The(G)Forum

mich chotzts scho sit ewigkeite aa, dasi zfuul bin zum mini kontene bi de UBS ufzlöse und zunere andere bank zgah. jetzt hetti denn eigentlich zit zum das mache. nur isch d'frag, weli bank isch di g'eignet?

ich wet eigentlich nur es lohn- und ev. no es "spar"-konto machä. wobi sparkonto ja en witz isch mit dene mikrige zinse hützutags. es werded beträg bis höchschtens 50k druf sii, also uninteressant für UBS & CS.

wichtig isch mir au, das di neu bank es tauglichs e-banking system hät. s'login muäs ohni strichlischte gah, das würd mi achotze.

weli bank chasch / würsch du empfehle?

ZKB? (ich wohne z'winti, drum chunt nur diä kantonalbank in frag)
Raiffeisen?
Migros- oder Coop-Bank?
susch eini?

mini fründin will das au mache...sie gaht glaubs zur poscht

ich bin und blieb bide TKB, super

Da d Sarasin nid in Froog kunnt, würd ich d Post nää
E-Banking isch doch recht guet dört. Hebsch d Postcard ins Käschtli und gisch der Pin ii.
ich ha no 40.20 gschänkt kriegt das Joor, well ich zwei Deposit Kontene ha.
"Dividende" fürs Volk

Post???

agestuffer

isch eh alles öppe sgliich. zkb isch kantonal -> ghört ois allne -> gueti idee.

Post super=super. letscht jahr praline und jetzt 20 Frengg 10.

poschtkonto!

Post oder Raiffeisen

tendiäred leider all zu de poscht, so wiäs usgseht. nur - gäg diä hani au e abneigig, kei ahnig warum

Post!

Schummelschumi hat geschrieben:wichtig isch mir au, das di neu bank es tauglichs e-banking system hät. s'login muäs ohni strichlischte gah, das würd mi achotze.

Ich bruch das System scho sit em 1998 (wos no Telegiro PTT gheisse het) und si hei unglaublich viel derzueglernt i dere Zit. Strichliste hei sie vor es paar Johr ersetzt mit em "Karte is Lesegerät inehebe und Nummero wos der git in Browser inetöggele "-System. Find ich persönlich umständlicher, aber defür sind sie wohl für d Phishing-Mafia uninteressant worde.

Post find ich guet wenn eifach dis Geld wotsch dört parkiere und süsch nüt bruchsch vo ihne. Und wenn demit chasch lebe dass di Kundeberater irgendwo im Callcenter hocket. Als Usgliich gits niedrigi Kontogebühre. Und wenn >25'000 Stutz im Monet parkiert hesch machsch en Plus-Set (wo ab dem Betrag au gratisch isch) und de muesch für Bargeldbezüg bi Automate im Usland au nüt meh zahle. (some restrictions apply)

Schummelschumi hat geschrieben:tendiäred leider all zu de poscht, so wiäs usgseht. nur - gäg diä hani au e abneigig, kei ahnig warum

ich würd au eher uf mis buchgfüehl lose als uf herti fakte. bringt di sicher witer.

Raiffeisen

logisch. und dänn no gnosseschafter machä. dänn chasch no ah d'gv mit grossem fressgelage. zusätzlich diversi aktione (museumsitritt etc) und wenn gnosseschafter bisch häsch zuesätzlich no guäti konditione.

EDIT: Ebanking isch super. chasch dir ä sms schicke lah mit em code, wundrbar.

bis jetzt häts eimal än usfall geh (letscht wuchä, lol). aber süscht immer super gsi.

https://www.abs.ch/

Spare was isch das?

uhuere ufwändig, nüt für die fuule: https://www.abs.ch/Default.asp?ID=137&s ... 4215&vis=0

so en seich, cash schiebeder id Süüle 3.a.

de vorig cash hausch uf swissquote. dete chunsch am meischte zinse über.

sus konto bide reiffiise isch fäir. ich han mis kontokorrent sit eh und je bide CS und han au noniä problem gah. aber das isch nöd jedem sis ding.

post würdi vergässe!

Skeletor hat geschrieben:Raiffeisen

die wirds wohl werde!

finde post fren.

e-deposito het 1% zins.

poscht isch au sehr fren vom usland uus.

ah und postfinance app isch natürlech o fren. aber ka öbs für android git

ritschi hat geschrieben:ah und postfinance app isch natürlech o fren. aber ka öbs für android git

cha meh da zahlige mache?

Skeletor hat geschrieben:dänn chasch no ah d'gv mit grossem fressgelage. zusätzlich diversi aktione (museumsitritt etc) und wenn gnosseschafter bisch häsch zuesätzlich no guäti konditione.

das bonusmaterial wirds bir post sicher nie geh. drum chunts immer no druf ah was me vo sim Geldparkier-Betrieb überchunt/resp. erwartet.

Schummelschumi hat geschrieben:

Skeletor hat geschrieben:Raiffeisen

die wirds wohl werde!

bisch dumm???
lug mal, uf raiffeisen.ch gäbeds diä zinssätz a:
- Mitglieder (Profit-)Sparkonto: 0.75%
- Profit Privatkonto: 0.125%
http://www.raiffeisen.ch/raiffeisen/int ... rthur---9A

denn no de wichtig hiiwiis:

Änderungen vorbehalten - gültig ab 01.03.2009 (WTF? gahts au aktueller?)

Bei diesen Angaben handelt es sich um Empfehlungen von Raiffeisen Schweiz an seine Mitgliedsinstitute. Die Zinssatz- und Konditionengestaltung der einzelnen Raiffeisenbanken kann von diesen Empfehlungen abweichen.

drum gälted bi de raiffise winterthur folgendi zinse:
- Mitglider (Profit-)Sparkonto: 0.375%
- Profit Privatkonto: 0.1%
http://www.raiffeisen.ch/raiffeisen/int ... .01.01.pdf



wänds da eim für blöd verchaufe? wieso händ d'raiffise gruppe nid überall de glich zins? isch verarschig oder was?

olol de roli.

wetsch itz doch lieber zur poscht?