The(G)Forum

CIao zäme,

Nachdem ich scho oft vo dem Forum ghört han hani mi entschiede, mich au emol azmelde. Ich han ca vor 2 Johr agfange Arcades sammle und mittlerwiile isch en ganze Verein drus worde, und e chlini Spielhalle samt Wirtepatent, mir händ also offiziell als Gaststätte offe

Wenn öper mal Lust hät zum verbicho: üsi Spielhalle isch inde Ostschwiz im Sarganserland ide Gmeind Vilters-Wangs.

Witeri Infos und Föteli findet Ihr uf:

https://videobar.ch

oder im Insta:

https://www.instagram.com/nextlvl_arcade/

sit em neue johr hämer aber wieder off und händ jetzt ähnlichi öffnigsziite wie d freakers, das heisst 1x im Monet. im Moment immer am samstig mitte monet damitmer selber auna zude freakers chönd wennmer luscht händ

Greetz
shanki91

Grüezi und Welcome to the (G)!

Gseht guet us dini Arcade, respekt!
händ grad en follow uf insta da glah.

Danke villmol freumi au zum do derbi si. Denksch würs vllt sinn Mache de Thread obe bide Bekanntmachige inezfizze? Ich werd do werschinli nid jedi furz info inehaue aber ab und zue änderend sich d öffnigsziite mal denn wärs zentral verfüegbar greetz

sicher.
done.

Big McThankies from McSpankies

cool

Ah cool es het ja scho es Topic. Mir chöme jetz de ändlech o mau verbi. Ja i weiss i säge das scho lang, aber es mues haut für d Frou o passe...

Welcome!
Cooli Sach...leider ned grad ome Egge för die meischte Lüütlis.
D'Website esch cool oldschool...Tschugger-Style

Willkomme im Forum.

De Scud DX lauft witer tiptop

Scud DLX mit Motion was isches am schluss gsi?

D Website isch würkli cool.
"The only Spunten in the Region"

shanki91 hat geschrieben: ↑24 Okt 2022 16:27 Scud DLX mit Motion was isches am schluss gsi?

Isch a de Verkablig gläge. Ha na paar anderi Chlinigkeite chöne flicke. Macht Spass so

ah das freutmi, also keis millionegrab. ich han defür wieder platz fürs richtige auto ide garage und d lüt händ freud am xtreme hunting . mit es bitz üebig gohts übrigens recht guet und macht recht spass. muss denn mal zu dir verbi cho

Doraemon hat geschrieben: ↑24 Okt 2022 10:33 Ah cool es het ja scho es Topic. Mir chöme jetz de ändlech o mau verbi. Ja i weiss i säge das scho lang, aber es mues haut für d Frou o passe...

jederziit gern, mer freued üs

shanki91 hat geschrieben: ↑24 Okt 2022 17:11 ah das freutmi, also keis millionegrab. ich han defür wieder platz fürs richtige auto ide garage und d lüt händ freud am xtreme hunting . mit es bitz üebig gohts übrigens recht guet und macht recht spass. muss denn mal zu dir verbi cho

de hunting isch super, aber han irgendwie kei talent defür. d big buck hunters sind sehr ähnlich aber schinet mer eifacher.

hesch jetzt dis auto id garage gstellt?
gisch bscheid wen i de nöchi bisch.

meyerli hat geschrieben: ↑24 Okt 2022 17:20

shanki91 hat geschrieben: ↑24 Okt 2022 17:11 ah das freutmi, also keis millionegrab. ich han defür wieder platz fürs richtige auto ide garage und d lüt händ freud am xtreme hunting . mit es bitz üebig gohts übrigens recht guet und macht recht spass. muss denn mal zu dir verbi cho

de hunting isch super, aber han irgendwie kei talent defür. d big buck hunters sind sehr ähnlich aber schinet mer eifacher.

hesch jetzt dis auto id garage gstellt?
gisch bscheid wen i de nöchi bisch.

ja das hät sich so ergeh irgedwie de mitbewohnerin isch d garage glaub garnid so wichtig gsi, sondern nur dass mir 1 parkplatz me händ für bsuech. dä parkplatz stelli natürli gern zur verfüegig in dem dassi d garage bruche

Cooli sach, chumi gern au mal.

Hopp Tobias ! chumi gern au mol vebi

Hey Sali Tobias

Ich bi de wo im Jan/Feb die 2 leere Naomi isch gho hole!

Projekt lauft immer no, ha Zwangspause müese mache.
Ha leider en Wasserschade gha und de ganz Summer, letscht Wuche isch endli mal de Maler go striche cho.
Mit Lacke isch wohl nix meh das Jahr... mues es ebe verusse mache.

Schön händers hergrichted, gseht ganz andersch us als womer go hole cho sind!

mega

No als chlini info: Ich han geg ende letscht johr e gsundheitsbedingti pause müsse ilegge, sit em neue johr hämer aber wieder off und händ jetzt ähnlichi öffnigsziite wie d freakers, das heisst 1x im Monet. im Moment immer am samstig mitte monet damitmer selber auna zude freakers chönd wennmer luscht händ

oof das isch natürli blöd, zum glück gitz versicherige. Musch denn mal zeige wenns fertig sind

fifi hat geschrieben: ↑09 Nov 2022 19:33 Hey Sali Tobias

Ich bi de wo im Jan/Feb die 2 leere Naomi isch gho hole!

Projekt lauft immer no, ha Zwangspause müese mache.
Ha leider en Wasserschade gha und de ganz Summer, letscht Wuche isch endli mal de Maler go striche cho.
Mit Lacke isch wohl nix meh das Jahr... mues es ebe verusse mache.

Schön händers hergrichted, gseht ganz andersch us als womer go hole cho sind!