Alien Romulus

[cartman]

sehr nett! da würdimer au en ganze film devo aluege.

[Vyse]

Alien Romulus 6/10

Überragendi Produktionsqualität. dDesignsprach vom 1 und 2 isch klar übernoh worde und han sogar sGfühl, da isch au Inspiration uus Alien Isolation iigflosse. Visuell isch dä Film en Gnuss. Faht au gar nöd so schlächt ah. Han gmeint gha, es wird e Lugge gfüllt, wo mier vorhär gar nie uufgfalle isch, nämli sLäbe und sGschehnis uuf dä Kolonie vom zweite Teil. Leider isch das nur en ganz churze Abschnitt vom Film gsi.

Miini Kritik gilt drüü Pünkt:

- Charakterbildig: dCharaktere sind uuswächselbar und unispiriert. Dä Einzig guet gschriebeni und gstalteti Charakter isch dä Android, die reschtliche würket absolut irrelevant und uustuuschbar, was ich so schad gfunde han im Hindergrund vo sondere überragende Produktionsqualität.

- Tempo und Rythmus: Miine Meinig nah muen en guete Film en Rythmus und es passends Tempo ha. Es bruucht Ziitfänschter, i dänne dCharaktere uusatme chönnt und du als Zueschauer ebbefalls ahcho und dich orientiere chasch i dä Umgäbig. Eifach churz Pause mache und dAtmosphäre uufnäh. Leider, sobalds losgaht, bliibet Tempo und Rythmus gliich, es passiert ständig öppis und das tuet em Film en Abbruch.

- Story: Praktisch nöd vorhande. Ebbefalls extrem schad vor sonere guete Kulisse. Es chömmed da und döt paar interessanti Aspäkt vor, neui Strategieä zum dAliens bekeämpfe, stellewiis wird e chliini Lugge gfüllt aber im Grosse und Ganze häts sichs ahgfühlt wie en grosse, bitz konzeptlose Fan Service und nöd wie en eigeständige Film mitäre wagemuetige, eigetümliche und erinnerigswerte Prämisse.

[thaeye]

guet gschribe

[Master(G)]

im Grosse und Ganze häts sichs ahgfühlt wie en grosse .... Fan Service

perfekt!

als super-fan chani de samschtig chuum abwarte. i mine alien-groups fiirets de film alli. mini erwartigshaltig isch entsprechend höch. am samstig abig gahts is kino!

[thaeye]

das de alvarez bilder chan haeter mit evil dead scho bewiise, au spannigsufbau haeter druff, charakterzüügs eher wenigr.

[Vyse]

Ich muen ehrli säge, ich hätt meh Gore erwartet. Isch doch überraschend harmlos gsi. Hätt jetzt uuf kein Fall es Splatterfäscht wälle aber es Spürli meh hät em Film au nöd gschadet.

[grappagott]

Romulus - Remus 8/10
Geiler scheiss, füelsch di zrugversetzt id 80er johr.
Einzigi kritik z luut gsi und halt fascht nur teenies ufem screen.

[sidusson]

Alien Romulus 6/10

Überragendi Produktionsqualität. dDesignsprach vom 1 und 2 isch klar übernoh worde und han sogar sGfühl, da isch au Inspiration uus Alien Isolation iigflosse. Visuell isch dä Film en Gnuss. Faht au gar nöd so schlächt ah. Han gmeint gha, es wird e Lugge gfüllt, wo mier vorhär gar nie uufgfalle isch, nämli sLäbe und sGschehnis uuf dä Kolonie vom zweite Teil. Leider isch das nur en ganz churze Abschnitt vom Film gsi.

Miini Kritik gilt drüü Pünkt:

- Charakterbildig: dCharaktere sind uuswächselbar und unispiriert. Dä Einzig guet gschriebeni und gstalteti Charakter isch dä Android, die reschtliche würket absolut irrelevant und uustuuschbar, was ich so schad gfunde han im Hindergrund vo sondere überragende Produktionsqualität.

- Tempo und Rythmus: Miine Meinig nah muen en guete Film en Rythmus und es passends Tempo ha. Es bruucht Ziitfänschter, i dänne dCharaktere uusatme chönnt und du als Zueschauer ebbefalls ahcho und dich orientiere chasch i dä Umgäbig. Eifach churz Pause mache und dAtmosphäre uufnäh. Leider, sobalds losgaht, bliibet Tempo und Rythmus gliich, es passiert ständig öppis und das tuet em Film en Abbruch.

