The(G)Forum

han s erst mal e nachforderig für CHF 1.40 im briefchaste für sache, wo ich am schalter wäge lah und d dicki überprüeft wird. het öper erfahrige was d post macht, wenn meh de zettel eifach ignoriert? es gat mir ums prinzip.

guet eigentlich vermag ich 1.40 nöd bi dene game priese

Zahle susch wirsch wahrschinli gmahnt.

Ich han vo dennä au immer mal wieder becho. Isch bitz Willkür im Fall... Kei Ahing.. Han denn Poscht amigs immer bitz gföpplet... Lah amigs es Foti lah cho vom Brief (die föteled nämlich alles) udn lasi nochcli lach uufwand ha... Sie tönd die Charte sogar mängisch denn 1-2 Monet später nomal schicke wenn nid zahlt hesch.... Aber irgendwenn isch denn rueh... Ich zumindest han nid immer alles zahlt. Dettt womi im Rächt gfühlt han, han nid zahlt. Hani wirklich zwenig frankiert oder de Brief isch wirklicz zDick gsii (obwohl mir das eigentlich äbä nie passiert) denn hani amigs zahlt.... Aber Betriibi töndsdi nid - nid dasi wüsst

Ich ha letschti au sone Forderig über 10 lächerlichi Rappe im Briefchaste gha...
Mis Gottemeitli hät mir usem Schuellager e Charte gschickt und sie hät ebe e alti A-Post Marke verwendet.
Mer häts ja eifach chöne als B-Post zuestelle und guet isch. D Charte isch sowieso 5 Täg unterwegs gsi. Also alles andere als A-Post.
De Ufwand wäg dene 10 Rappe hät sich uf jede Fall sicher glohnt für d Post...

... vorallem... was chasch du als empfänger derfür?
söttsch grad am post-chef charte schicke mit z'wenig frankiert...

Ja, das hani au dänkt...
Wännd aso öppert hassisch, schickschem massig unfrankierti, leeri Couvert zue. Er chunt dänn d Rechnig über...

wenns de Sänder nid känned, wird de Empfänger zur Kasse bättet... So isches ...

wenn's würsch lah druf ab cho, chämsch wohl weg... aber wege paar rappe e rechtsstrit?

Bi mier isch das en richtig Prinzipfrag... Poscht isch wirklich willkürlich.. Schicke NES Games z.b. immer im Kartoncouvert. 9 x ghats, 1 x nid.... Uf de 1000stel Millimeter gliich tick das Couvert und uf einisch setts dick sii.. Das regtmi.... Darum zahli amigs nid und striite chli mit de Poscht.... Und Kulanz känned die Wixer au nid.... Sorry, mal es aug zudrücke... ABER - und das isch leider so, siit das halt Roboter/Maschine mached, wird knallhert uusortiert und grad sonen sautummi charte gschickt.. Regmi amigs wirklich uuf..

Und was au voll regt, sind denn amigs die ultraschlaue antworte vode Post Mitarbeiter Du.. Chönt amigs eine Verprügle..

agestuffer

Würd ja nütt sägä wenni die 2cm Reglä kei Ahnig um 50% würd verletze und es Couvert mit 3 cm no wellä durewürge.... Aber wägä ei ahnig. 10zel Millimeter huerä go motze.

Jetzt chunder grad in Sinn, hett doch mal eini am Telefon gseit, wenns in Briefchaschte inegaht (also die Gälbe vode Poscht) denn isches okay vode Dicki härt.... Ich Schlaumi also en Ziitlang Paket am Schalter abghä, bzw. Briefe bis 5 cm au am Schalter und all die Games etc. wo ines Couvert ghönd amigs dusse inegruert... Was meinsch, hani no so Charte übercho zum Nachezahle... 3 x darfsch rate.. Darum, regtmi.. Puls grad uf 250 weni da das immer tänke...

Haha so geil ich han immer denkt wenns im Gälebriefkaste inne passt isch guet

Einmal isch knapp inne und was isch pasr Wuche spöter inne gflatteret?

Post isch leider au eine vo dene Betriibe wo extrem nachghla hend im Service.. Isch leider so... Offnigsziite z.b.
Frühner 7.30 - 12 / 13.30 - 18 Uhr
Hütt 9 - 12 / 14-18 Uhr
Und denn muesch immer huerä Luege, vor Fiiritige und so macheds amigs scho am 4ri zue

Oder auch am Schalter.. Frühner alles Lüüt us de Region am Schalter gshcaffed in Goldau. Hütt, glaub no 1ni usem Dorf, die andere alli Zeitziit, wärded glaubs innerhalb vode Filiale umegreicht.. Alpott hets neue Fraue/Manne am Schalter.... Nümm wie frühner das ganze....

Aud Schalter oder Filale sälber regttmi uf - frühner in Goldau super Masse/Gschäftschundeschalter gha... Hani amigs chöne Zack Zack das Zeugs anebiige... Hütt, umständlich hoch 7... Hend die gfühl ich scanne alles sälber ab und ruehred denn i die Wage ine... Mag für Privati ja guet sii wo es Zalando Päckli hend, aber nid für Lüüt wo 10 Pack am Tag hend oder so....

UND äbä, die Portocharte Willkür womi wirklich uufregt....

Post regt. Punkt, Fiirabig, Wuchened

pöschtler sind super bi eus. 1a service !
wenn niemert dihei isch und en igschribbne oder es päckli überchunsch, denn gends es am pöschtler mit wo tour bi eus im gschäft machet und bringts denn grad is büro.
guet ich spendier au immer es kafi.

was chli nahglah het... früener isch poscht i de regel am morge choo. hüt teilwiis am mittag bis spötere mittag.

was mi aber tödlich ufreggt wenn wotsch ahlüte. filiale telefonnummer findsch gar nüt meh. nur no die tubel 08***** nummer mit tonbändli und warteschlaufe. aber das isch ja leider scho fascht überall so.

Zum Thema: Ich bin mer recht sicher dass bi einmaligem nöd-zahle nüt passiert, aber wänns sich hüüfe würd, würdets rechtlichi schritt iileite. Soviel ich weiss isch das nämli nur ä freiwilligi zahlig und nöd verbindlich, mit dem brief bittet si dich quasi drum freiwillig en betrag z'zahle für ä anderi person. Han mal sonen komiker gseh wo das thema uusgschlachtet hät: det hät d'uskunft vo dä post das explizit gseit dass es rechtlich gseh freiwillig seg.