Röhren TV mit blaustich?

[sirarthur]

Habe einen kleinen Röhren TV (Marke Mikomi, 14"), der TV hat einen integrierten DVD Player. Bei Anschluss einer Konsole über Scart, hat das Bild einen blaustich, weisse Schriften sind hellblau. Bei Anschluss über Cinch ist der blaustich auch da, aber geringer. DVDs über den eingebauten DVD Player werden farblich korrekt dargestellt, auch die Menuanzeigen des TVs zeigen ein klares weiss. Gehe deshalb davon aus, dass es keine direkter Defekt der Bildröhre ist, sondern mit dem Videosignal zu tun hat. Der TV kann NTSC und Pal sowohl über Scart, als auch über Cinch darstellen, also kein Fernsehnormenproblem.
Hat jemand Erfahrung mit TV öffnen und nachsehen, ob es Potis hat, an denen ich evtl. etwas verstellen kann? Auf was muss man achten, habe gelesen, die Restströme sind in den Röhren TV sehr hoch.

[fifi]

Sali,

also da de TV mit em Interne Player korrekts Bild liefered, vermueti jetzt mal is blinde usse, dasmea de etwaige intern vorhandene Potis nöd mues schrube.

Problem isch offebar signal vonere externe quelle wird offebar nöd richtig dargstellt.
Chans si das ei farb vo RGB fehlt?

CHECK:
Quelle: isch die in ornig? Also speuzt sie es korrekts bild us? isch s'SCART Kabel iO? -> Quelle amene andere TV teschte en option? Denn wüsstisch grad beid Frage. SHIT IN = SHIT OUT

Falls Quelle/Kabel OK isch, den chönnts si das d'SCART Buchse am TV en Pin vo de Farbe kei kontakt meh macht? Das wür sowas erchläre, falls e farb absent isch.
Switching uf Externe input gaht offebar, du gsehsch s'blaustich bild, evtl happerets au wiiter hinne i de Signalchetti. Das würi aber erschtmal usschlüsse. Meischt failed mechanischi Sache als erschtes, und wemme bimne SCART chli ummewürgt, cha das schomal passiere. Vlt gsehsch optisch was? Lueg da: https://de.wikipedia.org/wiki/SCART#Steckerbelegung Blau häsch (Pin7) -> fehlt Grün (Pin11) oder Rot(Pin15)?

Bei Anschluss über Cinch ist der blaustich auch da, aber geringer.

Das isch chli komisch, aber lömmer das mal biisite bzw im hinterchopf, au da checke amne andere TV falls möglich.

Gfahre:
CRT:
30-40 Kilovolt i de Röhre, e Röhre isch technisch sowas wie en supergrosse Kondensator. Cha sich nachem erfolgriche entlade, namal neu uflade ohni das Anode aghenkt isch.
Platine:
All Kondensatore, bsunders die i de gegend vom PSU/Anodespannig/Zeiletrafo händ dampf druff.
Restström flüssed erscht denn wenn du drah langsch und flüsse lasch, wie höch die sind hanged vo dir ab. tönt luschtig, isches aber gar nöd! D'Gfahr isch korrekterwiis gseiht s'Potential wo gspeichered isch, da wirsch vo 5V bis zu de besagte 30-40KV verschiedeni stufe atreffe. die einte gfährlich anderi weniger/nöd.

Min Rat für kompletti Laie: aluege mit respekt OK, iwas alange nöd! Ich weiss natürli dis know-how nöd, just sayin! I Prinzip: Sobald d'Abdeckig weg häsch bisch usem Consumer Safe bereich dusse, als genereli Regle. En chleber uf de Rücksiite wirsch au gseh woder das seiht aka DO NOT OPEN/FOR TECHNICANS ONLY

Bi au kein Audio/Video Elektroniker (leider hät meh das nümme chönne lerne damals), aber ha stromer glernt und chli mit audioelektronik hobbymässig beschäfftigt (bis hi zu vollröhre amp baue für e-giti)
En TV hani grad is naomi am zügled, isch aber nannig betriebsbereit.

gruzz!

[sirarthur]

sali, danke für dini usführlich Antwort. Konsole als Übeltäter chamer uschlüsse, da die a andere TV tip top funktioniert. Hans au no mitere PS2 probiert, genau s'gliche Bild a dem TV. Usgehend vo dine Beschriibige lahn ich das ganze und de TV chunnt id d'Entsorgig, es lohnt sich nöd. Mer muäss sich wahrschinli e demit abfinde, dass irgendwänn au de letschti CRT tot isch, c'est la vie...

[fifi]

bitte!
Hey es cha im Fall ganz was simples sii, wie ebe e SCART Buchse wo nüme kontakt macht.
Also bevor en kipsch vlt doch mal ufmache und eifach mal aluege? chasch au bilder poste do inne
Wieder zämmeschrube und schmeisse chasch immerno..

[sirarthur]

Hans nomal probiert, Scartstecker vielmals inne udn usezooge, i de Stecker pustet (mänschlichi Puste und Elektronik = Magic) und siehe da, s'Bild schint wieder normal, oder zumindest mit viel weniger blaustich. Es isch natürlich kein chline PVM, sonder en China CRT, evtl. sind au drum d'Farbe nöd de Hit, aber schlächt isch es nöd. Mal luege wie sich das entwickled, ich lan jetzt mal paar Stund laufe....

[fifi]

Gsesch, mängisch lohnt sich minimale ufwand vor em schmeisse
TOP!