- Story: Praktisch nöd vorhande. Ebbefalls extrem schad vor sonere guete Kulisse. Es chömmed da und döt paar interessanti Aspäkt vor, neui Strategieä zum dAliens bekeämpfe, stellewiis wird e chliini Lugge gfüllt aber im Grosse und Ganze häts sichs ahgfühlt wie en grosse, bitz konzeptlose Fan Service und nöd wie en eigeständige Film mitäre wagemuetige, eigetümliche und erinnerigswerte Prämisse.

chanimi 100% aschliesse. es hät so viu meh potential gha.. si hei eifach probiert die aute nachezmache ohni eigeti würklech schlaui idee inedsbringe... ou dr eint wo nume cgi isch isch ganz wüest gsi..

schad

[Vyse]

Ich will jetzt en Film, wo dGschicht zw. em erschte und em zweite Teil uufarbeitet und dä Fokus uuf dKolonie uuf LV 426 leiht. Ich glaube, das hätt huere Potential, me chönnt so viel druus mache, dAhsätz häts ja im Romulus gäh. Theme wie Uufbau vo dä Kolonie, Technologie, wie Weyland dLüüt uusbüütet, usw. da chönntsch huere viel druus mache. Ahfang vo Romulus hät mi stellewiis sehr ah Blade Runner erinnered, da chönnt me au persönlichi Struggles driibringe, Arbetssklave gäge Terraforming-Imperium Weyland. usw. Da brüüchtisch eifach gueti Stroywriter.

[zeromeier]

Alien Romulus, bin glaub eifach nüm so Fan und de Cast isch irgendwie 18i wie usme random teeny slasher. Die roboter gschicht imo no am beschte aber scho 100x (besser) verzällt wurde. 6/10, sicher kein schlächte film aber au wüki nüd neus, chli Terminator Vibe, evtl isch das eifach fertig verzellt.

[Kretinou]

Alien Romulus megamix fan service edition : 7/10

[Master(G)]

Alien: Romulus

locker 8/10 für mich als super-fan

[Doraemon]

Alien Lolumus: Mues säge ig u d Frou si rächt zfiede usem Kino cho. Schouspieler zwar zum vergässe. Wenn der besti Schouspieler e SD-CGI Version vom Ian Holm isch gsi, denn git eim das scho ds denke. Aber me cha o nid wüki motze, denn audiovisuell ischer super und verbreitet die gueti alti Alien Stimmig und lieferet no coole Fanservice. Am Schluss chunnt sogar no der Orphan of Kos usem Bloodborne vor Deheim heimer när grad Alien 1 - 4 gluegt übers Wucheänd verteilt und de fingt me würkli no paar cooli Verweise im neue!
Und wots no einisch me säge: D Monster-Effekte im Alien Resurrection si eifach der WAHNSINN! Weiss nid werum dä immer so schlecht wägchunnt bi aune.

[Master(G)]

jup, wie du seisch, fan-service super, design mit de alte ästhetik hammer, creatures fascht ohni cgi au super! "wallgina" rofl... meeerci.. .und die schluss-szene... holyfuck mini frau und ich sind au total happy gsi mit em romulus. mir händ im fall am weekend au no aliens-filme gluegt, aber "nur" prometheus und covenant (will mer die nur 1x gluegt händ)...

mis aktuelle alien-ranking:

1. Alien
2. Aliens
3. Alien: Romulus
4. Alien 3
5. Alien: Covenant
6. Alien Ressurrection
7. Prometheus

ich find de Ressurrection au no witzig. isch halt mängisch meh comedy als horror, aber isch voll ok. darf mer mache.

[Vyse]

jup, wie du seisch, fan-service super, design mit de alte ästhetik hammer, creatures fascht ohni cgi au super! "wallgina" rofl... meeerci.. .und die schluss-szene... holyfuck mini frau und ich sind au total happy gsi mit em romulus. mir händ im fall am weekend au no aliens-filme gluegt, aber "nur" prometheus und covenant (will mer die nur 1x gluegt händ)...

mis aktuelle alien-ranking:

1. Alien
2. Aliens
3. Alien: Romulus
4. Alien 3
5. Alien: Covenant
6. Alien Ressurrection
7. Prometheus

ich find de Ressurrection au no witzig. isch halt mängisch meh comedy als horror, aber isch voll ok. darf mer mache.

Ich find Covenant mit jedem Luege besser. Dä Film isch deep Shit, mega interessanti Ahsätz. Spannend au, sich über dBeweggründ vom David Gedanke
zmache. Ich glaube, Covenant wär bi mier mittlerwiile a dritte Stell (Alien und Aliens i dä Top 2 isch indiskutabel).

