The(G)Forum

ah ok, danke. ja chan guet si. ha villes nöd gseh vo sim neuere züg. mandy isch easy gsi. weiss nöd wie dä space color film isch.
vo all dem andere züg won er die letschte jahr gmacht hät hani nöd mal ghört.

Mandy isch es Meisterwerk, Color out of space isch bitz meh, chamme luege, mueme nöd. Pig isch bitz es langsams, stills Drama (absoluts Gägeteil vo jeglichem Cage-Rage).

Muen no Willy's Wonderland luege, gesht witzig uus.


Quelle

ok, wunderland gseht no witzig us, aber was macht mandy für dich zum meisterwerch? bis ufd cinematographie find ich eich nüht speziell herusragend dra. vilicht no s sound design. gschicht ah sich isch.. okay. wenn ich cage ufm rachetrip geg en kult gseh will, lueg ich aber lieber drive angry. isch dümmer, aber underhaltender.

Vom Ahfang bis zum Schluss bini bi Mandy wie wägträtte gsi, sälte hät mich en Film derart absorbiert, en Film, wo das bewürke chann, isch für mich es Meisterwerk, es Medium, wo es Portal für "dSeel" vor mier uuftuet und mich völlig absorbiert. Es gaht ebbe nöd mal so sehr um e komplex, differenzierti oder underhaltsami Gschicht, sondern um sinnere Erläbe, wo dä Film uuslöst.

ich han en uf lsd gluegt und bin nöd wägträtte gsi.
ich bin dä scheiss droge obelix. :gorel:

nei im ernscht jetz. ich ha dur min rusch alles zu sehr hinderfrögt und analysiert. isch keh gueti idee gsi.

aber schön das er dich so verzaubert hät. chans gfühl scho nahvollzieh.

Ganz Sponti gester The Mule mit/vom Eastwood.. Hani guet gfundä... De Eastwood isch eh en guetä..
agestuffer

Gran Torino wom Eastwood scho gseh ?

turntablism hat geschrieben: ↑28 Jul 2021 13:48 Gran Torino wom Eastwood scho gseh ?

sensationelle film!

agestuffer hat geschrieben: ↑28 Jul 2021 12:22 Ganz Sponti gester The Mule mit/vom Eastwood.. Hani guet gfundä... De Eastwood isch eh en guetä..
agestuffer

Er isch eine vo de bescht.

Dr gran torino vo und mit ihm isch grandios, wenn nid eine vo sine beschte movies.

Ah dia angeri si schneller gsi...sry

jede isch guet. dä woni am meischte gluegt han (sicher öppe 5x) isch Flucht von Alcatraz.
Dirty Harry au nöd vergesse
und dä woner en Bull isch und im Wohnwage mitfahrt, Name fallt mer grad nöd ih.

turntablism hat geschrieben: ↑28 Jul 2021 13:48 Gran Torino wom Eastwood scho gseh ?

Klar, super film

turntablism hat geschrieben: ↑28 Jul 2021 14:13 jede isch guet. dä woni am meischte gluegt han (sicher öppe 5x) isch Flucht von Alcatraz.
Dirty Harry au nöd vergesse
und dä woner en Bull isch und im Wohnwage mitfahrt, Name fallt mer grad nöd ih.

dirty harry u pal rider findi gaggi. dr alcatraz und dollar reihe sind aber genial.

Tales from the Loop [Amazon Serie] (6.5/10)

Spielt ime Kaff wo praktisch jede für die glich Firma schafft wo durch zimlich fortschrittlichi physikalischi Experiment möcht d'Gränze vom Universum uslote. Die einzelne Folge sind irgendwie abgschlosse, allerdings mitenander verchnüpft will mer immerwieder Lüt us vergangene Episode trifft, und Konsquänze us vergangene Episode au erhalte blibe. Das ganze isch zimlich slowburn gfilmt und es goht meischtens um phantastischi Technike, wo zerscht verheissigsvoll überechmömet und denn zume ächte Problem wärdet. Die Serie möcht wohl so en art Black Mirror sie. Die guete Gschichte sind aber in der Unterzahl, und was mi extrem stört: de Sound. Sie händ nämlich es Thema gno, wo sowohl durch Melodie als au durch Inschtrumentierig frappant an das geile Klavierstück us The Leftovers erinneret, und sie händs zuesätzlich no usbaut, so dass es gfühlt in jedere Minute irgendwo uftaucht, was unweigerlich dezue wird füehre dassmers bald nüm chann höre.

