterbe-Sound isch so guet! So tönts vermuetli würklech wemmer eine ds tod schlat.

Das mitem Moveset isch schad het das nie e angeri Bude gschnaut, dass es sones Game ersch richtig genial macht wemme so viel Abwächslig het zum Gegner vermiesche. Scho DD2 ufem NES het mit nur 2 Action Buttons so nes geils Moveset, so dass es immer wieder e Freud isch.

wow, gseht no schön uss!! Hann i gar nid kennt. Wie spielt sichs?

mr.raw hat geschrieben: ↑29 Apr 2021 08:10 wow, gseht no schön uss!! Hann i gar nid kennt. Wie spielt sichs?

naja, viel spielerische tüüfi hets nöd. s roller coaster level isch au extrem unfähr, muesch dir merke wenn ducke und wenn gumpe.
aber vode animatione und em witz her lohnts sich

Gester abig, nume bis afangs level 3 (vo 6):







da bini au nid viel wiiter cho:

Mickey Mania ha ich grad vor kurzem uff em MCD zockt. Isch es Hammer Game!!! Und de Sound

Road Runner Death Valley Rally isch uff em SNES sehr sehr schön gmacht...doch spielerisch ha ich d MD Version Desert Demolition um einiges lieber, da vieles vom Humor uss de Cartoons übernoh worde isch.
Übrigends: d Master System Version vo Road Runner isch hütt no guet Spielbar!

gar nid gwüsst dass es roadrunner au für de mega drive git. vermutlich gits kan japan release und drum kenn ichs nöd...

jez hani mitem fire emblem ufem gamecube agfange. das und jenes udfr wii findi beid mega.

Jup, gitts nur uff Pal und glaubs US NTSC. In de Staate sogar sehr erfolgriich gsi.
Khasch beidi Charaktere stüüre. Als Road Runner sehr eifach aber sau luschtig, will me denn die meischte Gags vom Coyote kha gniesse. Als Coyote isch sGame aaspruchsvoller. Me kha vieli Gadgets noche zocke, jedoch wäg dr, leider doch verhunzte Stüürig nid grandios aber guet. Animatione sinn dr Hammer, Umgäbigs Stimmige perfekt uss de Cartoons umgsetzt.

han chli ufm megadrive rent a hero agfange game..englisch sub version..schono witzig...jedoch nach paar stunde isch d luft dusse...

Twinkle Tale

Quelle

Crying

Quelle


Dank em RG351M bini wieder voll im MD Fieber.

twinkle tale isch top

Crying aka Biohazard Battle es super Game. Ghört für mi zu de top 5 MD Shmups.

mr.raw hat geschrieben: ↑07 Mai 2021 08:55
Twinkle Tale

Crying


Dank em RG351M bini wieder voll im MD Fieber.

gsänd beid games huere geil uus. ha beid no niä gschpillt. wätt aber gern!
au de typischi megadrive sound esch eifach cool höttzotags

Mitm Twinkle hani no bitz müeh, o wes geil wär und eigentlech genau mi Stil. Aber bi no nie warm worde dermit. Ds Crying brucht o bitz igwöhnigszit, und d Musig isch gwöhnigsbedürftig aber passend. Bsunders d Gägner und d Levels si aber es Highlight. Ds läbige Rieserumschiff (Level 6) isch der Hammer. Und me chas ds 2. glichzitig zocke!

Bin au siit paar Jahre im Megadrive-Fieber, Twinkle Tale hani letschti kauft aber de Endboss gitt mer de Rest. Vorallem will d'Stage dävor schwer isch und mich rächt abe beated bis ich dete bin, will wändt Powerups verlüürsch häsch eifach nümme gnueg Firepower zum de Hordene chönne entgägeträtte. Es ählichs Game wo zwar no schwerer isch, mir aber eifach meh Spass macht isch Elemental Master, de unfassbar gueti, pumpendi Soundtrack, di geile Waffe und dass d'Gägner genau dänn chömmed, wänn dini Waffe grad häsch chönne zum Powershot uflade - Mega. Ich han immer s'Gfühl "so, jetzt schaffis" lol verrecke dänn aber gliich.

Megadrive isch würkli öppis vom allergeilste überhaupt, ha mir extra es alts Bose Acoustimass series II, 2.1 Set kauft, passt extrem guet zu de Charakteristik vom MD sim Sound. Bin voll de MD Fanboy

crash bandicoot 3 ps1...mal wieder neu agfange..bescht teil vo d serie
batman gameboy ufm rg350m...hans als chind gliebt..went all hidden sache holsch ischs na tricky..super game..
crisis beat ps1...schlechte dynamite deka clon..aber fuer 1mal durre game recht chillig

Du seisch es Marco, Mega Drive isch eifach super.

Elemental Master gfaut mir o viu besser aus Twinkle. Ha aber o für Elemental bitzeli Igwöhnigszit brucht. Am Afang dänks so WOW wie söusch das jemals schaffe. Aber mit der Zit geits erstunlech guet und has när sogar 1cc gschafft. So chlei wie im Thunderforce 3, am Afang blasts eim furt, aber speter wenn de d Levels kennsch, schaffsch sogar 1cc im hard mode.

Gloub es wird mau wieder Zit für chlei MD ds zocke...