[Master(G)]

covenant hett en position guet gmacht bi mir nachdem ich en am weekend nomal gluegt han. deep shit triffts guet, mängisch too deep äbe au

aber es gitt immerno viel zeugs, woni schlächt find. nur scho die szene wo das komplett fertig entwickelte alien usem brustchorb schlüpft isch mer nach wie vor en dorn im aug. sött en chest-burster si erstmal! au das ganze high-tech-saubermann-equipment, computer, med-kapsle, cryochambers...Coventant spielt ja VOR Alien und Aliens. Technisch schiinet die aber VIEL wiiter entwicklet zsi. das passt mer ned. Au de Tennessy wo die ganz kolonie für sini frau oder paar crew-member riskiert, obwohl er eigentlich jederziit mit dem shuttle hetti chöne abe flüge...

aber die ganze evolutionsstufe dur em david sini experiment isch ziemlich cool. au de schlusskampf isch geil.

flötespiele hett denn wiederrum ned sii müesse

[Kretinou]

Covenant war nur 3 minuten geil mit diese fight szene :

[Vyse]

Genau dä letschti Teil vo Covenant, wo sAlien vorchonnt, isch dä schlächtischt. Händs müesse als Fan-Service wohl eifach no innebringe.

[Vyse]

e high-tech-saubermann-equipment, computer, med-kapsle, cryochambers...Coventant spielt ja VOR Alien und Aliens. Technisch schiinet die aber VIEL wiiter entwicklet zsi. das passt mer ned.

Magi au nöd mega fescht aber um Wälte besser als bi Prometheus. Ich finde sDesign mittlerwiile gar nöd so übel aber ja, weiss definitiv, wasd meinsch.

flötespiele hett denn wiederrum ned sii müesse

Chamme drüber diskutiere, was das söll. Ich finds rächt guet. Für mich repräsentiert sFlötespiel es Wiitergäh vo mänschliche Kultur, wo ja überhaupt zerscht vom Mänsch ahn Android hät müesse wiitergäh werde. Kultur transzendiert dä Mänsch und wird dänn sogar eme witere Android vermittlet.
Au dObsession vom David, dass dSchöpfig, dä Schöpfer überrage söll, findi mega interessant. Drum hät er ja so e Verachtig dä Mänsche gägenüber.
Dä Mänsch, als Schöpfer vom David, isch ihm Underläge, so isch dä David siine Schöpfig underläge, nämli em Alien, wo er kreiert hät (und er zelebriert die, für ihn dä Wält immanänt Hierarchie). Dä Gedanke hani rächt provokativ und spannend gfunde und impliziert viellicht au es bestimmts Verhältnis vom Mänsch zu siim Schöpfer. Isch alles offe zum drüber nahzdänke. Dä letschti Part isch halt eifach üblichi Alien-Action gsi, wo me halt scho siit Aliens kännt und mier nümm viel Underhaltig bringt (wobii, mueni zuegäh, sehr guet inszeniert).

[Master(G)]

ja, aber de Ridley hett sich da verzettlet findi. Ich chan nahvollzieh was du seisch, aber wemmer das jetzt mit Gott verbindet und em Mensch als sini Schöpfig, denn chasch de ned bringe. De Mensch isch Gott ned überläge. Gott isch euse Schöpfer. De halbbachni religösi Asatz chani ned ernst näh und dass de David sich als Gott fühlt isch ja unterstriche, will am Schluss "Das Rheingold" vom Beethoven spielt (Eintritt der Götter in Valhalla)... btw han ich das eh so verstande, dass d'Engineer EUSI Schöpfer sind, also sind die quasi "Gott"... und sind eus hochhuus überlege.

Und mir sind es eh nur es Experimänt, wos händ welle vernichte. Us wellne Gründ au immer.

Egal. wie gseid. Too Deep für die Franchise findi. Unnötig. Interessant. Ja. Aber too much.

edit: Vielleicht erfahre mer meh ide Alien: Earth TV-Show nöchscht Jahr wobi ich da SEHR skeptisch bin ehrlich gseid.

[Vyse]

Das stimmt aber viellicht hät ja grad deswäge dä David dä Genozid ah dä Engeniers vollzogge, will ihm das nöd i siis Konzept nöd passt hät. Grad dä Teil channi mier nonig ganz erchläre, wieso genau er jetzt all dEngnieers vernichtet hät.

Ich finde ebbe grad duur so Konzept laht sich d IP uufrächthalte, genau döt häts no Potential, ohni sie billig uuszschlachte mit immer em gliiche Uufbau: Crew irgendwo iiugsperrt und wird vom Alien gjagt. We'll see.

[zeromeier]

Info a eu: Alien 3 isch super.

[Master(G)]

Info a eu: Alien 3 isch super.

ja scho. aber nur im directors cut!

PS: ha die ganz alien-diskussion mal i das topic verschobe.

[abyss]

Hmmm, finde dr Normal Cut besser. Es Alien wo usemne Hund platzt, hett meh „Punch“ aus usere Chueh.

[abyss]

Quelle