Nomol Leftovers agfange. S1 fertig 9/10

leftovers isch en granate. ich bin in liebe mit ihr.


Quelle

Öpis vom Beschte isches! Weiss no vor paar Jahr woni ha afo luege, de Afang isch fordernd, aber es lohnt sich dürezha die erschte paar Episode

ich find sie die best serie won ich bisher han dörfe gseh. musik, bild, schauspieler, passt alles. sogar de lindeloff haet en super schluss anebracht.
han jedes mal gänsehuut bi de szene wo de pfaff uf gott trifft und na es paar anderne. scho 4 x gluegt alles.

Ja isch für mich näbe better call Saul ufem seriepodescht.

Eini vo de beschte Szene. "I am the authority!"

The Leftovers (2014)
https://youtu.be/DmQmepDPg6I?t=193

Tales from the Loop (2021)
https://www.youtube.com/watch?v=BCIwUUUh6f0

isch doch e Frächheit, oder?

american horror stories (söttet so churzgschichtli sii)

was füren schrott, de murphay chan langsam ufhöre mit dem müll.
2/10

How I met your mother (endlich alli Staffle gseh) -> 8/10



Endlich fertig glueget, 7 Johr nach Schluss. Eifach schön, aber guet verdaulich. Het Spass gmacht. Me gseht aber sehr dütlich dass d Serie nach 8 Staffle hätt sölle fertig si. Staffle 9 isch unglaublich langfädig. 22 vo 24 Folge vo der 9. Staffle, dreie sich um eis Wochenende. Die ursprünglich Idee isch wohl gsi dass i höchstens 2 Folgen ds verzelle. Aber me chas au positiv gseh: Ig ha no nie e sooooo langi Verabschiedig von ere Serie gseh.

thaeye hat geschrieben: ↑29 Jul 2021 14:59 american horror stories (söttet so churzgschichtli sii)

was füren schrott, de murphay chan langsam ufhöre mit dem müll.
2/10

Weli staffle?
Murder house und asylum hani geil gfunde...
Denn isches bachab...

Avenger hat geschrieben: ↑29 Jul 2021 17:14 How I met your mother (endlich alli Staffle gseh) -> 8/10



Endlich fertig glueget, 7 Johr nach Schluss. Eifach schön, aber guet verdaulich. Het Spass gmacht. Me gseht aber sehr dütlich dass d Serie nach 8 Staffle hätt sölle fertig si. Staffle 9 isch unglaublich langfädig. 22 vo 24 Folge vo der 9. Staffle, dreie sich um eis Wochenende. Die ursprünglich Idee isch wohl gsi dass i höchstens 2 Folgen ds verzelle. Aber me chas au positiv gseh: Ig ha no nie e sooooo langi Verabschiedig von ere Serie gseh.

HIMYM.. ganz grossi liebi!

Jones hat geschrieben: ↑29 Jul 2021 18:26

thaeye hat geschrieben: ↑29 Jul 2021 14:59 american horror stories (söttet so churzgschichtli sii)

was füren schrott, de murphay chan langsam ufhöre mit dem müll.
2/10

Weli staffle?
Murder house und asylum hani geil gfunde...
Denn isches bachab...

die richtig noi staffl chunt erst im august, das isch en ministory serie, en riesemüll. d staffl selber haend au extremst abgeh.
isch american horror stories nöd story

thaeye hat geschrieben: ↑29 Jul 2021 18:40
isch american horror stories nöd story

Hoppla! Not the same...