Seite 1 von 1

Unerwünschti Ahrüef

Verfasst: 13 Mär 2024 15:01
von Vyse
Wie gönd iehr mit Ahrüef um, wo unerwünsch oder unbekannt sind?

Ich empfinds als extremscht uufdringlich wänn mier unahgmäldet und nöd im Voruus veriibart (Datum und exakti Uhrziit) ahlüüted. Das gränzt scho fascht ah Huusfriedensbruch und ich wür die ahrüefendi Person am liebschte erwürge.

(Als obs nöd gnueg anderi Kontaktmöglichkeite gäbt: eMail, Briefposcht, SMS, Whatsapp, facebook oder richte e scheiss Brieftuube ab).

Option 1
Alles blockiere, ussert Nummere wome explizit zuelaht: Whitlisting

Option 2
Telefonie praktisch ganz uufgäh, indem me e Voicemail hinderlaht mit Ahwiisige, wie me mich chann kontaktiere z.B. en eMail-Ahdrässe i dä Voicemail ahgäh (wo definitiv nöd die primär eMail isch, sondern extra für dä Zwäck erstellt wird).

Option 3
Gits evtl. en App (bevorzugt uuf iOS), wo in Ächtziit all Infos ahzeigt zum aktuelle Ahruefer, wänn er nöd i dä Kontaktlischte isch? Das wär eigentli no cool.

Macht mi hässig, HÄSSIG!!!

Re: Unerwünschti Ahrüef

Verfasst: 13 Mär 2024 15:23
von Master(G)
mich au, aber wenn ich en nummer ned känne, nimmi halt eifach ned ab. nummere woni gspeicheret han im adressbeuch vo fründe, zeiget ja name ah.

und weni feststell, dass es spam-aruef gsi wär, klicki schnell uf blockieren. easy. chasch fascht ned verhindere.

über whatsapp chömed afe au scho ine. teils sogar mit videocalls, die hueresöhn! :damn:

Re: Unerwünschti Ahrüef

Verfasst: 13 Mär 2024 15:24
von turntablism
uf mim mobilphone nimmi gar nöd ab wenn i nummer nöd kenne.
wenns mi denn wunder nimmt wer ahglütet het, lüti mit em festnetz us em gschäft retour. denn weiss i obs es call center isch und cha d nummer uf mim händy blockiere.

im gschäft hänki i de regel grad uf, wenn i merk dass es kein kund isch. ha da en habimat und chan au nervesääge nummere speichere und beschriibe mit - nicht abnehmen.

Re: Unerwünschti Ahrüef

Verfasst: 13 Mär 2024 15:28
von Vyse
Stimmt, das hani au scho gmacht, vom Gschäftstelifon zrugglüüte. Wänns Spamer oder Scamer sind, verbindets meistens eh nöd bzw. chonnt Nr. ungültig oder öppis i däre Art.
Master(G) hat geschrieben: 13 Mär 2024 15:23 die hueresöhn! :damn:
Ganz genau!! :lol:

Re: Unerwünschti Ahrüef

Verfasst: 13 Mär 2024 15:35
von Buccaneer
Ufrege und es drama mache...
Oder säge: nei danke tschüss und uflege.

Re: Unerwünschti Ahrüef

Verfasst: 13 Mär 2024 15:43
von Vyse
Sorry, das isch viel zu pragmatisch und beherrscht und dä Situation nöd adäquat.

Re: Unerwünschti Ahrüef

Verfasst: 13 Mär 2024 15:48
von Buccaneer
Aha. Denn hörer ane lege und warte bus dise nüm labered u de säge? Was? Ich checks nid...
- sicher?
- das cha nid si
- wie funktioniert das genau?
Repeat...

Re: Unerwünschti Ahrüef

Verfasst: 13 Mär 2024 20:26
von Vyse
Option 4
Bild

Re: Unerwünschti Ahrüef

Verfasst: 14 Mär 2024 17:29
von feeshlee
chupapi muñaño?

Re: Unerwünschti Ahrüef

Verfasst: 18 Mär 2024 11:20
von Alurios
Ich nimm Nummere woni ned kenne au ned ab. Wenns wichtig isch chönnd die Lüüt ja uufds Voicemail rede. (Das machet seriösi Aruefer ja in dr Regel au)
Denket no dra, dass ihr bi Swisscom und co. im Kundecenter noch sone Callcenter Filter chönnt inemache.
D Local App hilft au ab und zue.

Re: Unerwünschti Ahrüef

Verfasst: 18 Mär 2024 17:46
von Reinforced
Han sit churzem oso Calls ufem Handy. Geit öppis ume :?: :help:

letschti frittig 2 und hüt 3 unbekannti 079er ahrüef innerhalb chürzerschter zyyt :schraube:

Frage mi öb das vom Provider abhänging oder warum oder wie zu höll die uf mi chöme. Blockiere bringt ja nüt wenn immer neui nummere

edit:

Offebar geit das under Spoofing ahrüef. Irgend es callcenter missbrucht als Call ID e schwizer 079 oder 077er Nr.... hüere müesam ha täglech so scheiss jetzt

Re: Unerwünschti Ahrüef

Verfasst: 21 Mär 2024 12:42
von Moff
wenns cold call verchäufer sind: bevor sie de erscht satz fertig gseit hend sägi eifach "danke kei interesse" und legge grad uf
scam versüech eifach kommentarlos ufhänke.

das problem laht sich halt nur mit prävention verhindere, nummere nieneds ageh.
uf mim private chumi chum was über, einisch im jahr lütet eine wäge versicherige a und einisch im jahr eini womer will wi verchaufe.
muess ich mir selber ade nase neh, die nummere hani mal neumeds ageh woni ned hätt sölle

viel schlimmer mis gschäftshändi. de wo das vorher gha het, het sich bi jedem bullshit agmolde, git dauernd sms und herti scam versüech. han iets scho 2 mal sonen computerstimm druf gha wo seit ich wärdi vode polizei gsuecht :lol:

Re: Unerwünschti Ahrüef

Verfasst: 29 Mär 2024 06:36
von Unseen
Moff hat geschrieben: 21 Mär 2024 12:42 viel schlimmer mis gschäftshändi. de wo das vorher gha het, het sich bi jedem bullshit agmolde, git dauernd sms und herti scam versüech. han iets scho 2 mal sonen computerstimm druf gha wo seit ich wärdi vode polizei gsuecht :lol:
:-D
Wo esch ächt dä Metarbeiter jetze? ;)

Re: Unerwünschti Ahrüef

Verfasst: 29 Mär 2024 07:08
von Jones
Nummere niene agäh hilf sicher bitz aber i gloube die gwählte nummere si oftmals o random.. denn bringts nüt wenn sie niene agisch... D'chance sinkt halt aber komplett vermiide geit nid..

Und 079er nummere blockiere u melde bewirkt, das useme opfer grad nomau e siofer machsch...

Wenn nämlech es scam callcenter dini nummere spooft u missbrucht, chasch als opfer nüt derfür. Bechunnsch denn entweder bösi rückrüef, diversi abklärige vor Polizei und wenn gsperrt u gmeldet wirsch, bisch bald mal blacklisted und chasch dini nummere chüble wiu nie weisch, ob e verbindig überhoupt no z'stand chunnt wenn uf dr böse liste bisch...

Re: Unerwünschti Ahrüef

Verfasst: 02 Apr 2024 12:21
von thaeye
sobald dini nummere mal im netz isch, wird sie au im darkweb agricheret mit wiitere informationa vo dene scam callers, die schaffet zum teil zämä und teilet sich die datebanke wo sie den au zämä "verfiiineret". irgendswaen haends en datesatz über dich mit telefonnummere, kreditcharte etc etc.

ja zum teil sind die aruef random, aber sobald abnimmsch wird de datesatz agriicheret mit -ACTIVE-und zirkuliert den wiiter zum nächste Scam Callcenter in Indie/Afrika

Re: Unerwünschti Ahrüef

Verfasst: 04 Apr 2024 16:23
von fifi
Irgend es system fake wär ja geil für so ahrüef!
Computerstimm wo seit:
- Welcome to site AR43202143525 please enter your verification code to log in.
- System GWRQ37183 is ready, enter you code to start the missile launch procedure.

Ala Wargames oder so :D

Re: Unerwünschti Ahrüef

Verfasst: 10 Apr 2024 13:24
von Master(G)
grad jetzt sone aruef becho mit ere computerstimm.... vonere 076er nummere.
inner 2 sekunde ohni es wort wieder ufgleid. blockiert. aber scho erschreckend was da grad abgaht... :|

Re: Unerwünschti Ahrüef

Verfasst: 10 Apr 2024 14:16
von Jones
blockiere isch für nüt!
1) lüte sie eh nid mit dere nummere nomau a
2) sich d'nummere eh gspoofet
3) figgsch unter umstnde dr richtig bsitzer vor gspoofete nummere, wenn ihn sperrsch und meldisch

Re: Unerwünschti Ahrüef

Verfasst: 10 Apr 2024 16:43
von thaeye
s geile dra isch ja das provider das technisch underbinde chöntet. aber ebe.

Re: Unerwünschti Ahrüef

Verfasst: 11 Apr 2024 02:01
von zeromeier
Wäg dem hani vor paar Jahr d Nummere gwächslet, täglich 2-5 so arüef becho, immer anderi nr.

Re: Unerwünschti Ahrüef

Verfasst: 11 Apr 2024 05:08
von Buccaneer
Jones hat geschrieben: 10 Apr 2024 14:16 3) figgsch
:sabber:

Re: Unerwünschti Ahrüef

Verfasst: 11 Apr 2024 05:41
von Jones
thaeye hat geschrieben: 10 Apr 2024 16:43 s geile dra isch ja das provider das technisch underbinde chöntet. aber ebe.
spoofing oder was genau?

Re: Unerwünschti Ahrüef

Verfasst: 11 Apr 2024 14:04
von feeshlee
:deathlord: THIS IS SWISS POLICE DEPARTMENT :deathlord:

Re: Unerwünschti Ahrüef

Verfasst: 14 Apr 2024 09:01
von falagar
DEAD OR ALIVE YOU'RE COMING WITH ME